شكوى على الدكتور النجار .. لماده الاحصاء

[lavender faris]

ماقلنا يا فيينا يجيبوا اسئلة سهلة
لكن يراعوا العقول البشرية
والله وحدة يمكن عمرها 45 وعندها كومة عيال وانقطعت فترة طويلة جدا عن الدراسة وجالسة تقول انا ما افهم هالماااااادة ابد وماتنلام تبي العلم والشهادة وتجي هالمادة توقف بطريقها عقبة.... حنا انتساب عن بعد وكثير مسجلين وظروفهم صعبة لكن حدهم الزمن او بالاحرى يبون يثقفون نفسهم ويعوضون مافاتهم.
المفروض نصها نظري ونصها عملي واربع اسئلة تعجيزية ممكن



ونا اقول مش هو كتب الاسئلة مش اسلوبه ابد
اذا ماحضر المباشرة وما احترم الطلبة ولا الجامعة احترمت الطلبة المفروض يعوضونا.

من حقنا كطلاب.

[F&H]

الي وضع الأسئله ماهوب النجار + محاضرات مباشره ماحضر وهذي كفيله بالمطالبه بأبسط حقوقكم
لأن من القهر ماده تنزل المعدل وانا سبق وقدمت شكوى

[al3rm]

المشاركة الأصلية كتبت بواسطة لوليز

طيب ليه انا يوم اني حفظت القواعد وصميتها اطلع الناتج مايطلع معي ولا حتى الاقرب معقوله يعني
طلع معي جواب واحد فقط اللي هو المتوسط الحسابي ليه الباقي فوقهم ريش يعني بالله كيف نطلعه في
طريقه جديده للمعادلة بورقة الاختبار مثلا ولا ايش وانا مدري
يا آخي حط اسئله تنفهم وواضحة وش ذا

والله لو اني معلمه احط لِطالباتي آحلى وآسهل الاسأله ليه نصعب عليهم بعد
منها اكسب اجر والدعاء منهم

ماقول الا
حسبي الله ونعم الوكيل

(لاحول ولاقوة الابالله العلي العظيم)

نفس اللي حصل معي اللي حليته فقط الوسط والوسيط ..!!!

لكن ما أقول غيـر الله كريم ..

[Rossse]

رجاء اللي بيجي يقول الاسئله من المنهج لايعلق لان اذا ذاكرتم انتم من الكتاب انا ذاكرت المحاضرات اللي شرحها النجار نفسه ومطالبه بماشرحه مو اسجل بالجامعه واروح اشرح لنفسي شي ماقاله
وبعدين مافي اي احترام من الدكتور للطلاب على الاقل احضر المباشره الثالثه هي اهم محاضره مباشره وهذا الشي اللي نقدر نتواصل فيه مع الدكتور اخرتها يسحب علينا ويعاملونا كاننا طلاب متوسط ينزلون لنا محاضرة السمستر الليي طاف
مو كفايه ان الفريدان يقرر الاسئله 50سؤال بنص السمستر ويختفي فجاءه هو والشعيبي في نفس الوقت مافي شي نتواصل فيه مع احد من الجامعه غير الشكوى

وحسبي الله وكفى

[الملاك الصامت]

أساسا الغلط من الجامعة كيف يسمحوا للطلاب بتسجيل المادة والدكتور مو موجود من الأساس المفروض الجامعة هي اللي تتحمل ها الغلطة هذي فيها مستقبل ناس وأغلب الطلاب والطالبات سجلوا عن بعد عشان الشهادة والوظيفة وهذي المادة خسفت المعدل وبالتالي يأثر عليهم إذا حملوا المادة .

[lavender faris]

خلونا نسجلها عشان الرسوم شكلهم ههههههههههههههاي

[سديراوي هلالي]

هاشتاق في التويتر شاركوا فيه #الدكتور_عبدالله_النجار_الاحصاء_التحليلي

[آهات مجتمع]

النجار

[أبو يزيد 1]

التظلم من أبسط حقوقنا
مالنا حق نتكلم على القوانين والمسائل اللي كانت ضمن المحاضرات المسجلة أو المحتوى أو حتى الكتاب لأنه يوم طالب بالكتاب ما قال تراه معكم من الجلدة للجلده اللي معنا واللي مطالبين فيه اللي يخص محتوى مادتنا
أما إنه يضيف أسئلة مقرره على تخصص الإداره هذا اللي مو من حقه ويفترض نطالب بدرجاتها لأنها حقنا نظاما

[نوني انا]

على اني جايبة العيد في الاختبار واملي أجيب درجة النجاح

لكن وبكل أمانه اللي اشوفه خصوصا حنا مستوى ثاني
مالنا اي حق نرفع شكوى عليه

الأسئلة من الكتاب اللي هو بنفسه حدده لنا ومطالبين فيه
ماجاب اي سؤال من خارج المنهج

ولا تقولون صعب وماصعب
حنا جامعيين والجامعه واللي اشوفه صح فيها سلبيات
لكن إيجابياتها كثيره ووفرت لنا كل شي , ولابد يكون فيها صعوبه تراها جامعه مو ثانوي
وحتى لو الماده مو من تخصصنا
ترا هذا نظام اي جامعه .!! لابد يكون فيها مواد غير مواد تخصصك

ممكن عتبي عليه بس طريقة شرح ماكانت ملمه بشكل كامل
ولكن وكلمة الحق الاسئلة كانت طبق الاصل من الكتاب اللي هو محدده لنا .