[ المناقشات ] : إنطباعك قبل و (بعد) الإختبار النهائي لمقرر أخلاقيات العمل

[زين الرجال]

المشاركة الأصلية كتبت بواسطة بندر المحمدي

خير ... وش هالاختبار كله اخطاء مطبعية و اسئلة غريبة في أجوبتها المتقاربة

وين كلامه لا تحاتون و الاسئلة مباشرة وبتعاون معكم

طلع كله حكي بحكي ... 12 شخص من قاعة 7g طلبنا حضور الدكتور عشان يشرح وش يبي بالضبط

وبعددها طلعنا وتكلمنا مع الدكتور صالح واعتراضنا على عدم وفاءه بكلامه والاختبار جد يلخبط بسبب التشابه الكبير بالاجوبة

اسهل المواد لابد يعقدوننا فيها ...

أخوي بندر وش أصعب سؤال جاك لو سمحت

[بندر المحمدي]

المشاركة الأصلية كتبت بواسطة زين الرجال

أخوي بندر وش أصعب سؤال جاك لو سمحت

اقسم بالله اللي ضامنها ماتوصل 15 سوال

الباقية تأليف حتى المراقبين قالوا توجهوا للدكتور صالح مو معقوله الى قبل نهاية الوقت بدقايق والطلاب ماطلعوا الا كم شخص ماوصلوا عشرة طلاب وهذه مادة سهلة تقعدون لهذا الوقت رحمونا المراقبين مع صعوبة الاختبار واللف والدوران اللي فيه

[زين الرجال]

المشاركة الأصلية كتبت بواسطة asoom20

كل عام وانتم بخير

الاختببار سيئ جددداا وفوق ان الماده معلوماتها متشابهه وتلخبط
الدكتور كمل علينا ب اسئلته


حسبي الله ونعم الوكيل

أسوم لو سمحتي وش أصعب سؤال جاكي

[Om_Tala]

صعععب صعععب صععب
وش هالتعقيد الخيارات نفس الشي !؟
التف راسي وانا احل كل شوي اغير اجابه

الماده حلوه ماتستاهل كل هالتعقيد !

[هيثم~]

على قدر ما المادة سهلة , كانت الأسئلة صعبة وأخطاء إملائية مستحيل يكون شخص جامعي كاتبها

+ تأخر 20 دقيقة بحضور الأسئلة لنقصها لبقية الطلاب بمركز الجبيل

عدم تنظيم بالأسئلة بمنتصف أسئلة الخيارات كان هناك صح وخطأ

أسئلة غير موفقة والله المستعان !

[adakhel]

وش اللي استفاده الحين خله ينام وهو معيد الحين

[Bessoo]

المشاركة الأصلية كتبت بواسطة زين الرجال

لو سمحتوا كل واحد يكتب أصعب سؤال جاه عشان نشوف

كل. الاختبار صعب انا من شفت اول اربعه اسأله جتني الصيحه

[ms.aljazi]

اختبار صادم وغير متوقع يكون كذا , بندر ان لم تكن ذئبا اكلتك الذئاب اجل ههههههههههههههههههههه

هذا وكان بوعكه صحيه ومراعينا أجل لو مصحصح كيف ....


الله بس يزينها .....

[Abdullah Safar]

حسبي الله ونعم الوكيل ، هذا اللي اقدر اقوله .
اختبار عبارة عن اخطاء املائية و اغلب الفقرات الخيارات تكون كلها صحيحة .وفوق كذا الدكتور غير متعاون ،
ويوم دخل للقاعة عندنا ناقشته بخصوص خطأ املائي ،
قال هي كذا صحيحة اللي هي ( الموظف الميثالى )
بالله عليكم ، كذا تنكتب والا كذا الموظف المثالي ؟
لانه لحس مخي زيادة فوق ماهو ملحوس من الاختبار وشككني بنفسي ،
وفوق كذا يوم كثرت الاسئلة من الطلاب ، طلع وسحب عليهم

وبعد ماطلعنا توجهنا لـ/ عميد الكلية ، وتناقشنا معه ،
وقال راح تشكل لجنة بهذا الخصوص ..
وعسى الله يعين بس ..
وفالكم التوفيق بأذن الله ..

[rody84]

حسبي الله ونعم الوكيل

لازم نقدم اعتراض مو حاله هذي ابد

يكفي ان الاعصاب تلفت مع الاختبارات ويكملوها بالاسئله ذي
اول مره اطلع من اختبار ماا اضمن فيه درجة النجاح