[ اسئلة اختبارات ] : رد الدكتور غسان على الملاحظات الموجودة باختبار مدخل الى اللغويات

[شعنونة]

لازم نضع ملاحظات حول الاختبار

لان الترم السابق نقصوا بنات في مواد كثيرة

وعندما ارسلوا للجامعه عدلوا درجاتهم

ارجوكم نتعاون لنرفع الغلط اللي صار

انا معاكي اختي ترانيم

نزلت من الاختبار وانا في ذهول بذلت جهد في المذاكرة وتعبت

والاسئلة كانت فعلا بها كم خطا

[Shoroq]

انا كتبت ملاحظات في الخدمات اتمنى الكل يكتب
وان شاءالله يحلون المشكله

[حكاية طمووح]

المشاركة الأصلية كتبت بواسطة ترآنيم الغلآ

انا مارح ارد على كلمة اذا انتو ماتذاكرون الا يوم الاختبار. .

رح اعطيك هذا الرابط وشوفي تاريخ بداية المذاكرة

وقد اجزم ان في هذا التاريخ لم تفتحي الكتاب ..

http://www.ckfu.org/vb/t501373.html

عموما اختي ..

اللي حريص على معدله بيكون اكثر حرص على الاسالة اللي وردت خطا

اما اللي يدور النجاح فقط فهذا عاد شي ثاني ..

نعم الدكتور متعاون وشرحه واضح . ولكن ماذنبنا في هذه الاخطاء ؟

وكما اردفت المادة 3 ساعات والسؤال الواحد عليه 1.4 وعليك الحسبه ..!

كنت اتمنى ان يكون ردك غير ذلك ..

وموعدنا النتايج .

الاخت ترانيم انا لم اقصدك في كلامي لو انتبهتي انتي وابو جنى ان في الموضوع من تكلم عن الدكتور بأسلوب

غير لائق انا وجهت كلامي له ان شاء الله الدكتور يتعاون معانا ويحل المشكله وانا قمت بمراسلة الدكتور وكتابة

ملاحظه في الخدمات الطلابيه فأنا حريصه على معدلي اكثر منكم بما اني قريبه من التخرج ان شاء الله

بالعكس انا متابعه لك ولمواضيعك في شرح الماده واشكر لك تعاونك كما اشكر الاخت خوخ وزهر وسوسو

وصالح الروقي وكل من ساهم في شرح الماده
شي اخر انا سبق وان سجلت هذه الماده مع الدكتور حسن العماري واخفقت فيها الدكتور غسان مختصر الماده كثير وشرحه واضح وجدا ومتعاون هذا رأيي الشخصي لاافرضه عليكم

ع العموم استهدوا بالله وتوكلوا عليه وان شاء الله ربي مايضيع تعبنا

[حكاية طمووح]

المشاركة الأصلية كتبت بواسطة wed.y alzuod

صدمتني ردود بعض الطلاب صراحه .. على الاقل الدكتور رد علينا وتعامل معنا تعامل محترم وما طنشنا
بغض النظر كان قد كلامه او لا بالنهايه ما نسي طلابه بمجرد انتهاؤهم من الاختبار .. يا ريت نرتقي شوي ونعرف احنا ايش عم نكتب قبل ما نكتب

عموما اليوم الدكتور ارسلي ايميل وهاد نصه
السلام عليكم
اعلان الى جميع الطلبه انا الى الان استلم ايميلات من الطلاب والطالبات بخصوص بعض الاساله .. بعد جمع الاساله سوف ارسلها الى المنتدى للنقاش
الرجاء ابلاغ الجميع بهذا الخصووص وشكرا

[حكاية طمووح]

المشاركة الأصلية كتبت بواسطة khaled.su

ي حكايه

انا و لله الحمد كل ترم اجيب درجات عاليه

من اول ماتنزل اول محاضره لين اخر محاضره لجميع المواد اتابعها قبل الاختبارات بشهر او اقل اول ما اخلص ال14 محاضره اذاكر كل المواد كل ماده 3 ايام على حسب الماده

و ارجع اذاكرها مره اخيره قبل الاختبارات

مدخل اللغويات صميته بالكامل و فهمته بالضبط لدرجة اني حافظ كل كلمه ف المحتوى :looking_anim:

كل هالكلام اقوله لكن عشان اللى مثلك ما يجي يحط فينا عيب

سؤالين كان فيها خيارين كلها صحيحه 100% ولا غبار عليها
سؤالين من خارج المنهج كلياً ولا درسناه
و سؤال كان فيه خطأ في الصياغه حاط ضرفين و كاتب جنبها شرح الصفه و يخيرني وش هي صفه ام ضرف

5 اسئلة تقريباً ليش انا بعد هالتعب كلها اخسرها ؟

الدكتور ماقصر و الله يسعده لكن هالشي ما يخليني اتنازل عن حقي ماده 3 ساعات تلعب بالمعدل يكفي الانشاء

وصل ؟

انا ماقلت تنازل عن حقك حتى انا ذاكرت وتعبت ومابتنازل عن حقي وانا ماجيت اعيب في احد للاسف كلكم فهمتوني غلط

اكرر انا ماقلت تنازلوا عن خطأ الدكتور انا رديت على احدهم تكلم بأسلوب غير لآئق في حق الدكتور والجميع شاف رده
ويمكن غلطت اني ماقتبست رده ورديت عليه شخصيا علشان ماألقى هذا الهجوم كله

[حكاية طمووح]

المشاركة الأصلية كتبت بواسطة أبو جَنىَ

يعني أنتي تذاكرينها من بداية الترم .. واللي يسب من حقّه
دكتور طلع عن المنهج في سؤالين وأخطأ في 3 أسئلة , و
بعدين مثل حالتك واضح إنك تبين تفتكين من المادة وتنجحين
ولك تجربة سابقة معها, لكن حنا الله يجزاك خير محضرين للمادة
كوّيس وأنا شخصياً حليت 47 سؤال صحيح , لكن فيه الأسئلة
اللي غلط فيها من يتحمل مسؤوليتها أنا ولا هو ؟؟؟؟؟؟؟


حنا ما قلنا الدكتور حط الاسئلة صعبة , حنا نقول الدكتور
لازم يراجع وضعه مع الاسئلة هذي , غيّر فيها يبي يلخبط
الطلاب وهو اللي تلخبط , والظاهر إنه داخل على ملف قديم
ويعدل ويمسح ويضيف , بدون جهد يعمل أسئلة جديدة ..

نعم لي تجربه سابقه معها ومذاكره ومحضره لها من بدري وانا حليت كل الاسئله صح ولله الحمد عدا الاسئله اللي غلط فيهم الدكتور انا حريصه على المعدل لااسعى للنجاح فقط




وانا راسلت الدكتور بهذا الخصوص وهو وعد انه يشوف المشكله


فقط احسنوا الظن

[s سوسو,,,]

رفعت شكوى عن طريق الخدمات الطلابيه

ارجوا منكم رفع شكوى وترك النقااش هنا ف لن يتابعووننا العماده هنا

اللي عنده شيء يرفع وكل ماكثرت الشكااوي ع مااده كلما انتبهوا وعدلوا درجاااتناا



بالتوفيق للجميع

[Rasta]

اعلان الي جميع الطلبة
أنا الي الان استلم ايميلات من الطلاب والطالبات بخصوص بعض الأسئلة
بعد جمع الأسئلة سوف ارسلها الي المنتدى للنقاش
الرجاء إبلاغ الجميع بهذا الخصوص
و شكرًا

Sent from my iPhone

رد للدكتور غسان ،،،

[ضجيج الحلم]

استهدوا بالله ياجماعه...
نرفع في الايقونه الخاصه بالشكوى...
ووالله مايجينا الا المكتوب لنا...

[ضجيج الحلم]

فعلا تجاوب الدكتور معانا شي جدا راائع ونقطه تنحسب له
غيره نراسله ومطنش ولاهو سائل!!