[ جميع التخصصات ] تجمع خريجات كلية العلوم

[كبرياء جرح]

يارب تطلع قبل الربوع
+
يقولون فيه اخطاء بالوثائق

[فيزيائية طموحة]

هام بالنسبة للتوصيات لجميع الأقسام


وصلتني اليوم رسالة من الدكتورة هند الذيب (من قسم الفيزياء) جزاها الله كل خير
بخصوص التوصيات وحابة ان كلامها يوصل للجميع فحاولوا قد ماتقدرون تنشرونه بين البنات

وهذا نص رسالتها :

السلام عليكم ورحمة الله وبركاته

: أحببت أن أوضح أمرا خاصا بموضوع تجمع الطالبات الخريجات، حول التوصيات

التوصيات الخاصة بالكلية يعني لو حابة تقدمين دراسات عليا في كليتنا هي الأوراق التي تحصلين عليها من القسم الخاص بك، وعادة تحتاجين توصيتين من دكتورين سواء دكتور أو دكتورة، أما إذا كنت حابة تقدمين دراسات عليا في جامعة أخرى غير جامعتنا فأغلب الجامعات لا تقبل التوصيات بهذه الأوراق إللي تاخذينها من القسم، لأن الطريقة مختلفة تماما، مثلا لو قدمت على جامعة ما لدراسة الماستر أو الدكتوراة، حاتدخلين من عند موقعهم الكترونيا وتقومين بتعبئة نماذج التسجيل ومن بين هذه النماذج يُطلب منك اسم الدكتور وإيميله إللي حابة يكتبلك التوصية (بعض الجامعات تطلب 2 والبعض يطلب ثلاثة) طبعا بعد ما تستكملين تعبئة النماذج وتكتبين موافق يقومون بإعطائك رقم التسجيل للتتمكنين من الدخول بين فترة وأخرى حتى تعرفي إذا الجامعة طالبة منك طلبات أخرى أو أوراق أو تم قبولك أو رفض طلبك، يتم بعدها دراسة طلبك من قبل الجامعة التي قدمت عليها، وبعدها يرسلون للدكاترة إللي كتبت أسماءهم وإيميلاتهم عن طريق البريد الالكتروني ويخاطبون الدكتور بشكل سري أن الطالبة فلانة تطلب منك كتابة توصية ويعطونه رقم سري خاص بالدكتور وحده للدخول على موقع الجامعة وكتابة التوصية، والطالب يتمكن من معرفة إذا ما الدكتور كتب التوصية أو لا من خلال دخول الطالب على رقم التسجيل وحايشوف أن التوصيات انكتبت أولا

طبعا أغلب الطلبة يطلبون من الدكتور مسبقا إذا يوافق على كتابة التوصية أو لا وهذه خطوة مهمة قبل ما تكتبين اسم الدكتور

في ملاحظات حابة أوصلها لجميع الطالبات الخريجات عن أهمية اختيار من الدكتور إللي يفضل أن يكتبلك التوصية:

ركزي على الدكتور أو الدكتورة إللي درست معاه مادة واشتغلت فيها شغل ملحوظ عنده وجبت درجة ممتازة، لأن التوصيات يتم فيها تحديد المادة إللي الدكتور درسها للطالب، فتخيلي لو طالبة درست معي مادة وأخذت فيها مقبول وكتبت في التوصية أن الطالبة ممتازة فبالمقارنة مع هذا الكلام مع السجل الأكاديمي للطالبة سيتبين للجامعة أن الدكتور ليس عنده مصداقية بتوصيته........ بعض الطالبات للأسف تزعل لما أحد يرفض كتابة توصية لها وتعتقد أن هذا الدكتور أو الدكتورة ضدها ولكن تكون هذه احدى الأسباب القوية للرفض، لأن التوصية في هذه الحالة تكون ضدك وليس لصالحك

أيضا ابحثي عن الدكتور إللي اشتغلتي معاه مشروع التخرج وخصوصا إذا كان راضي كثير عن انجازك بالبحث

باختصار دوري دائما عن الدكتور إللي أخذت عنده درجة ممتازة لأن ما سيكتب بالتوصية سيتم مقارنته مع سجلك الأكاديمي

وبالنهاية أتمنى للجميع التوفيق دائما

أختكم هند

أتمنى انكم فعلا تحريتوا الدقة في اختيار اللي كتبوا لكم التوصيات واحتفظتوا بوسيلة للإتصال بدكاترتكم كالإيميل أو حتى رقم الجوال إن أمكن

لإن ماحد يدري عن ظروفه مستقبلا وأحيانا نقول بندرس في المكان مانشوف نفسنا الا درسنا بمكان ثاني ويبيله اجراءات ثانية
وأحيانا ماتكون الظروف متهيئة في سنة تتهيأ بسنة ثانية سبحان الله
فخلوا كل شي عندكم جاهز من الحين عشان لاتتحسفون بعدين

وبالتوفيق للجميع

ودعواتكم الخالصة للدكتورة هند

[كبرياء جرح]

^

ماخذت طرق تواصل من دكتورة منال ودكتورة سوسن
مالي الا الرجآل شكلي

[Um ola]

يسلمو كبرياء
يسلمو دمعه
بالتوفيق



برضو الوثايق فيها اخطاء

[فيزيائية طموحة]

المشاركة الأصلية كتبت بواسطة كبرياء جرح

^

ماخذت طرق تواصل من دكتورة منال ودكتورة سوسن
مالي الا الرجآل شكلي

متى مارحتي تاخذين الوثيقة حاولي تاخذين ايميلهم من القسم واشرحي لهم الوضع

مشكلة هالدفعة نفس الدكاترة يتكررون واغلبهم طلعوا

وشوفي اذا تقدرين تاخذين من غيرهم بعد حتى لو بعد ماتبدا الدراسة في حال انك ماحصلتي ايميلاتهم

الله يكون بعونك

[دمع حبي ولآ دمعي]

^
فيزيائية طموحة
يعطيك الف عافية فيه معلومات ماقد قالوها لنا مع اننا رحنا القسم نسأل

-


الحمدلله اخذت وثيقتي وليتني مارحت
مشورة وشمس وبالأخير برجع لهم على أغلاطهم البايخة

كل الأقسام طلعت وثايقهم مثل ماشفت
بس فيه نقطة مهمة جدا

أغلب الوثايق اللي طلعوها تاريخ الميلاد فيها غلط او بالاساس مافيها تاريخ ميلاد تاركينه فاضي

ف أول شي تشوفونه اذا خذيتوها تاريخ الميلاد

انا من اللي ماحاطين لي تاريخ ميلاد
قلت لها وقالت جيبي صورة من جواز السفر والوثيقة وفيه بنات ماعندهم جواز ف أخذتها وقالت لهم ارجعوا بعد العيد
والله يعين بكرة برجع لهم واشوف السالفة .


دخلت الكلية الساعه 10 وخلصت الساعه 11 ونص بس ضاع الوقت وكل وحدة تقطني ع الثانية
ف بختصر لكم المكاتب مع ان قبل اروح عطتني بنت وصف للمكاتب اللي امر عليهم بس برضوا مافاد لان لازم تمرين عليهم بالترتيب ولا مايوقعون لو ماخلصتي اللي قبل


اول ماتدخلون مواقف الكلية لاتروحون من الباب اللي دايم ندخل منه لانه مقفل
فيه باب ع جنب هو اللي مفتوح بس اللي كانوا يدخلون منه الموظفات لمن سكروا البوابة الرئيسية اللي قدام

بعد ماتدخلون روحوا المكتبة لان لازم قبل تسوون اخلاء طرف
قولوا لها نبي ورقة اخلاء طرف بتسألكم اي قسم وكذا واذا كنتي مستعيره كتب من قبل وبتوقع عليها وتعطيكم اياها
بعدها روحوا بديل علوم 6 اخر مكتب ع اليسار انا دخلته قالت لي روحي غرفة 11f فوق
روحوا لها وبتوقع لكم حق مادري ايش بس اظن عمادة القبول والتسجيل

بعدها تروحون مبنى الادارة اللي قدام المكتبة
اللي مكاتبهم بيبانها قزاز
اول ماتدخلون المبنى روحوا يسار وفيه ممر ادخلوه نهاية الممر فيه غرفة ع يدكم اليسار نسيت وش مكتوب عليها
بس فيها عبارة ارشاد انتوا اسألوا وماتضيعون هي بتوقع لكم اخلاء طرف للمكافئات
بعد ماتوقع ارجعوا لاول غرفة بالممر بتوقع لكم اخلاء طرف اللوكرات

بعدين روحوا للاداب
<< الله يعييينكم ع الشمس والمطبات شايلين المظلات والمكان كله مكسر
المهم يوم تدخلون للاداب روحوا ممر 62
امشوا لنهاية الممر يجي ممر ثاني ع يدكم اليسار ادخلوه وادخلوا اول مكتب ع اليمين عند مسؤولة الامن والسلامة
بتاخذ منكم البطاقة الجامعية وبتوقع لكم ع الورقة اخلاء طرف
طبعا اللي بطاقتها ضايعة تجيب معها غرامة 50 ريال

يمكن تسألكم ليه مامريتوا القسم يوقع لكم ؟
انا يوم رحت للقسم كان مقفل وقالت لي بوقع لك عشان ماتتمشورين وترجعين بس ضروري ترجعين للقسم
بس قالوا لي بالعلوم مو مهم توقيع القسم , عاد انتوا وحظكم

المهم ثم ترجعون للعلوم وتروحون مكتب شؤون الخريجات ب بديل علوم 6
تعطونها ورقة اخلاء الطرف
وبتعطيكم وثيقتكم بس اول ماتاخذونها تأكدوا من تاريخ الميلاد
واذا كان مو موجود ف الله يعيين يبي لها رجعة وسالفة ثانية

وبس يارب اني مانسيت خطوة واعتذر ان كنت ناسية انتوا اي مكتب تدخلونه اسألوهم بعدين وين نروح وهم يدلونكم
وموفقات يااارب

[فيزيائية طموحة]

^^^^^^

الله يعافيك دمع

وبصراحة الدكتورة هي اللي تستحق الشكر لإني اساسا ما أرسلت لها شي هي من نفسها شافت الموضوع وحبت تفيدكم وارسلت لي


اجل سويتي رياضة ورجعتي

شكلي السنة الجاية إن شاء الله مابروح الا بعد ماتفتح مرة ثانية على الأقل إذا ما استفدت من روحتي او فيه اغلاط
أكون جاية في الباص مو معنية ابوي هالمشوار على الفاضي

بس اللي مستعجلين على وظيفة خلصوا شغلكم هاليومين عشان ماتروح عليكم

بالتوفيق إن شاء الله

[دمع حبي ولآ دمعي]

^

الله يعافيك فيزيائية

ماشاء الله متعاونات دكتوراتكم
الله يخليهم لكم .

والله يعطيها الف عافية ويوفقها دنيا وآخرة ويسهل امورها ويجزاها الف خير
اول مره أعرف هالمعلومة وفادتني كثير .

اجل سويتي رياضة ورجعتي

شكلي السنة الجاية إن شاء الله مابروح الا بعد ماتفتح مرة ثانية على الأقل إذا ما استفدت من روحتي او فيه اغلاط
أكون جاية في الباص مو معنية ابوي هالمشوار على الفاضي

امحق رياضة
المشكلة ماني ناقصة نحف
بس الله يعين ياشيخة كليتنا لازم المرمطة عشان تاخذين الشي
ولا وثيقة بدون تاريخ ميلاد وين صارت

ايه صح لاتنسون تطلبون منهم صورة مصدقة من الوثيقة والسجل وشهادة حسن السيرة والسلوك
بتقول لكم صوروها بعدين جيبوها اختمها بس حاولوا تصورونها بالكلية
انا ماجربت اروح لهم يصورونه بس وحدة راحت تصورها وصورت لها نسخة وحدة بس
انتوا لو رحتوا انشبوا لهم يصورون لكم اكثر ولا بتضطرون بعدين تراجعونهم عشان سالفة النسخ
لان بعض الاشياء تطلب نسختين من السجل والوثيقة < هذا كلام البنات ماني متأكدة منه :/
احتياطا احرصوا على النسخ

فيزيائية طموحة :
اذا ماكنتي مستعجلة ع الوثيقة عادي تعالي متى ماكان الجو مهيأ بالكلية
واذا مستعجلة روحي خلصي امورك بدري
وشسمة احس الاستعجال بهالامور يريح نفسيا حتى لو كان بها اغلاط

وربي يوفقك دنيا وآخرة حبيبتي
وبلغي للدكتورة شكري

[فيزيائية طموحة]

الله يعافيك فيزيائية

وإياك إن شاء الله

ماشاء الله متعاونات دكتوراتكم
الله يخليهم لكم .

الحمد لله

اللهم آمين والله يكثر هالنماذج في جميع الأقسام وأكيد موجودين بس دوروا عليهم

والله يعطيها الف عافية ويوفقها دنيا وآخرة ويسهل امورها ويجزاها الف خير
اول مره أعرف هالمعلومة وفادتني كثير .

اللهمّ آمين وإياك إن شاء الله

حتى انا استفدت كثير من كلامها

امحق رياضة
المشكلة ماني ناقصة نحف
بس الله يعين ياشيخة كليتنا لازم المرمطة عشان تاخذين الشي
ولا وثيقة بدون تاريخ ميلاد وين صارت

يالله كلها ايام مايمديك نتحفين

وفعلا دايما هالتأخير والأغلاط حتى العام صديقاتي كذا وحدة غلطوا في جنسيتها وحدة غلطوا في اسم عايلتها
واصلا ماخلصوها إلا بنص الترم الأول تقريبا مو زي الحين

إن شاء الله تستلمونها قريب وتنسون هالتعب كله

فيزيائية طموحة :
اذا ماكنتي مستعجلة ع الوثيقة عادي تعالي متى ماكان الجو مهيأ بالكلية
واذا مستعجلة روحي خلصي امورك بدري
وشسمة احس الاستعجال بهالامور يريح نفسيا حتى لو كان بها اغلاط

إن شاء الله خير

وربي يوفقك دنيا وآخرة حبيبتي

وإياك إن شاء الله وعقبال الدكتوراة ومابعد الدكتوراة يا رب

وبلغي للدكتورة شكري

يبلغ إن شاء الله

[كبرياء جرح]

بععععععد لازم انسخ ويختمون
ليل المشورة هقوتكم تصوير الاداب مفتوح
شكلي بهك عليها وبقولها طيارتي بكرة ولازم اخلص وتصورلي من عندهم -_-
ولا بمشور ابوي ولا اخوي اصور وارجع لهم بنفس الساعة

+
بسال عن اللواكر

انا من 2008 أجرت اربع سنين المهم بعد الاربع سنين سحبت عليهم ولا جيت لم اللواكر
ولا عطيتهم المفتاح
هقوتكم يطلبون مني شي ؟
ولا سحبة