شهادة التعليم عن بُعد معتمدة لدى وزارة الخدمة المدنية .. تفضل وإقرأ بنفسك

[ملح البنات]

اي ابراهيم مايجي منه الا كل خبر حلووو

[رامـ2009ـا]

حتى لو قلتوا معترف فيها فيه شي اسمه مفاضله
يعني وش حضرتك ياللي وراء الشاشه بيقربونك والانتظام اللي يدوام ويتعب بيخلونه
الجامعات والله هذي ميزانيه لهم كل اللي يدرسون يبون ترقيه ولا كبير اذا تخرج قال عمرك كبير خلونا واقعيين
أول كان التعليم الحكومي يقبل واللي جرب ودرس في اهليه شاف المرمطه وانك شهادتك مالها فايده
غير كذا الخدمه ماراح تفتح على نفسها باب مغلق عارفه اللي يدرسون يبون الترقيه فما تقدر تقول لهم ليش ماقبلتوا شهادتي ناس منتظمين من 10سنوات مو لاقين وظايف وناس خلصوا انتساب من جامعة الملك عبدالعزيز والامام وجالسين واللي يبي ترقيه ماترقى يعني الطاسه ضايعه والكورة في ملعبكم
والارزاق بيد الكريم دعوا الايام تفعل ماتشاء

[جمال العنزي]

قبل ثلاث شهور 3 اشخاص توظفوا قسم بالله خريجي انتساب علم اجتماع حطوهم اخصائي علم اجتماع رواتبهم فوق 9000 في مستشفى عندنا بالديرة واعرفهم شخصياا ..

وما عندهم لا واسطة ولا هم يحزنون توافيق من رب العالمين

[AZIZ999]

اغلب اللي يدرسون عن بعد هم من على رأس العمل ويريدون ترقيات

او التحويل من النظام العسكري الى النظام المدني

وكل الشكر لك على طرح الموضوع

[البارقة]

لا مايصير يستثنون التعليم

[loler]

والله انتم يااخوان مدري ليش متمسكين بمسألة التدريس فقط
الرزق ماهو بس مجال التدريس
وكما ذكر الاخوان انه لابد تدرس دبلوم تربوي وتجتاز اختبار القياس
ونشوف بالكم الهائل منتظمين لم يجتازوا اختبار القياس وجالسين يعيدو فيه ثلاث مرات
فالأمر ان شاءلله بسيط لمحبين وظيفة التدريس مع انه لا افضلها ولا ارغب بها الواحد يالله يقدر يربي عياله
باقي يربي عيال الناس بين تربية وتعليم ...
وبالنسبة لتعليم عن بعد للي يقول للشباب اشربوها وبلو مويتها
اغلب المنتسبين لتعليم عن بعد موظفين ويرغبون في اكمال دراستهم وحصولهم لشهادة جامعية وهذا لطموح بكل شخص للحصول علي مناصب قيادية وعاليه بمجال عملهم .
وصدقوني سيأتي اليوم الذي ينظر في مسألة التعليم عن بعد لأنه بعد فترة سيكثر العدد
والدولة ماهي ناقصه تتصادم مع اعداد كبيرة من الشباب بسبب تعسف من وزارة الخدمة او وزارة التربية والتعليم
واخيرآ الله الموفق

[B502]

السلام عليكم ورحمه الله وبركاته

حبيت اوضح لكم عده نقاط بخصوص هذا الموضوع المهم بما ان هناك اكثرمن خمسين الف طالبه جامعيه منتظمه في انتظار التعيين في المجال التعليمي وعدد اكبر للطلاب فمن الاولى ان لا ينظر ديوان الخدمه في اصحاب شهادات التعليم عن بعد ليس تقليل من شانها او عدم الاعتراف بها طبعا لا وانما لكثره المتقدمين لمجال التدريس بمعنى انه لن يتم النظر فيهم الا بعد الانتهاء من تعيين الخريجين عموما على الوظائف التعليميه لخريجي الانتظام وكذلك هناك استحداثات لبرامج جديده في الهيكله التعليميه القادمه وتخصصات جديده ستدخل في المجال التعليمي باذن الله التي ستفتح مجال اكبر لتوظيف المنتسبين وهناك ايضا طريقه اخرى لتكون شهادتك انتظام وتتساوى مع المنتظمين وهي ان تحول من نظام التعليم عن بعد الى الانتظام بدا من المستوى الخامس وحتى التخرج فتكون شهادتك منتظم وتحظى ما يحظى به المنتظمون وهناك استثناء خاص من وزاره التربيه والتعليم للمنتسبين لاصحاب التخصص اللغه الانجليزيه والتعيين الفوري في حال وجود رقم شاغر... (المصدر بخصوص المنتسبين للغه الانجليزيه موقع وزاره التربيه والتعليم)..فلا تستعجلوا فالخير قادم باذن الله تفائلوا بالخير تجدوه وعذرا على الاطاله.

[وردة الحجاز]

لوجلست افكر بوظيفة فقط كان مادرست من اصله ..

يهمني ارضاء طموحي في المقام الاول والوظيفة في المقام الثاني...

العمل في مجال التعليم مافكرت فيه من اصله >>> درست بنات لين قلت بس وانقرفت


والله يكتب لنا الخير

[saudi-com]

بسم الله .

أعرف أثنين من الزملاء خريجي كليه المعلمين . و كانوا يدرسون حتى وقت المغرب و كان تخصصهم علمي [ لا اعلم ماهو بالتحديد ] .

عموماً الاخوان يقولون اول ما دخلنا الكلية و سجلنا وقعونا على عقود انه بمجرد التخرج راح يعينون مدرسين يقول كملنا دراستنا و خلافه ويوم تخرجنا اختفت اوراق التعيين اللي وقعنا عليها . و ما طلوا فيهم تقريباً سنتين او حولها لكن في الاخير تعينوا .
واحد حطوه في جازان و الثاني بالرياض حول اهله .


التخبطات موجوده .


منطقياً نظام الانتساب السابق كان مقبول و يؤخذ به .. مع ان الطالب يروح للجامعه او يكلم شخص يعرفه يشتري الملازم من مركز التصوير داخل الجامعه و يذاكر من جهده و اجتهاده او يحضر لمده اسبوعين قبل الاختبارات كورس مكثف من الجامعه و يدخل الاختبار . [ كل هذا و شهادته معترف فيها ] .

نظام التعليم عن بعد . تدرس فيديو و لك محتوى و مطلوب منك في بعض المواد انك ترجع للكتاب - و تتوقع ان شهادتك غير معترف فيها .؟ ما اتوقع بصراحه لأن المستفاد من التعليم عن بعد اكثر من نظام تعليم الانتساب التقليدي .
و انا ارى انه التعليم عن بعد يتساوى تقريباً و بنسبة تتجاوز ال 60% مع الانتظام . و هو افضل من الانتساب التقليدي بكثير .


غير ذلك نظام انهم يقبلونك او لا .. الرازق الله . ناس معاها شهادات اقل من الجامعه حصلوا وظايف افضل مادياً و مركزياً من اللي معاهم شهادات اعلى . واللي يفكر بالتدريس لازم يكون نفسه طويل في حاله كانت اوراقه كاملة لأنه للأسف التعيين قليل جداً مقابل المخرجات خصوصاً في التخصصات الغير علميه و الانجليزي ...

و التعيين بالحكومه يكلمني واحد من الاخوان موظف منذ 7 سنوات - يقول لم يتم توظيف اي شخص جديد الا بعد المكرمة الملكية الاخير [ بعد الربيع العربي ] .. و الا قبلها يقول ما فيه احد توظف عن طريق الديوان نهائياً ....

[Ali-Ahmed]

الشهادة معتمدة لانها من جامعات سعودية رائدة

ومن الآن إلى التخرج

ماتدرون يمكن ينزل نظام

حتى المجال التعليمي تقدر تدخله

لاتركزون حالياً إلا على التخرج فقط

دمتم بخير
.
.
.