باقي شوي وابكي :(

[HiMi]

المشاركة الأصلية كتبت بواسطة آبتسآم

لو تربويه جلست
كل شيء فيهآ فآشل ، كارهه كل شيء بالجامعه

خيتو ابتسام
دام النفس ماهي مقتنعه بدراستك مستحيل تمشي فيها
من وجهة نظري البسيطة ،
بعد الاستخارة طبعاً / كملي الاختبارات هذي على خير وافصلي من الجامعه وادخلي بالتعليم عن بعد ( 6 رمضان راح يبداأ التسجيل ان شاء الله ) ، وانا حاس انك راح تبدعي بمجال ادارة الاعمال دام انك ماتحبي الحفظ ، وتحبي الفهم ( على حسب كلامك ) ، وقطاع ادارة الاعمال ممتع وله مستقبل حلو بإذن الله وكمان الحين فيه استثمارات كبيرة زي مدينة الملك عبدالله وغيرها يعني تطلب مجال ادارة الاعمال يعني ان شاء الله تتوظفين بسرعه
صحيح انا ماتوظفت بسرعه جلست سنه وشوي لاني (كنت ) ماخذ دبلوم ادارة مالية من كلية المجتمع بالرياض وأغلب الاماكن الي قدمت عليها طالبين بكالوريوس ( غير اغرائات الراتب )

شي ثاني ، اذا ان شاء الله قدمتي انتساب وأبدعتي فيه وجبتي معدل حلو ، تقدري تحولي انتظام وبكذا انتي كسبتي شيئين ، وثيقة الانتظام ، والتخصص الي ترتاحي له
وغير كذا فيه فرق بين المذاكرة حتى لو انك متنظمه ، مانذاكر كتاب 2000 صفحة ، عندنا ملخص 26 صفحه ونقول ياربي والله طويل هههه
وكمان الشي اذا ماكنتي مقتنعه فيه ولا ( مرتاحه له ) صدقيني ماراح تبدعي فيه وماتحسي انك انجزتي الي ( انتي تبغيه وحـآلمة فيه للمستقبل )


،، أهم شي استخيري ، لان كل هذا راح يروح من عمرك ، وبالتوفيق خيتو

[HiMi]

المشاركة الأصلية كتبت بواسطة mnosha

الله واصله سنه رابعه وتبين تسحبين عليها
طيب شبقى ؟!هاانت ياااختي

اتكلي على الله وكملي راح الكثير مابقى الا القليل

احنا لو مافي قياس وقدرات كاان مااشفتينا هنا <<تكلمي عن نفسك

كنا عاادي رضينا بااي تخصص

لا تضيعين عمرج وكملي واحذي الشهادة

بالتوفيق ياارب

مو سنه رابعه ،، سمستر رابع يعني سنتين ، وباقيلها سنتين

[بـ ام ـدر]

كملي دراستك ترى الدراسه صعبه في جامعة فيصل ماهي سهله كملي باقيلك سنتين وبعدين اخذي دبلوم اداره في جامعة الملك فيصل عشان الي في خاطرك بس لا تقطعين دراستك في نوره كل شي فيه صعوبه

[nomas_ksa]

أذا مرة ناوية تفصلين من جامعتك لا تفصلين حاولي تأجلين ترم وسجلي في جامعة فيصل عن بعد وجربي وضع الدراسة فيها

[طارق811]

السلام عليكم




انت باقي شوي وتبكي فما بالك الله يصيح من عقب صلاة الجمعه

[دكتور نت]

نصيحة لوجه الله سبحانه وتعالى
لا تتركي جامعتك ... انتي الان قطعتي مشوار كبير مستوى رابع ... يعني بعد كم شهر بتكوني مستوى سادس ... حرااام تبدي من جديد ... وبعدين انتي انتهيتي من الصعب واللي باقي يعتبر سهل مقارنة باللي راح ... و بتتركي جامعتك و تبدي من جديد ... ولا تنسي ان وضعك السنة هذي غير السنة الجاية ... لأنه كل ما مشى عمرك سنه زادت التزاماتك و تصعبت ظروفك و تكثر مسؤلياتك ... و الاهم تخف رغبتك بالدراسة و لا تقدري تدرسي الا بضغط و عزيمة و اصرار ... والخوف كل الخوف يكون اختيارك انك تتركي الدراسة ... مثل احساسك الان ... اللي حسيتيه بعد 4 مستويات ... و ساعتها ما ينفع الندم ... اذا عندك عزيمة و اصرار اثبتي الشي هذا على ارض الواقع ... بتكملة المشوار اللي بديتيه ... و خصوصا ان اللي باقي لك اهون و اقل من اللي راح ... والاهم ان الانتظام يعطي حماس و دافع للدراسة يعني بالمختصر جو دراسة ... و بإمكانك بعد ما تخلصي ان شاء الله تدرسي ادارة اعمال ... لكن بتكوني تدرسيها وانتي مرتاحة لأن معك شهادتك و تنتظري وظيفتك و بدل ماتروح سنه والا سنتين انتظار تكوني بديتي بإدارة الاعمال و حتى لو توظفتي بامكانك تكملي .... و لاتنسي الواحد لو يسافر او يغير مكان نومه ... أول ليله مستحيل ينام بسهوله .... حتى لو نام في اوتيل فايف ستار ... بس التعود على شي يجعل من الصعوبه التعود على البديل حتى وان كان افضل ...
ردي طويل ادري ... لكن وربي رغبتي بالمصلحة لك , و لأني جربت الحاله اللي تمري فيها الان و طارت سنيني و بالنهاية لا طلت عنب اليمن و لا بلح الشام ... ووصلت لقناعة ان المطامر من مكان لمكان يدمر و يضيع الفرص ... و بالنهاية تأكدي السنين اللي بتضيع بتكون من عمرك انتي مو عمر غيرك ...

[ايفا]

كملي حبيبتي ولا تلتفتي لورا مابقى شي وتتخرجين وربي يوفقك ان شاء الله

[Da7m]

والله يآ اخخت ابتسآم

الافضل لك انك تستخيري ومابي اعيد كلآم قالوه الشباب انك قطعتي نص الممشوآر

يعني اذا استخرتي وخلآص اخترتي جآمعتنا

فحيآك الله حتكوني ممنوره

طبعا من ناحية الضغط ممن قبل الدكآتره مره يجيك دكتتور مآش ويجيب اسئلة مالها علآقة بالمحتوى

وفيه العكس

عموما ممنوره خيتو

وانا اححس كذآ ممن ردودك انك مو مقتنعه بجامعتك رغم اصرار الشبآب ع انك توآصلي

تحياتي للك وربي يسععدك

[حمودي707]

ابتسام خليك بمحلك بلجامعة وكملي الين تخرجين

[آبتسآم]

والله كل واحد رد هنا كلامه اثر فيني وحطيته في بالي..

بس مستواي بالجامعه مرا نازل كل المواد مقبول مع اني وربي شاده حيلي وبقوه ,,

يعني اذاكر واذاكر واتحطم من الدرجات ,, وش الي يجلسني فيها ,,

وزي ماقال ولد ضرماء تروح علي سنتين ولا اربع !

ومن جهة الفلوس وكذا الحمدلله وضعي المادي مرا حلو يعني يمدي ماهمتني الفلوس ,,

وخوفتوني من دوغان هذا هههههههههههههههه

وشكرا للارقام بحاول اتصل واشوف ,,