[ استفسار ] عطونا نصايحكم في المستوى الثاني

[صالح أبو عايض]

اول شي اعتمدوا على المحاضرات والمحتوى في كل المواد ولا تسهينون في اي ماده ولا عليكم من يقولكم ذي سهله وهاذيك صعبه في الاول والاخير الواحد يبي درجات ولا يبي معدله يطيح واي دكتور يقدر يخلي من اي ماده سهله اصعب ماده ومن ناحية اسئلة الاختبارات الماضيه لا تعتمدون عليها كل الاعتماد بس حاول تبحث عنها وتحل الي فيها ولا تعتمدون على الحلول الموجوده فيها
انا عني الله يعينكم على مادة المحاسبه خاصه اذا ماغيروا دكتورها واذا كان محمد عبيد انصحكم في عدم متابعة محاضراته والبحث عن دكاتره الاعوام السابقه ( بس تطبعون المحتويات وتذاكرون مع الدكاتره الماضيين عشان يكون المحتوى نفس ماهو ) عندك مثلآ خالد عطيه شرحه افضل بكثيرررر من هذا محمد عبيد الي شرحه استغفر الله يجيب المرض ولا يفهم زين
وعندكم دكتور العقيده والمذاهب هذا لا تأخذون على كلامه ابدددد مهما يقول وانصحكم تفتحون محاضراته مجرد عشان الدرجات ولا تتعبون نفسكم تتابعونه لأنه بيقرأ المحتوى بس قراية جريده
دكتور الاقتصاد زغدود انتبهوا لشرحه والنقاط الي يحددها ركزوا عليها بس لا تهملون الباقي شرحه ممتع ويفهم لكن ترا اسئلته في الاختبار تعتمد على فهمك في المحاضرات
اما تقنية المعلومات هذا الكل كان يذمه في الاعوام السابقه يحب يجيب اسئله مابين السطور ولا تستهينون في الماده لكن في دفعتنا اختباره كان سهل والله اعلم حظكم معه كيف
الانجلش لا تعتمدون على كلامه مهما قال لكم وعاد الي ما اسس نفسه في الانجلش بيعاني شوي معه ومع اختباراته الواحد لازم يأسس نفسه في الانجلش وبعدها مايهمه كيف الاختبار لكن لا تعتمدون على المنهج وبس لأني ما اشوف فيه اساس اشوف تخبطات ما بين مستويات انا اقصد من ناحية الفهم لكن اسئلته بتكون من المنهج نفسه
الصحه واللياقه + الاخلاق الاسلاميه = دكاتره محترمين واسئلتهم في الاختبارات حلوه والله يكثر من امثالهم (( لكن لا تستهينون في اي ماده ولا تعتمدون على اختبارات الاعوام الماضيه ولا في كلام اي دكتووور ))

وماراح اقولكم هذا صعب وهذا متوسط وهذاك سهل لأنه تختلف من شخص لشخص لكن الاهم ذاكروا المنهج زين واتركوا عنكم كلام الدكاتره واسئلة هذا سهله وهذاك صعبه

[صالح أبو عايض]

هذا الترم بيكون قصير الله يعينكم سبع مواد فيها الغثيث وفيها الممتع لكن الاهم شوفوا الاختبارات هل بينها مده كافيه لأن كان عندنا ضغط اختبار محاسبه ثم يوم راحه ثم اقتصاد ثم وراه على طول انجلش

[ديمتي]

فالكم التوفيق يارب
المواد بصفة عامة حلوة وجميلة وسهلة للي يذاكر من نزول المحاضرات والمناقشات أول بأول
وإلي يبي لها تركيز أكثر ووقت المحاسبة والأقتصاد
أما الأنجليزي شوفوا التبسيط وذاكروا القاعدات زززين بس من بدري لاااتفوتكم مقاطع عبدالعزيز الصقار بقناته باليوتيوب الله يجزاه خير
وأيضا الدكتور المحارفي للمحاسبة رووووووووووووووووعه ويفهههههههم الله يجزاه خير نصيحه أسمعوا محاضراته بتفهمون الماده وتحبونها
الجدول المقرر للمواد يكفي لاتضيفون عليه شيء إذا كان مسموح لكم أحس تكفي لأن يبي لها تركيييز
الله يوفقنا وإياااكم

[madani m s]

السلام عليكم ورحمة الله وبركاته

جيناكم ضيوف فلا تنسونا من النصائح والتوجيه يأهل المستويات المتقدمة

وبارك الله فيكم

[meso33]

يديكم ألف عافيه على كل كلمه كتبتوها وبأذن الله نمشي على الصح
وربي يوفقكم ويوفقنا ونتخرج على خير بأذن الله

[بدر الدوسري1]

النصيحه شدو حيلكم خاصه في المحاسبه 2 والاقتصاد الكلي باقي المواد سهله ان شاء الله وبالتوفيق للجميع يارب

[نيوفا]

انا عندي بالجدول الهجهوج والهلال هم غيروهم ولا كيف