تصارع الاحلام والمصالح > صدمتي النفسيه .

[جمال العنزي]

المشاركة الأصلية كتبت بواسطة زيزو الوايليه

السلام عليكم
كيفكم؟ بدخل بالموضوع ع طووو ل

موقف حصلي اليوم بالعمل كنت رايحه صدفه للموارد البشريه اتاكد من حاجه وبالصدفه عرفت شي ضيق صدري وحيرني كثثير
دراستي وتعبي غير محسووبه في عملي الحالي يعني لو اكمل واتخرج من هنا بشهادة ادارة اعماال ماراح تنحسب لي ولا راح يتغير من مميزاتي الوظيفيه ولا الماليه ؟؟!!
ع حد زعمهم ان تخصص ادارة الاعمال لاعلاقة له بمجالي الطبي ووظيفتي الحاليه لان الهيئه السعوديه لاتتعامل الا مع شهادات طبيه فقط!!؟؟
خصوصا ان التعامل الان ع الكادر الصحي الجديد يعني لازياده في الراواتب الا اذا درست !!
رجعت وانا محتاره ومتضايقه الاداره حلمي من زماان ... لكن ماراح تحسب لي شهاده عندهم
ودراسة الطب ع نفس مجالي او مجال اخر مابي ادررس
تحقيق الاحلام .. ام تحقيق المصالح؟؟؟؟

ارائكم تهمني

اعرف واحد من اعز اخوياي مثلك تماما وجاني وقالي الشور يا الزميل

قلتلة كمل دراستك هو كان يدرس مثلك ادارة اعمال
الرجال خلص دراستة وكان انتساب حتى مو مثلنا احنا شهادتنا اقوى من الانتساب العادي اذا كانت تعليم عن بعد مثلها مثل الانتظام في كل شي المهم خلص دراستة حتى معدلة على ما اضن مقبول فتح التقديم بنفس عملة على وظيفة مدير مناوب ها ركزي مدير مناوب ومن ضمن الشروط طالبين ان يكون لدية بكالوريوس ادارة اعمال المهم قدم وهو منهم وفيهم وقبلوة وكان راتبة على حد علمي وقتها 7200 صار بعد ما قبل في ذا الوظيفة 12 الف وعليها بعد

يعني يا اختي ما فية شي يضل على ما هو علية ..

شدي حيلك الارزاق بيد الله سبحانة

[السنيدي]

كملي ولكل حادث حديث

[نسيم الصبا]

ايش اللي تحبيه أكثر؟ دراستك أو وظيفتك؟
اذا حابه وظيفتك أكثر ومرتاحه فيها حولي دراستك لقسم يخدمك في وظيفتك ويطورك أكثر،مثل علم اجتماع على مااظن ينفع في بعض التخصصات الطبيه أو مثل ماقالوا الأخوات قسم إدارة الخدمات الطبيه بس في جامعة الملك عبدالعزيز.....
اذا حابه دراستك أكثر كملي فيها وراح تبدعي ويمكن اذا تخرجتي تحصلي وظيفه تحبيها وتمشي مع التخصص اللي انتي تحبيه...
والأستخاره اولاً وأخيراً
موفقه

[زيزو الوايليه]

اشكر تفاعل الجميع وجزاكم الله خير فكرت كثير وقررت اكمل حلمي ماراح اتخلى عنه ووظيفتي لو فيها رزق ربي بيجيبه لي

[miead]

الله يوفقكك ياغاليةة ولاتحطي ببالكك كلام الناس اسمععي لنفسسك وبسسسس
والله يالمحبطين حوولي كثآر اللي يقول ليش تتعبين نفسك دراسة من جديد
واللي يقول مابتنفعك بشيء بتتزوجين وتعلقينهآ بس يآني معطيتهمم أذني الصمخى
مطنششششششتهمم ولآا ابي شيء الا دراستي ودراسات عليا وكل شيء ابيه بسسسويه
محد له دخل شدي حيلكك والدنيا كل يووم على حآل الله المستعآان ...

[بنت سلام1]

ان شاء الله موفقه لاكمال الدراسه والله يوسع رزقك من حيث لا تحتسبين

[عبدالله سليمان]

دراستي الحالية لا تمت لعملي بصلة وقد لا تفيدني

ولكني ولله الحمد مصر على مواصلة الدراسة

مع أني لست في مقتبل العمر وتركت الدراسة منذ سنوات طويلة

على الأقل استفيد من دراستي وأفيد من حولي

العلم لا يرتبط بوظيفة أو غيرها

واصلي وفي النهاية الأمر كله خير

بالتوفيق

[MS.MOODY]

واصلي تحقيق حلمك خيتو ..
وربي يوفقك ويسعدك ,,

[تماديت احبك]

اختى الفاضله

السلام عليكم ورحمة الله
انا اعمل بنفس مجالك المجال الصحي وادرس ادارة

وكلنا نعرف ان العمل في المستشفيات يصنف على نوعين نوع اداري تشغلي ويشمل ادارة خدمات المرضى وادارة علاقات المرضى والاقسام الادارية الاخرى التى لا تشمل على الكادر الصحي

ادارة اعمال الملك فيصل لا تدخل ضمن الكادر الصحي اختي لكن ادراة المستشفيات تدخل ضمن الكادر الصحي
وتقدرين اذا كنتى ادارة اعمال تلتحقين بالمستر ادارة مستشفيات
وعلى العموم ادارة الاعمال افضل بكثير من ادراة المستشفيات وذالك لعدة اسباب منها تعدد الوظئف في شتى المجالات
بعكس ادارة المستشفيات تكون محدوووده للعمل في القطاع الصحي

الله يوفق الجميع

[Infatuation]

~( زيزوّ )~

سَلآمتكَ من الضِيقْ
لكنَ ما الصِلهّ بينَ إِدآرهّ الإِعمالَ ووضيفتَكْ فيَ مجَآلَ الصحهّ ؟!
لآتنسي إِن كانت الشهآده لآتُحسبَ في مجَآلَ عملكْ فـ هُنآكْ
قِطآعاتَ أُخرىْ لها علآقهّ
بِإِدآرهّ الإِعمآلْ
أنا شَخصياً تَخصُصيْ في جآمعه الملكَ فيصلَ أدبَ أنجلــــــيزيْ
وأنآ علىْ رأس العملَ في الوقتْ الحآليَ موظفَ في القِطآع الخآصْ
مُحآسبَ أي متخصصَ مُحآسبهَ
فــ ليستَ هُنآك عِلآقه بينْ المُحآسبهَ والآدبَ الإِنجليزيَ ,ولكنْ
كـ نظره مُستقبليهَ أرىْ بكآلوريوسْ إِنجليزيَ أفضل منَ دُبلومَ مُحآسبهَ !
فــ قدآمك المُستقبلَ طويلْ
بِخصوص الشهآده أنظريَ لها بِـنظره إِيجآبيهَ
فــ بكآلورويسَ بِإدآره الإِعمالَ ليستَ هينهّ , فالإِفضلَ أنكَ تتفآءليْ
~
مُوفقهّ فيَ درَبِ دِرآستكْ, كما التوفِيقَ للجميعَ إِيضاً