[ استفسار ] حسن ابو زيد كمل الناقص بعد الخريف 😫

[غلا الجوري]

حبيبتي لا تظلمين بختك الماده هي بطبيعتها لحسة مخ وربي اتحمد لله ان الدكتور حسن دكتور هالماده

تخيلي فوق حوسة هالماده يجك صابر وتدقيقه بعمق المنهج

او يجيك المصيبه الكارثه اللي امس فهد الخريف

وان شاء الله انك معديه وترا على فكره انا بعد حليت مو زود لكن العيب بالماده نفسها ولا الدكتور بيض الله وجهه

[ليان العنزي]

لكل مجتهد نصيب

والله يجزا الدكتور عنا خير الجزا الاسئله واضحه جدا

[برنس2012]

المشاركة الأصلية كتبت بواسطة *آميرهـ*

الاسطنبولي كلامك 100٪

انا أشوف ان الاختبار مو معقد لها الدرجه بالعكس كانت فيه اسئله واضحه

[أبو فيصل رويلي]

اسهل من كذا اسئلة ماباقي غير يعطيكم الجواب

[abo0o0d]

الاختبار سهل انا والله ما ذاكرت زين ومع ذالك حليت والحمدالله

[tooto]

حرام عليكم تظلمون الدكتور
انا ذاكرت الماده من قبل والحمد لله جاوبت اسئلته كانت حلوه وواضحه
مب مثل علم الاجتماع السياحي واضح استقعاد الدكتور للطلاب

[ملآمح يوسفيه]

حسبي الله ونعم الوكيل والله من غير الضغط هالاسبوع جا كملها ابو زيد في البحث الاجتماااعي ليش الحين هالاسلووب

[Resident evil]

الدكتور ماقصر بيض الله وجه الاجابات واضحه للي ذاكر قبلها بوقت مو بس اعتمد ع الاسئله والعيب انكم تضغطون نفسكم بمواد كثيره وتتشتون وقبلها بليله تذاكرون ماينفع صحيح بعض الدكاتره يجيب اسئله بس هم يحطونها للطلبه المستوى الدافوري هههههه يعني يجيب 4 او 5 اسئله تعتمد ع فهمه ومدى ذكائه من خلال دراسته للماده واكرر اللي يذاكر من المحتوى ماراح يخبص هذا وانا اذاكر واتابع واجيب العيد كيف اللي يعتمد ع اسئله بس

[iss1999]

يا اخواني واخواتي جزاكم الله كل خير ...
هالحين اللي يقول حنا منتسبين والنا ظروف انا اقوله تعال شووف اللي منتظمين وش كثر ملعووووب في حسبتهم
يعني تخيل معي الوضع اداوم كل يوم واكرف واختبر شهر ونص وهم يختبرون مابين اختبار فترات ونهائي وماينجحون ولا احد يعطيهم وجه يعني بالعربي فوق تعبك الله لا يعافيك
حنا طووول الترم يا عازم يا معزوم يا مسافر يا مداوم ومروح ترقد وتطلع بالليل تسهر وتسمر وتغير جو وتسولف مع عيالك وتزور اهلك ومستاااانس وماتحرم نفسك من شي وتنضغط بسسسس عشرة ايام او 15 يوم
يا اخواني والله حنا في نعمه مايلاقيها كثير لكن لازم نثبت اننا قد التجربه اللي دخلناها نبي شهاده نبي معدل لاااازم نتعب فيه وناخذه بجداره واستحقاق مو صدقه ولا هبه من احد ولا لاحد منه علينا تعبنا واجتهدنا وسهرنا واي نعم خسرنا فلوس بس ناخذها بتعبنا عن نفسي ابي الشهاده وخاطري فيها من سنين وكانت هذي فرصة عمري تتناسب ويا ظروفي وحياتي واشوفها نعمه من الله وفضل كل يوم احمده واشكر فضله
خلونا ماننسى نشكر الله ونحمده ونجد ونجتهد وناخذها بتعبنا وبلاش كل شوي نقوول منتسبين ولازم يسهلون علينا اش دعوه اللي منتظمين مرتاحين !!! والله ابد الا مكروووفين لليل ارحمهم
في الاخر اختلاف الراي لا يفسد للود قضيه وحبيت اقول راي
وتقبلوه مني
اختكم