[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[MNON]

برقٍ مصدٍ لو مزونـه لهـا نـور
لا تستخيله لـو ربيعـك شفاقـه
من لا استشارك لا تعدّي له الشور
ومن لا يوّدك نورعينـك فراقـه

[2COOL]

*

يستاهل أتذكره ويستاهل أطريه

وأهلّ دمع العين .. كلما طريته

*

أعتادت العالم من يموت ترثيه

وأنا رثيته حيّ .. وحيّ بكيته

*

ماهي غريبه غالي ويبكي غاليه

بس الغريبه كيف بُعده قويته

*

يغيب ويبقى في غيابه أحاتيه

ياكثر ماافتقده..كثر ماأغليته

[rain drops]

*


قلب عطاك من الغلا لا تخليه
حافظ عليه من العواذل وصونه
وابشر بقلب كل ما تعتني فيه
يعطيك لو تطلبه حتى عيونه




*

[2COOL]

*

لاضاق صدرك مدّ لله يدينك

*

واللّي قسمه الله لك أقنع به وأرض

*

وأضمن لك أن الأرض تصغر بعينك

*

وتشوف ضيقة صدرك أوسع من الأرض

[2COOL]

مثل الذهب مهما علا فوقه غبار

يبقى طوال الوقت سلعه ثمينه

*

ومثل المطر مهما المطر سال مدرار

لاغاب عام صاحوا النّاس وينه

[™khaLid]

يابنت ماعندي غرآم ومودة

لا تلمحي لي بآلعيون المداعيج

توك من آهل آلجامعة مستجدة

وآنا خلصت الكورس يابنت خريج

[ونين الروح]

الله خلق لي نفس تسمو عن البوح ..
................ ماهيب اذا ضاقت من الهم باحت ..!
بعض الجروح اتجي لك شوي وتروح ..
................ وبعض الجروح ان جات ماعاد راحت ..!

[2COOL]

يامرّ طعم الغياب وعلقم الحيره

*

والهاجس اللّي ضوى والهاجس السارح

*

الشوق ماهو ب تاركني على سيره

*

لازال يطوي معاليقي من البارح

[المـ ؛؛؛ ــافر]

ياقاري الدعــوه معي قـــول امــــــــــــــــــــــين
وياقابل ،، الدعوه .. عليك اتكالي
إنك تثبتنا علـى الحــــــــــــــــــــــــــــــق والـديــن
وتجعل لنا من تحت عرشك ظـــــلالي

[2COOL]

عيونك عن لذّة النوم ردّتني

*

والهواجيس دوم بالفكر لعّابه

*

لاجيت أبا أرقد ذكراااك مرّتني

*

وشتّت فكري وضيّعت كلّ مابه