[ مذاكرة جماعية ] : هل تؤيد موضوع الورش وتوزيع المهام على الاعضاء ؟ اقتراحات .. ملاحظات .. رسائل شكر ..

[Decent Hafrawi]

لا

[nona123]

فكره الورش جدا نفعتنا ومحد يقدر ينفي هذا الشي ..
حتى الاعضاء الي جلسو ينقدون ترى استفادو

ع اني كل مادخلت اجلس ادعي لهم ان ربي يحقق لهم امانيه

بنسبه لي 7 مواد وتوني الحين بديت افتحهم

والورش سوى المواد الصعبه او السهله وربي ارتحت يعني دريت ان الواجبات نزلت ودريت عن المناقشات
ودريت عن محاضرات ودريت عن كلام الدكتور وكل شي وانا ماتابعت من البدايه ..

يعني وربي شالو عنا حمل كبير

يعني كلمه الشكر ماتوفي عن حقهم

ولاحد يجي يقول تراها موجوده من سنين وتراها مكرره
الكل داري مايحتاج تذكير
بس الكل مو متفرغ انه يدور ويبحث ويتاكد

اعضاء الورش جابوها جاهزه مجهزه ومغلفه بعد

ورببي الله يسعـــــــــــــــــــدهم ويوفقهم وفالهم a+

[Bro0onz]

اكيد انا مع الورش الله يعطيهم العافيه بجد ماقصرو وساعدو الضعاف اللي مثلي اللي ماعندهم وقت ابد

[فـجــر]

الغو تثبيت الموضوع مانبي بلبله ونعطي هالموضوع اكبر من حجمه
عارفين في ناس تدعي لنا ومتأكدين بان اللي ينكر معروفنا من ورآنا يدخل الورش
وياخذ منها اللي يحتاجه واعتقد شفنا هالعينه قدامنا ~

الشكر الأول والأخير لكل عضو شآرك وتعب بالورش قسم من وقته لنا ولنفسه
عطانا مجهود ملاحظاته المهمه الخاصه فيه وكلنا لازم نتذكر مافي شيء جبرنا
ولا حنا ناخذ رواتب من احد هالتعب ماوراه مقابل وهو تطوع لوجه الله تعالى

الكلمه الطيبه لهآ أثر في نفس كل إنسان ..

اللهم أني أسالك التوفيق والنجاح لكل من ترك بصمه شكر او كلمه حسنه طيبه
مثمره تثمر في نفوس أصحاب الخير ( اعضاء الورش يستحقون هذا اللقب ) وتترك وارها ابتسامه
ودعوه جميله صادقه سواء كانت علناً او بالخفآء ..

لاتنسونآ من دعائكم وتذكرو بأن لكم المثل .. ~




فجــــر~

[Lєɢєиd ♪]

معك حق فجوره
بس كلمة شكر ويستاهلها كل عضو تعب وبذل مجهود في الورش
أستفدت وكل عضو هنا أستفاد وأبسط شي نقدمه الشكر
وي رب نفرح جميعا بنجاحنا وتفوقنا
وبالعكس الموضوع طلعنا شوي من جو الضغط والامتحانات
والشكر لصاحب الموضوع
يستاهل

[عبدالرحمن*]

الله يجزاهم خير

نعم مع التوزيع والله يعينهم ويوفقهم ويكتب لهم بكل خطوة بركة

[ام حنان]

صحيح انا مع اختي فجر في ناس معارضين وهو يستفيد من الورش
وبنفس الوقت يبي يثبت نفسه
والطريقه الي مستخدمه صراحه راح تضر الطلبه ماراح يستفدون منهاا

[بلقيس الهاجري]

المشاركة الأصلية كتبت بواسطة ام حنان

هلا والله وينك ياخوي b.b.a مختفي مالك حس
اولا صراحه لفت نظري صوره العرض مالتك اهنيك عليها :D
ثانيا صراحه تعب وجهد ولازم اتابع اول باول
بس مفيده للكل

عفوا أختي أم حنان .. بالنسبة لصورة العرض اللي حاط الأخ b.b.a والله لو أني ما نظرت للرموز كان ما عرفته موليه مع هالصورة المفهي هذا اللي ما أدري من يكون يجوزه أنه إهوه نفسه ..

أسفه ع المداخلة ي أم حنان وأسفه ع تعليقي ع الصورة أخ b.b.a

المهم ديروا بالكم أحد يزعل مني أختي الفاضلة أم حنان وأخوي الفاضل B.B.A

للجميع السلام ولهم الإعتذار مقدما أن طرى عليهم الزعل ........

[ام حنان]

وش حقه ازعل اختي بلقيس
الصوره لمستر بن

[Fahed saleh]

بالعكس أخواني مجهوداتكم مشكورة ومقدرة حتى لو لم تطلبوا هذا لأنه من واجبنا نحن الذين نأتي في أي وقت ونجد مايتعبكم ويسهركم مفروش لنا بالورود أنا من ناحيتي سوف أستمر أشكركم وأدعوا لي ولكم بالتوفيق والنجاح وإذا مو عاجبكم فهو غصب عليكم ههههههههههه

مشكوروووووورين بقدر ماتعبتوا وبالتوفيق لنا جميعاً