[ استفسار ] وين راحت صور الاختبار مناهج البحث لابوعمر

[المسعودي]

فيه شي ماني فاهمه من أمس الأسئلة تنزل باسم وتحذف وتنزل باسم اخر

[أبو عُمر]

ماراح أنزل شي ولا عاد أصور شي

الله لايهينها ترجع الموضوع

[النادره]

ياوالله الترم النكبه صدق

[الالماسة]

ليش كذا ياخوان المشرفة ماتستاهل كل هذا يمكن فيه أسباب خلتها تحذفها

يعني كل اللي سوته لكم طول الترم نسيتوه
ماينفع فيكم طيب

عيب والله عيب

[سابق الخير]

المشاركة الأصلية كتبت بواسطة أبو عُمر

ماراح أنزل شي ولا عاد أصور شي

الله لايهينها ترجع الموضوع

تعوذ من الشيطان يابو عمر وانت راعي الاوله

[سابق الخير]

الحق يقال المشرفه الله يجزاها خير ويوفقها والموضوع مايستاهل أهم شي تنزل الاسئلة مصححه

[Abdullah2011]

المفترض في عرف المنتديات ان المشرف اذا حذف موضوع لازم يبلغ صاحبه بالسبب مو المسأله استعراض صلاحيات.

واحد اجتهد وعرض نفسه للخطر وصور لكم ونزلها وبالاخير تجي مشرفه حاطه رجل على رجل وتاكل ورق عنب وتضغط زر خذف وانتهى.

عطوها وسام الحذف المميز وعطوها وسام قريندايزر بس لاعاد تحذف شي لأبو عمر


وسع صدرك يابو عمر ترى ماهونها علينا ولا ريحنا من اول ترم الا انت.


بيض الله وجهك

[crazy 4u]

المشاركة الأصلية كتبت بواسطة أبو عُمر

أتوقع أنها بتسوي كذا

الله يعين

عوافي اهم شي نزلو النموذج

[king of silence]

تنزيل صور الإختبار قبل انتهاء فترة الإمتحان يعرض الطلبة لإعادة الإمتحان
وسبق وان حصل مثل ذلك في الأترام الماضيه .. ومن الظلم ان يتحمل الجميع خطاء شخص !!

وبالنسبه لمن يقول بأن يرجع المشرف الموضوع بعد انتهاء الإمتحان !!
احب اوضح له بأن .. توقيت الموضوع يكون موجود في اعلى المشاركه عندما يعيده المشرف .. والملتقى متَابَع من قبل اعضاء هيئة التدريس بالجامعه بشكل دائم .

ارجو ان يعلم الجميع بأن مايقوم به الطاقم الإشرافي هو لخدمتهم اولاً وأخيراً .. لذلك يجب علينا ان نكون متعاونون معهم .

[king of silence]

كما اتمنى ان يرتقي الجميع في النقاش الى المستوى الذي يليق بكم كطلبة اكاديميين .