مواقف في الاختبارات ,,, تعالوآ هون كلللللكم

[بنت الداود]

المشاركة الأصلية كتبت بواسطة منتسب متوهق

هههههههههههههههههههههههههههههههههههههههه
هههههههههههههههههههههههههههههههاي
يالحول يالبنات خريشاااااااااااااات

بصراحه موقف لاتحسدين عليه

الله يوفقك وينجحك عقب هالخرعه

هههههههههههههههههههه

اي والله

الله يوفقنا ي رب

[جوورري]

انا حقول لكم احلى موقف

لما جيت وكان باقي على اختباري يمكن ساعة والبنات متنطلات على الدرج جالسات (صراحة جلسة متعبه)

إلا القى ذاك الكرسي مرتز في الزاوية وطيران واجيبه ابي اجلس عليه وتمر من ذيك الحامل حزنت لها قلت ابي

اقول لها تفضلي الكرسي وتحكمني نفسي الامارة بالسوء ايش عليك منها اجلسي بس ياشيخة واجيلك جالسة انا اذكر اني كنت ابي اجلس بس فجاءة لقيت نفسي متمددة على الارض والكرسي فوقي وحالتي حالة شعري تبهذل طلع الكرسي بدون رجل رابعة واقوم القط وجهي اشوى انه مافيه إلا وحدة تبسمت من ادبها حتى ماتزود فشيلتي

0 تخيلوا بس لو قلت للحامل تعالي اجلسي .....نصيحة خللك اناني بعض الاحيان لا تتوهق

[a.a.s]

السلام عليكم

موااقف !! أنا اخر يووم ضااعت ورقة البريد الممتااز الأصـل رجعت البيت مالقيتهاا

تكفوون اللي يعرف هي ضروريه مرره ولا عادي يقوول لي

[شيخة الحسن]

المشاركة الأصلية كتبت بواسطة خلدون-2010

انا في الاحصاء ..بالعاده دايم اتلقف على الجميع لدرجة اني اليوم اخر يوم 60 %من الفصل معي اعرفهم ومعي تلفوناتهم لانه نفس اول حرف واجيب مويه للقريبين مني وعندي اقلام زياده وبرايه واي شئ يبون اعطيهم ...ادق صداقات علشان علاقات ونفس الوقت يساعدوني اذا جلسو قريب مني

المهم في الاحصاء قاعد اراجع في الفصل جاي مبكر فيه ثلاثه في الفصل ودخل واحد شكله صغير قلتله بلقافتي تعال خلك قريب شكلك دافور وزبطت الكرسي له قالي انا المراقب حقكم الله يصلحك وطول الاختبار صاك علي كتم نفسي بحسبني بغش ودي بس ماكان فيه مجال...

اطرررف مووقف ههههههههههههههههههههههه

[a.a.s]

[Eyaaaad]

بالنسبة لي حصل لي موقف, قبل اذكره ابي اقول ان لي اكثر من 12 سنة عن مقاعد الدراسة, ومن زمان عن التطور (في وقتي كل شي قديم)

المهم

اول يوم امتحانات في العقيدة لقيت اسمي ودخلت القاعة وباقي 5 دقايق ويبدأ الإمتحان, وبدأ المراقب يوزع الورقة البرتقالية حقت الأجوبة اخذتها وقعدت انتظر شوي واسرح في الجدران مدري وش السالفة المهم وانا اسرح الا اشوف العالم تكتب وتحط دوائر وشغالين الشباب, انا انهبلت قعدت اقلب في الورقة ابحث عن الأسئلة, يمين يسار واقلب الورقة احكحكها بيدي يمكنها ورقتين وانا ما انتبهت (حسيت اني مستر بن)... لااا السالفة فيها شي وين الأسئلة؟؟ وانقز ارفع يدي واقول للمراقب لو سمحت (بكل وثوق) قال ايوه يا فندم تفضل (شكله ما قال يا فندم الا عشاني كبير بالعمر) المهم قلت لو سمحت بس ابي ورقة الأسئلة, قال هي جاية بالطريق, قلت الحين تبي تقنعني ان الشباب حافظين الأسئلة ويجاوبون من روسهم؟ عاد لاحظت بعضهم وده ينفجر من الضحك, واكمل بكل وثوق : يا اخي العالم قاعدة تحل ويحطون دواوير وش السالفة؟ (عاد الله يجزاه خير شرح لي الموضوع واني لازم اكتب الإسم والرقم وخلافه خلف الورقة)

[عاشق الإنجليزي]

ياسلام الموضوع ممتع وقصصكم حلوه
انا صار معي موقف في اختبار مادة الصحه واللياقه
الطالب اللي كان قدامي في الصف كل شوي يقعد يلتفت علي
ويطالع في ورقتي المشكله الرجال يلتفت ولا همه في احد
شوي الا ويجي المراقب ويكلمه ويقوله لايلتفت
المهم الرجال نفس الشي ماهمه
شوي الا ويجي المراقب معصب ويكلمه لاتلتفت عاد المره الثالثه جى المراقب وشاف اثنين في الصف اللي بجنبي يغشون ويقوم ويسحب اوراقهم
عاد انا صراحه خفت من اللي قاعد قدامي وكل شوي يلتفت
يورطني ويجي المراقب ويسحب اوراقنا صراحه انا ماحب الغش
ولا احب اللي يعتمد على الغش المفروض الواحد يذاكر ويهتم ..
بعض الناس نكبه ولاهمه احد الله يكفينا شرهم
الحمدلله ان ذاك اليوم عدى على خير وربي ستر

[Man in light]

ياحيليكــم

مواقف حلوة

لكن

المشاركة الأصلية كتبت بواسطة دمـ البحرـوع

بالنسبه لي انا حزين والله



من المواقف الطريفه اكيد الي معنا بالرواد مستوى ثاني قاعه 4 اول يوم يذكروها

المهم وزعو علينا مويا وجلسنا تقريبا باقي ربع الاشخاص في القاعه المهم اخذت المويا

اشرب الا اسمع اصوات انفجارات ماقدرت امسك نفسي والمويا بفمي

ومع الضحك جت على زميلي الي قدامي المويا الي بفمي

بس ماهمني الرجال الي همني ان الورقه راحت بخرايطها بس مشت قال عادي لو انه حبر صح

امانه واحد يقولي اني فاهم غلط

[Man in light]

اما انا مر علي موقف مرررررررررره ماتتوقعونه

واحنا في الاختبار ومشرف المركز الدكتور هشام الله يذكره بالخير عندنا ياخذ لفه

المهم بعد بدايه الاختبار ب20 دقيقه تقريبا دخل طالب وشكله مفجوع مدري مسطل
سألوه وش الماده اللي عليك <<عشان النموذج
قال مدري !!!!
يسأله مرة ثانيه

قال والله مدري

يقول اللي اعرفه اني تربيه خاصه

راحو المراقبين يدورون وش عليك في الكشف وارسلوه لقاعه ثانيه

بس احسدددددده على بروده

[نسْ .]

المشاركة الأصلية كتبت بواسطة ابوفـهد

من الموقف الظريفه الي أتذكرها لما جائنا الهندي ومعه ماء كاالعاده

قال المشرف من فيكم يبي ماء

فيه طالب عبيط يحاول يطلع البرشوومه من بداية توزيع الاسئله ماقدر

لما شاف الهندي قال انا ابي ماء يااستاذ

ولما جاء الهندي يصب له الماء مسك الطالب بدلة الهندي وشده قدامه عشان يغطي عليه ويطلع البرشووومه بدون مايشوفه المشرف


الهندي المسكين من الخرعه سقط الماء منه ع ورقة الطالب راعي البرشوووومه


ومات الي باالقاعه من الضحك وباالاخير غيروو ورقة الطالب وعطووه نموذج جديد ههههههههه

ههههههههههه نعيما مقدما ههههههههههههههه