[ استفسار ] معلومة مهمه عن الدكتور ابراهيم المحبوب وغيره

[Elaaaf]

هلا بالعييييد

[sous-77]

المشاركة الأصلية كتبت بواسطة أبو باسـل

السلام عليكم ورحمة الله وبركاته

أنا ممن لم يوفق اليوم بحل اختبار انشاء وتعبير .. وكان فيه اجحاف باختصار المادة في محاضرة اضافيه

لكن أنا من تجربتي درست في ثلاث جامعات

(جامعة الملك خالد - الجامعة السعودية الالكترونية - جامعة الملك فيصل)

إذا فيه شي تعلمته فهو لا تستفز دكتور باقي يدرسك أبداً

إيش تتوقعون بالله من دكتور باقي بيدرسكم إنشاء وتعبير 2 المستوى القادم وهو يشوف الهجوم والسب اللي جايه في حسابه في تويتر أو هنا

قسم بالله لو إني منه وهذا اللي أتوقعه منه

أن يعطيك 50 سؤال في انشاء وتعبير 2 كلها من داخل المنهج واللي في أمه خير يحلها الشاطر يجيب d+ واللي يبي يشتكي يشتكي

أما لو أنه ما عاد بيدرسنا كان قلنا فيها باب وجواب


الشكوى حق من حقوقنا صحيح بس نستخدمها بأسلوب جميل ما تستفز الدكتور ضدنا

لكن اللي جاه في تويتر شي يثبت أننا بناكل هواء المستوى القادم وسلامتكم ..

هذي تجربة تعلمتها من واقع خبره ولفلفه في الجامعات وحبيت أشاركها معكم ولكم الحرية

السلام عليكم ورحمة الله وبركاته ...

مسائكم الله بالخير ..( وخلوكم في اختبار الانترنت والاتصالات )


ابو باسل انا اتفق معك في بعض الأمور ( مثل الحساسيات ) ( طبعا تبي موقف اسال اغلب الي يدرسون انتظام قول له لو تاخرت على دكتور ايش بيحصل ) طبعا مواقف كثير ( وصلت للحرمان وبعضها وصلت لمسائل شخصية )


تبي تعرف ايش يعني دكتور بالجامعة ( طبعا خارج السعودية يعطيك مفتاح للمعلومة ويقولك دور عليها بنفسك في المكتبه ) وهذا نظام بريطاني ( واتوقع انه د. ابراهيم ماشي على هذا الاستايل ) ولاحظته في كذا محاضرة يقول هذا شيء انت عارفه ...مايحتاج اشرحه

وبالنسبة للمحاضرة ( الـ 15 ترا الرجال جاب لكم شيء ما اتوقع دكتور قد جابه )

انا من الناس الي بديت بالمنهج من أوله ( لاسباب اني ضعيف في الكتابة فقط )

استفدت من المنهج " ومذاكرته شيء بيفيدني مستقبلاً "

مع اني طبلت شوي بالاختبار بس الحمدلله اولاً واخراً

وبالنسبة لاليات وضع الاسئلة متاحه للدكتور بالجامعه اكثر من الية المدرس بالمدارس ..
( الجامعه == اعتماد ذاتي في استقطاب المعلومات مع القليل من الشرح طبعاً)
المدرسة == منهجي علمي بحت لبعض الاساسيات في المنهج " تكوين اساس " ..



وتذكرو لكم حق رفع شكوى .. وانت مسؤول عنها ..( ولا اطلبك ان لا ترفع شكوى ولكن اطلبك ان تكون منصف في ما تقول بعضهم يشتم ويتطاول على الاهل ما ربينا على هذا ) ..


تقبل مروري ابو باسل ..

تنبية " لست مهتم بما حدث بالجامعه ولكن ما ذكرته مجرد تحمل مسئولية ما تفعل وما تقول " ( خاصتاَ الذين يشتمون الشخص باهله وعرضه ) ..