موضوع للنقاش واهم شي الاخلاق ^_^

[وينك يابوي]

[align=justify]
حيااا الله زحلط

عاد اسم الموضوووع خطييير انماا ايييه اهم شي الاخلاق

شف يااطويل العمر << مضيعه مجلس

بحكم خبرتي ورؤيتي المحنكه علما اني غير متزووجه ولله الحمد

مدري يااخي احس الرجل السعودي مايحس

والله جد احسهم مايحسوون , يغاازل وزجته جنبه << داخله عررض وبقووه

شووف عشاان الزوااج ماتنتهي صلااحيته تعتمد على الطرفين ايد وحده ماتصفق

لازم يكون اسااسه مو بس على الحب انا اهم شي عندي الاحترراااااااااام ثم الاحترااااااام بعدين الحب

الوحده تكون محترمه نفسهاا ماتغلط عليه ولا على هله حتى السب عند هلها لا تسبه حتى لو كان

يستحق المسبه بس مهماا كان يعني لا ما أشوفهاا حلوه ,,

ونفس الشي الواحد يحترمها ويقدرهااا يقدر هلها ويكوون راعي واجب ,,


لازم سعةالصدر تكون مووجوده من الطرفين هو يتحمل وهي تتحمل اكثر
ولازم بعد كل واحد منهم مايجحد الثاني ومايحبطه في محاولاته لتغيير الروتين
يعني مايكون كل شي عنده صفطيشن
صبغت قصت نحفت غيرت ستايلها شالت الفرقه حطتها يمين ودتها شمال بكل الحالات ماتفرق عنده
فلا يتوقع او ينتظر منها اي تفاعل بعدين بتقوول مايهتم وماتفرق عنده وتصيير وااجد
وترى لازم في الزواج تمر فترات ومراحل تحسه ماتدري وش يبي عرفت
تحسه ملييييغ وغثااااا وكذا شي عاادي << لازم تفهم الوصف دقيييق متعووب عليه
عاد الزوجه السنعه والذكيه هي إلي تبادر بالتجديد >> ترى اللحين فيه مليوووووون مليوووون طريقه
وماتخفى على احد إذا الزوجه ماتعرف اقربها اخت صديقه
ياخي فيه بعض الحريم ترد على زوجها تقول اسلووب بنغاليه
هاااااااااااااه عله عله وش تبي الجوال كان طافي مافيه شحن
عااد هو متحمس هوااشه خارج من السماعه حشى تقول حاطه سبيكر
يعني اشووف انا حتى اسلوب الوحده ابسسط شي , ولااا تكثر من جلسات الحريم

خلااصة هذرتي الزوااج هو تراابط روحي قبل لا يكون شي ثاني
يعني مهما تروح وتجي وتمر سنين روحك متعلقه بهالأنسانه مكونين مع بعض كبل
مهما خلفت من بزران يعني تكون فيه شغلات تحبون تسوونها مع بعض مهما كبرتوا إن شاء الله لو تركبون سياكل وتسوون سبااق بالحوش تقرالك الجريده فهمتني يعني تكون جزء من حياتك ماتحب انك تفقده

واعذروني لا طولت بهذررتي ترى فيني نوووووم >كل ماكان فيك نوم كل ماطالت هذرتك
تقبل مروري
[/align]

[وينك يابوي]

[align=justify]
بااقي بخااطري كلمه وحده

لبى امي وابووي الله يرحمه وفديييت حبهم العذري انا لما كان ابوي يلحق امي وهي راجعه من البير

قمممة الحب هينا يلحقهاا وهو ماعنده سالفه بيتهم بعييد عن بيتها يطق مشوار على الفااظي
[/align]

[زحلط]

المشاركة الأصلية كتبت بواسطة أبو عبدالله13

أهلا وسهلا بأخوي زحلط الصغير سنا

الكبير قدرا وفكرا وحبا واحتراما وعلما

مــــــاعليك زود يالغــــالي ...
انا ابتكلم معاك ومع الاخوان الي كانت ردودهم كافية ووافية ومقعنة حتى الي غير متزوجين

على حد قولهم ولكن من ردودهم تقول هذا متزوج بارك الله فيهم للاضافات الرائعه التي اتحفونا بها فجزاهم الله خير
امـــــــــــــــــــين ...

اقول من خبرتي البسيطة التى لاتتعدى 14 سنة زواج
مـــاشــاء الله ... الله يتمم عليكم بألفه ومحبه لاتنتهي ...
ان الزواج نعمة من الله سبحانة وتعالى وان الذي يتوقع الزواج لا مشاكل فيه فهذا مخطئ صحيح

ان المشاكل تخف بعض الشئ اذا استمر هذا الزواج لكن صدقني لا تنتهي ليس هذا تخويف

للعزاب والعازبات ولكن هذه هي الحقيقة حتى لو يكون الاختلاف بسبب الاطفال وكلما كبر

الاطفال كثرت مشاكلهم فبتالي تكثرمشاكل الزوجين حتى اختلافهم بطريقة تربية اولادهم الم

نسمع ان حصل طلاق بعد 40 سنة زواج والعياذ بالله تتوقع ما هو السبب اكيد المشاكل التي

لاتنهي في الحياة الزوجية ولكن تختلف حدتها من عائلة الى اخري وليس بالضروري أن تكون

المشاكل قوية جدا وبعض الاختلاف البسيط ضروري جدا حتى تتجدد الحياة بأعتذار احد الطرفين

وتقديم هدية بسيطة كبوكيه ورد او خاتم ذهب أو قضاء ليلة رومنسية في احد الفنادف الكبيرة

الزواج كلما زادت سنواته يكون افضل وأقوى واحسن من بداياته

مثلا

عندك دهن العود كلما خزن لسنوات كثيرة كلما كانت رائحته اجمل وسعره اغلى وهو ما

يسمى بالمعتق

هكذا هو الزواج عندما يستمر الى سنوات طويلة

كتبت لنــــا من خبراتك وتجاربك فلا ادرى ماذا اكتب لك وتذكرت --------> اسال مجرب ولاتسال طبيب
شكرا لعطاينا من خبراتك ووقتك فقد استفدنا مما خطت يداك ...
شكرا لمرورك اخوي الكبير ودمت برضى من الله

[زحلط]

المشاركة الأصلية كتبت بواسطة أتـحـدى الدرآسه

تانكيووو خيووو زحلط يسعدك المولى بجد نقاش حلووو وموضوع جيد وأهم شي الأخلاق < عجبتني مره
---------> العفو
وبالله عليك سلم على ام صالح قولها العجوز اتوو تسلم عليتس وتقولتس كل عام واني بصحه وعافيه وهالله هالله بالحديقه

اعتذر مقدر اوصل سلامك لان لها كم يوم تدور علي بالمعكاز تبي تفلقني زعلانه على الورد اللي لطشته

نخوووش بالموووضوع ..

بصراحه انا الي شفته من تجربه صقيقاتي وأخواني .. الزواج شد وأرخي ..
يعني اذا هي شدت هو يرخي واذا هي ارخت هو يشد .. هذا بخصوص المشاااكل الي تصير بعد شهر العسل ..
وبالنسبه لأنتهاء وقت الزواج هذي يحددها الرجل وزوجته بينهم وعلى حسب شخصيه كل واحد فيهم ..
كلام جميل اذا احد شد الثاني يرخي والعكس قمه في الاهميه لتجنب تصعيد المشكله
يعني مثلا عندي وحده من صديقاتي وربي تتصل علي تبكي تشكي لي من زوجها <<فديتني أتعقدت
قلت لها حاولي فيه جددي له كل شي ..
شكلك ,, غرفتك ,, لبسك ,, حتى لون شعرك ,, حتى الطبخ ,,

تقول والله حاولت فيه بكل شي .. بكل شي مااااااااقدرت عليهـ لاجاء بعد العشاء يروح الأستراحه ومايرجع الا عالفجر !!

مو حرام كذا ..
المصيبه عندها ولد .. يعني بتتحمل والله يعينها ..

فاأحيان تجي العقده من الرجال وأحيان من الحرمهـ ..
والله يعين
اتوو ذا الشي اكيد له اسبابه اما من البيت او من خارج البيت يعني .
بعض الاحيان تكون الاسباب مو من البيت من نفس الاصحاب اللي يسهر معهم وبعض الاحيان يكون الزوج ممن ابتلوا بالمعسل او الشيشه ولايبي يكتمهم بالبيت يقوم يروح الاستراحه وييضيع وقته عندهم وهينا يقع في خطاء مثل الخطاء الاول الله يحمينا وياكم من ذا الشي .
لاكن بالنسبه لصديقتك خليك دوم تهديها وتدوري لها حلول او هي تدور لنفسها حلول والحل دائما بالين والرفق والرسول صلى الله عليه وسلم يقول ( " مَا كَانَ الرِّفْقُ فِي شَيْءٍ إِلا زَانَهُ ، وَلا نُزِعَ مِنْ شَيْءٍ إِلا شَانَهُ " .
اما إذا كانو متفاهمين من البدايه وكل واحد قدر يحبب الثاني فيهـ ابد ماله تاريخ انتهاء .. ويكون التجديد بينهم ..
يعني هو يجدد لها وهي تجدد لهـ بتزبط الأموووور


مشكووووور مره ثانيه خيو الصغير جعلك بالعافيهـ

يعطيك العافيه صديقة اختي الكبيرة

وكلامكـ جميل ونقاطكـ مهمه اعجبتني نقطه التفاهم

شكرا لمرورك وابداء رايك شرفت بذلكـ لكي مني صادق الود

[زحلط]

المشاركة الأصلية كتبت بواسطة ملاك الغامدي

والله لو تجي بيتنا ساعه وحده .. ان الاخلاق تنعدم

يالله كلها اسبوع وترجع اخلاقي السمحه >

>> مازلت مو مروقه

اممممممممممم

طيب الكوفي مانفع

اجل بوصفلك خلطه زحلطيه وتراها حصريه ما اسمح لحد ينسخها بدون ذكر المصدر >> برا

خوذي حبت ليمون وعرق نعناع اخضر >> يعني جديد مو مجفف ------> واعصري الليمون بالخلاط وحطي النعناع وكوب مويه بارد واخلطيه لما يقول بس بعدها صبيه بكوب وحطيه بالتلاجه لاحد مايهداء ابو نص ساعه وحطي عليه السكر حسب المزاج وكل ماكان قليل الحلى كان المفعول احسن اشربي الكوب وريحي ساعتين وبعده اشوف ردك

[زحلط]

المشاركة الأصلية كتبت بواسطة درع الجزيرة

موضوع روعة والأروع كاتب الموضوع

أخوي زحلط أنا بحاول اختصر كلامي ووجهة نظري

لنقل كيف نحافظ على الحياة الزوجية لأن الزوجين خرجا من منزلين مختلفين وتلاقوا في منزل الزوجية

وكل له اسلوب في التربية والمعيشة وكل لدية ظروف اجتماعية ونفسية مختلفة عن الآخر وسيكون لهذه المسببات اذا لم يتفقوا ردود فعل من الطرفين

وحلها يكون بالرجوع الى الشريعة الإسلامية ومعرفة حقوق كل من الزوجين وكذلك بضبط النفس وبالصبر والتفاهم فيما بينهم وعدم تدخل أي من كان بين الزوجين وكل بيت لايخلو من المشاكل ويتعود الزوجان على حلها بعيداً عن الأهل لأن أمامهم الكثير من الصعاب ومشاكل الحياة وهذه المشاكل الأولية تساعد على حل المشاكل الأخرى الا في حالات مستعصية يتدخل العقلاء من الاهل

ومن أهم الاسباب الصراع على السلطة فالزوج والزوجة كل يحاول التحكم في زمام الأمور الى أن يتصافى فيما بينهم أو يستمر النزاع



وتقبل مروري أخوي زحلط.................. أهم شئ الأخلاق

سلمت اخوي درع وكلامك عين العقل فالشرع لم يدع لنا شي الا وقد بينه والرجوع لها في جميع امورنا الحياتيه فيه سعاده لنا وراحه ولو علم الزوج والزوجه حقوق الاخر لما راينا المشاكل والطلاق بالفترات الاخيره قد كثر ابعدنا الله عنها ورزقنا حياه سعيده ومن يقراء

شكرا لك اخي درع لمشاركتنا هذا الطرح ودمت بحفظ الله

[زحلط]

المشاركة الأصلية كتبت بواسطة رُزانـــا

.هل من الممكن أن تعود الحياة الزوجية لسابق عهدها في فترة شهر العسل؟؟؟؟
أم أن ما ذهب لا يمكن أن يعود مرة أخرى !!!!!

ممكـــن لكن هذا الشي متوقف على شخصيه الزوج والزوجه واذا كانوا متفاهمين وبينهـم موده اكيد بتكوون حياتهم كلها شهر عسل

.تساؤل نطرحه للنقاش هل الزواج له تاريخ صلاحيه وتاريخ انتهاء؟؟؟؟

نعـــم وتاريخ الصلاحيه اكيد بيد الزوج والزوجه
الزوجـه اذا اهتمت في زوجهاا وبيتها وبنفسها والزوج اذا احترم زوجته اكـــيد بتستمر الحياه




يعطيكـ العافيه اخوي على الموضوع

يعـــــــــــافيك روزانا

التفاهم ....

الاهتمام بالاخر ...

الاحترام ...

نقاط في غايه الاهميه شكرا لاضافتك دمتي بود

[زحلط]

المشاركة الأصلية كتبت بواسطة رضوان

صلاحية أي شيء من صلاحية الأسس اللي بني عليها

وطبيعة العلاقة الزوجية تتأثر بالأساس والمحرك الرئيسي لتلك العلاقة << متعوب على الجملة

يعني إذا كان أساس العلاقة هو جمال الشكل, راح تتأثر العلاقة بتغير الشكل أو الملل من الشكل

وإذا كان المال, راح تتأثر بالأزمات والانفراجات

وإذا كان التدين والأخلاق, أيضا راح تتأثر بتغير الأخلاق ومدى الالتزام*

فإيش هو أفضل أساس لضمان الاستقرار لتلك العلاقة, أكيد هو أثبت تلك الأسس وهو الدين والأخلاق والذي نادرا ما يتغير إلى الأسوأ إذا كان حقيقيا وليس رياء أو نفاقا

يقول سيد الرسل صلى الله عليه وآله وسلم:( تنكح المرأة لأربع: لمالها ولحسبها ولجمالها ولدينها, فاظفر بذات الدين تربت يداك)

ويقول أيضا:( إذا جاءكم من ترضون دينه وخلقه فزوجوه)

وهذه النصائح والتوجيهات من النبي موجهة ليست فقط لمن يريد المثالية, ولمن يبيع دنياه ليشتري آخرته. لكنها في الحقيقة توجيهات لبناء أسرة سعيدة, تحيا حياة هانئة, وربح الدارين بإذن الله

فمثلا عندما تعرف المرأة أن الغيبة حرام, ويطبق الرجل حديث "رفقا بالقوارير"

وإرشادات أخرى كثيرة يزخر بها ديننا الحنيف, فبالتأكيد ستكون النتائج حياة سعيدة متجددة الحب إن شاء الله

اخي رضوان كتبت فاحسنت وشملت الموضوع بكلماتك فهي كالنور يهتدي بها في الظّلمِ

شكرا لشخصك الكريم فقد اتحفتنا بردك الطيب رعاك الله وحفظك وانار لك طريق الجنه

[زحلط]

الرد بداخل الاغتبــــــــــــــــــــــــــــــــاس

المشاركة الأصلية كتبت بواسطة انقلش

اهلا اخوي الكبير زحلط



ذبحتني اختي الكبيره الكبيره خل عنك بس


لا يغرك العمر

اخوك الصغير ولو قسمنا العمر على 2 ابقى اخوك الصغير




بما اني متزوجه اقول لك اللي يفكر بالزواج مثل خويك هذا ماعندي الا اقول الله يخلف على زوجته بس
الله يسعدك مع زوجك ويألف بين قلوبكم ويرزقكم الذريه الصالحه ..

يعني الرجل يتزوج مو عشان يجيب عيال؟ ولما يجوون يقول خربت الحياه؟ مو هذول العيال جو نتيجة الحب والشوق والهيام جعله العافيه .. ما يتحمل النتايج؟

ما يتزوج عشان يبقى مع هالانسانه عشراااات السنين؟ ولما تجي هالسنين يقول خربت الحياه؟ مهو انت تزوجتها ميت فيها ليش هالحب يختفي ؟ الا لأنه نزوه من الاساس بس هو ما يفرق!

والالتزامات العائليه يقدر يتفاداها اذا سكن ع المريخ فقط !!! لو هو اعزب بعد وراه التزامات .

بالعكس الزواج حلاوته في تقدمه .. فعلا يكونون الزوجين روح وحده لكن في جسدين

اعرف وش يبي بس من عيونه

يعرف اني متضايقه ولو اني اضحك

كل واحد منا يعرف وش مشغل تفكير الثاني منا ولو هو ساكت

لو بيتكلم اعرف وش بيقول من قبل لا يكمل

الزواج يوم حلو ويوم عكر ويوم ابيض ويوم اسود و مر وحلو ومالح ومرات عاااااااااااادي

لولا السواد في بعض ايامه ما عرفنا غلاوة ايامه البيض .. ولولا السقطات فيه احيانا ما قدرنا قيمة الاستقرار... ولو بعض التعصيب والزعل احيانا ما عرفنا حلاوة الحب واكتشف كل واحد غلاوته عند الثاني
كلامك وااااقعي .... بعيد هن الاوهام والخيلات ودخول بعالم الواقعيه

هذا الزواج ... مو جسم و شكل وضحك وسفر و حب وهيام ومخدات ع شكل قلوب ودباديب و مدري ايش
صاقه والدليل لما نشوف كبار السن وحياتهم الحلوه وحولهم اولادهم
ولاننسى ان المخدات والحركاتااااات من الرومنسيه والاتكيت الزوجي اما الدبدوب ياكرهي له
الزواج ..مو اني انام طول الليل ما يعكر هالنومه بكا طفل!!

مو اني البس مقاسات صغيره عشان بطني ما تأثر من العيال. والا العيال يكبرون ويكبرون شكل الاب والام معهم ؟

والا اقدر اسافر اي وقت ..ماعندنا عيال يربطونا بالمدارس


والا والا والا ... من هالسخافات .... اجل متزوج ليش ! خساير بس ؟

في اليوم الواحد .. وقت يكون فيه زوجي صديقي احكي له عن اللي بخاطري واحيانا نجلس نتشارك حتى الالعاب .. و وقت يكون فيه شريكي في هالحياه بتحمله تعب التربيه ... ووقت يكون فيه حبيبي ... و وقت احسه زي ابوي اذا شفته يخاف علي او مايرضى لي بشي ابيه .... وقت احسه زي اخوي اذا قام يقول ما تطلعين انتي قولي لي وش تبين واجيبه لعندك .. وقت القاه هو نفسي لما القاه يكمل كلامي والا يعرف وش ابي بدون ما اتكلم ووووو

وتقول لي يخف الحب بعد السنين الاولى؟ الا مايعرفون وش الحب ولا يعرفون منه الا نزواته فقط !!

نعم للحياة حينما يكون الزوج هو الاب والاخ والصديق والسند بل والطفل بين يدي زوجته

الزواج شركه كل ما طال عمرها صار مثل هالشركات ( الماركات ) اللي منتجاتها تغلى كل ما قدم عمرها ... لأنها ما طال عمرها الا لأنها اثبتت وجودها .. اصليه بكل شي ولا هزتها اي ازمات .. وتكاتف القائمين عليها مد في عمرها واذاع صيتها ..


موضوعك رائع جدا .. اتمنى ان اكون خفيفه في الرد ..يا اخوي الكبير قلنا

مـــــــــــــــــاشـــــاء الله تبـــــــــــــارك الله حفظك الله دائما تكون بصمتك تختص بفكرك وتنب عن تفهمك للامور من جميع جوانبها

شكرا لكي اختي الكبيره انقلش وسعدت كثيرا بردك واستمتعت وانا اقراه فقد قراته اكثر من مره لكي مني الدعاء بظهر الغيب ورزقك الله السعاده بالدارين

[زحلط]

المشاركة الأصلية كتبت بواسطة _أنفاس الوردة_

الله يعطيك العافيه زحلط ,,,,,,,موضوع مميز كاعادتك
الله يعافيك كنت بانتظارك

ماعتقد أنه فيه تاريخ أنتهاء للعلآقه الزوجيه اذآ كانت مبنيه من الأول ع الحب و التفاهم و أهم شي الصبر


لآ أن الحياه الزوجيه لآ تخلو في بعض الأحيان من الملل والرتابه والروتين ,,,,,,ولكن حلآتها لما نعيشها بكل

لحظاتها الحلوه والمره مع بعض .....
الصبر
ذكرتيني هنا مقوله نسيت لمن ولاكن خلاصتها يقول لما تبداء الحياه الزوجيه بصعوبه في بدايتها من الناحيه الماليه ويبداء الزوجين بالصبر والتحمل من البدايه لاحد ماتفرج يكون لذي التجربه نصيب من اختبار الزوجين لبعض فالزوج لن ينسي صبر زوجته عليه وهو يعاني من القله ويكون لها مردود بعد الفرج على زوجته كرد جميل منه

بالعكس لما نعيش في مصاعب الحياه ونزعل من بعض و نختلف .....هذي الأشياء بتخلينا نرجع ونجدد لحظاتنا

الحلوه ثاني ,,,ويمكن نعيش أحساس أحلى من الأول لأن بيكون أنسان عشة معه عمر وبيكون غالي وماقدر

أعيش من غيره ,,,,,
يقولوا المتزوجين هنا دائما بعد المشكله والتصالح يجي موده اكثر

والأخ عبدالله 13كفى بكلآمه الرآئع من خلال خبرته ,,,,الله يسعده ويوفقه ويحفظ له زوجة وأهله


يعطيك العافيه مره ثاني زحلط وأتمنى لك قدم دآئم,,,,,,

شكرا انفاس الوردة فلكي قلم اعجب بقراءة مايخطه

اسعدني تواجدك بموضوعي ومشاركتنا برايك الطيب حفظك الله ورزقك بحياة زوجيه سعيده