انا وقدراتي الذهنيه واييييييه يا حزم الظامي (:

[Ms.Solo]

يا قلبي انتي توك باول الطريق يعني ما تقدري تحكمين على نفسك من اول تجربه فشل

طيب بقولك شغله بس لا تعلمون حد ههههه اخاف يجيني اليوكن الاسود



شفتي وزير التجاره ما غيره تراه كان افشل طالب بالجامعه وحمل مواد لليل وانذارات

وكان شخص عادي جدا يعني لا واسطات ولا غيره

طبعا هالكلام على ذمة شخص مقرب منه طبعا قرر انه قد الشي اللي دخله ورفع معدله وكرس كل وقته للجامعه والمذاكره وشدة الحيل وتخرج بمعدل مرتفع

برضو والله تعرف ناس تشوفينهم تقولين هذولا اصلا مو وجه جامعه

ومع هذا شدوا حيلهم رغم انهم فاتحين بيوت ومتزوجين وعيال وحوسه

ما اعتقد انهم احسن منك في شي صح والا لا

انتي ادرسي هالتيرم وشدي على نفسك اكثر وراح تقدرين تعدين وشوفي الطرق اللي تجدد نشاطك واربطي كل مساله بشي بحياتك حتى يسهل عليك فهمها وهذا احلا شي بتخصصنا انه مرتبط بحياتنا

والمنتدى هنا ما بيقصرون معك تعاونهم ماشاء الله شي خرافي ربي يسعدهم

ولما تخلصين هالسمستر اكيد ربي ما حيضيع لك تعب توكلي على الله حق توكله واعملي بالاسباب

معليش طولت عليك هذره بس بالبدايه جاوبتك ع قد اسئلتك لان حسيت انتي مقتنعه بهالشي وما حبيت افرض رايي عليك

موفقه وانتي قدها

[Ms.Solo]

المشاركة الأصلية كتبت بواسطة سعوديات

تكفين عاد ي طموحه حسستيني ان اللي خاشين ادارة اعمال كلبوهم نوابغ


ومن زود الذكاء تخصصاتهم ادارة اعمال تراه تخصص مثله مثل غيره


لاتقعدين تقنعنين نفستس انوه صعب وم تقدرين عليه وقدراتي الذهنيه وقدراتي الذهنيه


شوي شوي تقولين اغبى وحده ف العالم :)


انا حملت الرياضيات يعني قدراتي الذهنيه بها بلا :)


اذا حابه تخصص الاداره خلتس كملي فيه وشدي حيلتس وان شاء الله تمشين فيه


اما تغيرين التخصص بس عشان حملتي مادتين !


ماهذا الحتسي :)

يا حبني لهذه الفتاه وربي لك وحشه سعوديات يعجبني كلامك دائما بالصميم

ووقت الاختبارات اضحك لا علقتي على اللي يشاهدون الموضوع تحت وربي انك اسعدتيني جدا هذيك الايام بعد كل اختبار ادخل وانبسط بردودك ربي يسعدك دنيا واخره

[طموحه هانم]

سعوديات بسألتس سمعتي باختراق الجبهه »هذا ردتس بذاته تحطيم ايجابي للجبهه (:
الله يسلمتس عطيتيني وش اسموه شحنة دفع للأمام

[a3any_99]

[a3any_99]

ابشرررررش مو لازم معدل ولا شي


اهم شي تخلصين ال٢٤ ساعه فقط
شوفي الرد ف الصوره


تحياتي ��

[طموحه هانم]

يمك دروبي شكرا لك ما قصرتي
الله يبيض وجهك