التدريب والإبتعاث رفض منحي موافقة على الدراسة!! هل يحق له ذلك؟!

[{تهاويل}]

المشاركة الأصلية كتبت بواسطة الجــــ@ـارح

اخوي بعض الاادارات سبحان الله يجي فيها ناس محطمه للامال

اخوي جميع قطاعات الدولة لا تمانع بان الموظوف يكمل تعليمه ,

لكن فيه شروط ومن ضمن الشروط ان دراستك لاتؤثر على سير عملك

وفي وقت الاختبارات يمنح الموظف اجازة ليتمكن من ادا الاختبار ,,

طبعا كل قطع عندهم خطاب بهذا الشي لكن للاسف في بعض قطاعات الدولة يتم

اخفا هذا الخطاب وعدم السماح للموظفين انهم يطلعون عليه ,,

لكن اذا تبي نصيحتي كمل وانت ساكت يعني اذا سمحو لك زين على زين واذا رفضو

كمل تعليمك ,, الى وقت حصولك على الشهادة ,, واذا حصلت على الشهادة

قدمها لهم وخلهم يحسنون وضعك ,, ومثل مايقولون الكرسي دوار

ممكن المدير الي رفض الحين بعد 4 سنوات يجيك مدير خير منه ,

لكن نصيحة اخوي كمل تعليمك لو يقولون لك ماراح نقبل شهادتك قل لهم طيب

وكمل وطنشهم وحقك بتاخذه غصبً عن الي مايرضى

عندي في العمل نفس طريقة السنه الاولى من درستي قالو مارح نعطيكم موافقه

انا طنشتهم وبعد مخلصت السنه . تم الموافقه على جميع من يريد الدراسة الجامعية

بشرط تكون ضمن احتياج العمل , كملت ولا كلمتهم ولا راح اكلمهم الا بعد 4 سنوات

لكن السنتين الي الان انهيتهم نفعتني في الترقيه ولله الحمد وصار ترتيبي على 168 الثالث


بالتوفيق ,,,

هلا اخوي الجارح
ودي افهم شيء
كيف السنتين الي انهيتهم فقط نفعتك في الترقية؟
وهل انت في مجال حكومي؟
فيدني الله يحفظك يمكن انتفع بهذا الموضوع
موعد ترقيتي السنة القادمة

[{تهاويل}]

غريبه
شكلها ادارة التربية والتعليم متشدده بموضوع الابتعاث
عندنا تطلب الدراسة عبر التدريب والابتعاث اذا كان يتطلب حضورك اثناء الدوام
او اذا كانت جهة عملك سوف تدفع عنك رسوم الدراسة
غير كذه ، جيب الشهادة ونعتمدها
عدة زملاء لي اخذوا الشهادة من جامعة الملك فيصل العام الماضي
وتم اعتمادها وترقيتهم بعد رفعها مع نموذج الترقية
وايضاً واحد منهم لما قدمها لهم على طول سلموه مدير ادارة مكلف
لانه جاب لهم شهادة ادارة اعمال انتساب من جامعة اللمك فيصل
علماً اني اعمل في جامعة

[امم مشعل]

للاسف انك اخطأت من البدايه ما أخذت أذن من الوزارة تراجع مكتب التدريب والابتعاث ويرفعون اوراقك بعدين يردون عليك , اما انك تجيبها بعد الانتهاء من الدراسه اعتقد ان فيه تعميم مفصل يقولك انه ماراح يعترفون بشهادتك اذا ما اخذت عليها موافقه عند بداية الدراسه
نصيحتي اعد مراجعتهم من جديد واذا ماوافقوا اكمل دراستك وانتظر قد تتغير القرارات في يوم ما.
ولاحظت انك استخدمت معهم لفظ التعليم عن بعد ( التعاميم الي عندهم تستخدم كلمة انتساب ) وهم تعرف ربي لك الحمد مايفهمون الا كلام هالاوراق فلما تراجعهم مره ثانيه [grade="00008b ff6347 008000 4b0082"]قول انا منتسب بالجامعه دراستي انتساب [/grade]

[Adel F]

اذا كنت معلم تطلب الموافقه من قسم شؤون المعلمين ..
اذا كنت اداري تطلب الموافقه من الشؤون الادارية والمالية ..

التدريب التربوي والابتعاث هذا خاص بطلبات التفرغ للدراسه ، انت ماراح تتفرغ لان دراستك تعليم عن بعد ( انتساب ) .. وحتى لو كانت دراستك صباحية انتظام .. التفرغ صعب ..


لذلك اطلب الموافقه من اللي ذكرت لك حسب وظيفتك .. وراح تاخذ الموافقه بثواني .. وانا اجزم لك كثير من الموظفين بالادارة الي تتبع لها منتسبين واخذو الموافقه .. انت أخطأت بالجهه فقط ..

[مشعل الحمادي]

والله انا عن نفسي رفضوا رفض قاطع , لكن ( أداوم الصباح وأختبر المساء ) وأمر الله من سعه ، مايحتاج موافقتهم إذا ( يبي ينشبون بحلوقنا )

[صحراء الجنوب]

http://www.ksa-employers.com/showthread.php?t=99210

[كنت نايم]

رفضو للأن الدراسة (تعليم عن بعد) والتعليم بعد ماهو معتمد !! في الخدمة المدنية ولا في الوزارت

بعديييين الشهادة تصدر من جامعة الملك فيصل بمسمى ( انتساب ) .. لذلك طلب الموافقة على الدراسة يكون دراسة انتساب علشان يوافقون عليه.

[Hotspot]

والله يا جماعة الخير اني لا أخذت لا موافقة إكمال دراسة ولا هم يحزنون

وأنه وقت الإختبار أطبع هالجدول من أيقونة الخدمات الطلابية وأعطيهم إياه

وأروح من عندهم ولا أعرفهم إلا بعد الإختبارات

حتي إني كنت أطالبهم بإجازة قبل الإختبار عشان أذاكر فيها هههه

وإذا جى وقت التخرج يصير خير إن شاء الله

[Mr' bander]

انا مافهمت شئ ،، اخوي الشهد . انت مدرس ولا موظف اداري ولا ايش ؟. الواضح انك تقول انك مدرس


لكن ما ادري اذا مدرس ما معك جامعه يوم تدرس ولا كيف


وفي الاخير الله يوفقك .. احس اني مافهمت

[اكاديمي منتسب]

المشاركة الأصلية كتبت بواسطة ابن السلطان

المشكلة اني رفعة اكثر من مره الى الابتعاث يقولون ما لنا شغل
وذهبت الى شؤون المعلمين ونفس الشي يقولون مالنا شغل


وضعت بين الاثنين

للمعلومية انا محضر معمل حاسب آلي

ياريت اللي عنده افادة يفيدنا
لازم موافقة ادارة التعليم للدراسة او بعد الانتهاء من الدراسة اعطيهم المؤهل ويعتمدوها

اخي الكريم لابد موافقة لتعديل المستوى للخامس

الشي الثاني ليش ماكملت بالجامعة العربية المفتوحة تقنية معلومات وحوسية ، هذا امتداد لتخصصك وبذلك مافيه اي عراقيل لتعديل المستوى

بالتوفيق،،