رفع شكوى ( على سؤال فيه خطاء ) نموذج a مباديء علم الاجتماع

[طموح التفاؤل]

ماأقول إلا الله يكتب إلي فيه الخير
إن ششاء الله

ووشسمه أشوف مو حلوة كل شوي نروح نشتكي
صحيح الحق ينقال والمفروض ينتبهون ويركزون ع هالأشياء
ومايطبعون الإختبار إلا تكون في لجنة تشييك

لكن هم من جهه ثانية مانبي نخرب ع نفسنا وبعدين
يحطون أسئلة صعبة وفها لحسة مخ

وفالكم التوفيق جميعاً

[مانسيتك !]

المشاركة الأصلية كتبت بواسطة طموح التفاؤل

بالنسبة لي ماذاكرته الا 4 محاضرات
وبعدها رحت ع الأسئلة وأسماء العلماء
إلى موجودة بالمنتدى وقريتها قراءة فقط لا غير

أما بالنسبة للأسئلة ماأشوف فيها صعوبة
خصوصاً إنه أقل الأسئلة من حق العام

إلي نزلته عاشقة أروج

إلا إنه عاكس بعض الأسئلة يعإلي جابه وابه تعداد خلاه تعريف
وهكذا، وبالنسبة للعلماء صدق تلخبطت لانه ماركزت


وبس يعني الزبدة الأختبار مو ذاك الزود في الصعوبة
و كان المفروض علينا نركز ع العلماء وتعريفاتهم


وفالكم التوفيق جميعاً

انا معك في كلامك . بس انتي هل ضمنتي كامل الدرجات 70 من 70 في الامتحان . اسمحيني اجاوب عنك . لا


اجل لو تجيك . كذا من السماء 1.4 مجاناً . ماهو شي جميل . من شان كذا قدما الشكوى


هههههههههههههههههه الله يبارك فيك

[ابن شبلان]

المشاركة الأصلية كتبت بواسطة ابونايف777

اخوي حنا نتكلم عن الخطئ في صياغة السؤال الاخير . وقصدنا في تقديم الشكوى لاحتساب الدرجة لصالح الطلاب .


عاد الاسئلة سهل او صعبة موضوع ثاني


بارك الله فيك

نعم هذي اني معك

تسلم يابونايف على راسي يالغالي

[abu_lyan]

لنفترض ان ها العالم اللي توني اسمع فيه غير موجود بالملزمه او بالكتاب ,,,هل الجامعه تنظر الى الشكاوى المقدمه من الطلاب اكيد لا والدليل الكوارث اللي اتت بالاختبارات منها ع سبيل المثال في اختبار القراءه والمحادثة انا نمودج aوتفاجات ان سبع الاسئله الاولى محلوله بنص الوقت تخيلوا معي جانا الدكتور وقال غيروا النمودج لانها محلوله قلنا وش دنبنا هدا غلطتكم مؤ مشكلتنا وقلنا حنا كدا ولا كدا عارفين الاجوبه ايش الفائدة من التغيير؟؟؟قال هدي اوامر الادارة الجامعة......يعني با الاختصار المفيد ادا لك حق لايمكن ان تاخده منهم ,,

[haya.m.a]

طيب ياحبايبي احنا الحين اختبرنا وخلصنا وان شاء الله ننجح
موضوع الشكاوي اللي كل شوي ماله داعي بس اللي اتوقعه ان الدكتور لما كرر كذا سؤال يمكن يبي منا
ان نلاحظ هالشي ويمكن تكون زياده للدرجه لو اخطاءنا بالاول يمكن تكون الاجابة الثانيه صح
يعني لاتكبرون المواضيع خلاص اللي قدمناه بالاختبار وان شاء الله ننجح هو صحيح لخبطنا باسئلة هالعلماء بس عموما الاسئلة حلوة مو صعبة مره ويكفي بجد كلام وخوف من المواد والاختبار وشكاوي ..

[الغاليه..]

ي ليت تقدم شكوى



قهر تضيع درجه وربع على سؤال خارجي خصوصا انه ماطلب الكتاب..


اسئلته كانت في غاية السهوله...

[عازف الكلمه]

المشاركة الأصلية كتبت بواسطة lucky

لا يابوي لاتقول وانا حاطة اوجبرن ومتاكدة

[shoo8]

طيب قولو ايش نكتب في الشكوى !!



اكتبولي االكلام عشان اسوي نسخ ولصق

[Friendly6Shark]

السلام عليكم,,,,,,,
اولا: هنااك اغلاط في الاسئلة تقريبا 3 اسئلة اللي 2 منها مكررة بالنسبة للنموذج d والثالث اللي تقولوا عنة حق (اوجبرن)(رغم انة زي ما قال خوينا ابراهيم اللي فوق جاي في الملخصات مكتوب علية ركزوا هذا حبيب الدكتور يعني قد سبق وسألة السنة اللي راحت او اللي قبلها اذا ماني غلطان ولا كيف جا في الاسئلة اللي كنا تذاكرها) عموما اذا فية خطأ لابد ان يتم تعديله واحتساب درجات الاسئلة الخطاء للطلاب ولا بد تقديم شكوى.

ثانياا: لابد ان نعطي الدكتور حقة رغم انة مجرد قاريء للمادة يعني القاء فقط ولكن الاسئلة قمة في السهولة وكلها من اسئلة الاعوام الماضية والتعاريف كلكم عارفين انها راح تجي ولكن كل واحد واسلوبة في حفظها والله ماذاكرت الا بعد اختبار الاحصاء ولكن ركزت على المنتدى الطيب ذا وغيرة وعلى والاسئلة حقت الاعوام اللي طافت ولكن التعاريف شفت لها طريقة خطيييييييييييييييييرة لحفظها وربي لو يعيدة الاختبار عشر مرات ما فرقت رغم اني كنت متوقع اني راح احمل المادة ولكن الحمد لله.
اسف ع الاطالة

الله يوفق الجميع واتمنى النجاح للجميج,,,,,

[lo0lla]

المشاركة الأصلية كتبت بواسطة لوليز

يابنات وشباب

تعريف النظم الاجتماعيه مافي ولا عالم من العلماء الثلاثة الاولى

اخر اسم هو الي اتوقع صح

لاني شفت بالمحتوى تعريف إدوارد وتعريف جنزبرج وتعريف روبرت ماكفير كلهم غير عن الي شفته بالاختبار

واناحافظتهم وعارفتهم

صادقه انا انجنيت اول الموضوع كل واحد كاتب شفته بالملزمه
ياعالم السؤال هذا هو الوحيد اللي مجنني كيف جايب تعريف من برا المقرر
يعني الاسئله الثانيه مرت علينا في اسئلة العام حتى لو ماهي في المقرر بس هذا مامر ابدا
منقص كلام او شي عشان كذا حطيت روبرت ماكفر وان شالله صح هههه


بس يالله شدو حيلكم اعترضو على هذا السؤال
وكل الاسئله اللي من برا ذبحونا كل ماده تجي فيها مجموعة اسئله من مقررات ادارة الاعمال ولا التربيه الخاصه
عجزنا والله صرنا نذاكر مناهجهم من باب الاحتياط ههههه حسبي الله