جهه عملي ترفض الموافقة على الدراسه .. ممكن تجاربكم بهالامر ؟

[المدى البعيد 10]

غريبة جدا جهة حكومية ترفض دراسة موظف
اهم شي مايأثر هالقرار عليك
واستمر في دراستك حتى لو تاخذ اجازة من رصيدك

[اصايل26]

طيب الأماكن الي تابع لوزارة الداخلية نفس المشكلة ؟ وهل هي تابعة نظام الخدمة المدنية يعني مثل المستشفيات الحكومية القاعدة الجوية وغيرها من مستشفيات

[Elegance]

المشاركة الأصلية كتبت بواسطة نواف الكويس جدا

السلام عليكم


انا موظف في مؤسسة البريد السعودي

لي الآن سنه من توظفت .. ولي 3 سنوات بالجامعه

بعد ماتوظفت تفاجأت في وقت الاختبارات بأنهم رفضوا اعطائي اجازة لاداء الاختبارات بحجه انني مارفعت طلب موافقة

شرحت لمديري المباشر بأني ادرس قبل ما اتوظف و طلب الموافقة اعرف انه للي قدم على جامعة وهو على رأس العمل , قال هذا النظام اللي مفروض علينا وانا بحاول اتساعد معك وماقصر رفع لي خطاب للموارد البشريه و تم الرد عليه بطلب اكمال بعض البيانات عن التخصص وارفاق سجل اكاديمي ...إلخ

ارفقت كل شيء مطلوب و رفعت الخطاب و تفاجأت بأنه تم الرفض لأن التخصص غير موصى به في البريد السعودي (علم أجتماع) و حاطين لسته بالتخصصات المطلوبة و علم الاجتماع ليس من بينها

تحطمت مع الاسف و هالشيء أثر على مستواي هذا الترم

طبعاً مؤسسه البريد حكوميه و تتبع لنظام التأمينات الاجتماعية و هذا اللي يجعل الامر معقد شوي على عكس لو كنت تابع للخدمه المدنيه

هل من نصائح لحل هالمشكله او فيه موظف بالتأمينات الاجتماعيه يفتينا بالاجراء الصحيح ..؟

وعليكم السلام ورحمة الله وبركاته

أول شي طالما إنك موظف لازم تكون مهيأ نفسك للتحدي الذاتي للتعايش مع البيئه العمليه والبيئه العلميه
فإذا دخلت هذا الجوّ ( تحدّي الذات ) راح تكون الأمور عندك جداً بسيطه

الشي الثاني اللي هو تعارض العمل مع الدراسه
لكل منظمه سياستها إتجاه موظفينها بغض النظر عن سياسة ما يقدّمه مكتب العمل السعودي اللي أنت ترجع له وأنا وغيرنا الكثير عدا موظفين الخدمه المدنيه
فسياسة منظمتك ( البريد السعودي ) تقول أنوه مب محتاجين تخصصك وهذا هم حاطينه قبل لا تتوظف أنت << يعني لا تقول أنهم هم مستقصدينك

إحنا سياسة شركتنا مع أنها من الشركات القيادية في السعوديه إلا أنها ما تسمح للموظف بإكمال الدراسه الا بعد مضي سنتين، لا وبعد مضي سنتين تحتاج موافقة مديرك ممكن يوافق وممكن يرفض، طيب أزودك من الشعر بيت ؟ تدري أنوه بعد هذا كلّه ولو حصلت على موافقة الدارسه أنوه ما فيه إجازة أختبارات ؟؟؟

إذا أنت طالب طموح تعد كل هالعوائق بالتحدي وراح تحس بلذة التخرج وقتها عن غيرك.
وبعدين احمد ربك تداوم في البريد، أجل لو تداوم معنا يومياً عشر ساعات تقريباً وش بتقول ؟

يعني بإختصار لما سبق، أنت خاضع لسياسة المنظمه ( البريد السعودي ) قبل لا تكون خاضع لمكتب العمل السعودي، إذا ما خذيتها بشكل ودّي من البريد والا ما راح تاخذ شي نظامي لأنوه ضدّك

شد حيلك ولا تقول نزل معدلي وتخليهم يأثرون فيك

وبالتوفيق يا رب

[Elegance]

المشاركة الأصلية كتبت بواسطة المدى البعيد 10

غريبة جدا جهة حكومية ترفض دراسة موظف
اهم شي مايأثر هالقرار عليك
واستمر في دراستك حتى لو تاخذ اجازة من رصيدك

المدى البعيد

البريد السعودي مؤسسه شبه حكوميه الله يسعدك
فأكيد لها سياسة خاصه فيها بحكم إنها ترجع لنظام التأمينات الإحتماعيه مب لديوان الخدمه المدنيه

[Elegance]

المشاركة الأصلية كتبت بواسطة هتان الولة

طيب الأماكن الي تابع لوزارة الداخلية نفس المشكلة ؟ وهل هي تابعة نظام الخدمة المدنية يعني مثل المستشفيات الحكومية القاعدة الجوية وغيرها من مستشفيات

على حسب الموظفين

لأنوه بعض الموظفين يكونوا على مراتب الخدمه المدنيه فيكونوا تابعين للخدمه المدنيه

وبعض الموظفين يكونوا تابعين للتأمينات الاجتماعيه فيكونوا تابعين لمكتب العمل السعودي


النظام الأول ياخذون إجازة إختبارات لمدة أسبوعين

والنظام الثاني يكونوا خاضعين لسياسة جهة العمل اللي هم فيه

[ع ـــزوز]

اللي سمعت به انه العام الماضي صدر قرار بالغاء اجازات الاختبارات

فلذلك انصحك انك تقدم اجازه اعتياديه وقت الاختبارات

ونسق مع مديرك المباشر وزملائك على وقت الاجازه ..

الله يوفقنا واياكم

[لحن1]

والله اذا جهه عملك ماتتبع للنظام الخدمه المدنيه ف ماينطبق عليها القرار او المرسوم اللي ينص علي غيابك وقت الاختبارات لكن شف وش مرجعكم وخذ منهم نص النظام

[اصايل26]

المشاركة الأصلية كتبت بواسطة Elegance

على حسب الموظفين

لأنوه بعض الموظفين يكونوا على مراتب الخدمه المدنيه فيكونوا تابعين للخدمه المدنيه

وبعض الموظفين يكونوا تابعين للتأمينات الاجتماعيه فيكونوا تابعين لمكتب العمل السعودي


النظام الأول ياخذون إجازة إختبارات لمدة أسبوعين

والنظام الثاني يكونوا خاضعين لسياسة جهة العمل اللي هم فيه

طيب لو كنت تدرس قبل الوظيفة هل يعيق القبول في الوظيفة الحكومية ولامالة علاقة

[loler]

سنتين وانا اخذها من رصيدي فصرت اخذها علي اقل من مهلي لدرجة انه ترم نزلت 4 مواد فقط وباقي الاجازه طلعت ومشيت اطفالي ولهم حق علي مجبور بذات اذا النظام يجبرك علي 15 يوم ولاتقدر تكون اجازتك بالأيام
فأنت اصبر الين الله يهونها عليك وصدقني الان علي تخرج ولله الحمد واعتبر هذه الامور من الماضي ..

[حماد محمد]

اولا الله يوفقك في دراستك ثانيا : المدير باستطاعته مساعدتك حتى لو لم توافق الجهة العليا ثالثا : ادرس بكيفك التخصص وماعليك فيهم وممكن تتوظف بوظيفه افضل ان شاء الله رابعا : حط ايدك بموية بارده وماعليك فيهم