الاخ المبدع فضيل وجميع طلاب وطالبات المستوى ال7سلمكم الله

[فضيل]

المشاركة الأصلية كتبت بواسطة rossse

شكككككرا لك اخ فضيل وغفر الله لك

تشكرات، وجزاك الله خير!

[GLitter Sun]

عندي سؤال خطير الحين تقدرون تتحدثون الانجليزية بطلاقة وإذا كانت الإجابة نعم كان السبب الدراسة لحالها ولا مجهود شخصي ياليت تذكرون السبب

[فضيل]

المشاركة الأصلية كتبت بواسطة الطموح ماله حد

عندي سؤال خطير الحين تقدرون تتحدثون الانجليزية بطلاقة وإذا كانت الإجابة نعم كان السبب الدراسة لحالها ولا مجهود شخصي ياليت تذكرون السبب

طبعاً كلهم عندهم خبره سابقة في اللغة بنسبة 100٪

ماحد يجي كذا هههههه

[GLitter Sun]

الرابط اللي فيه مشاهدة كل المحاضرات المسجلة قبل نزولها ما ظبط معاي.
اللي عنده الرابط ينزله هنا الله يدخله الجنة

[GLitter Sun]

المشاركة الأصلية كتبت بواسطة فضيل

طبعاً كلهم عندهم خبره سابقة في اللغة بنسبة 100٪

ماحد يجي كذا هههههه

طيب ياخوي فضيل انت كيف تعلمتها قبل الدراسه ياليت تفصل في الإجابة عشان الكل يستفيد

[فضيل]

كنت في امريكا للغه فقط لكن ما اخذت عليها شهادة

[GLitter Sun]

المشاركة الأصلية كتبت بواسطة فضيل

كنت في امريكا للغه فقط لكن ما اخذت عليها شهادة

مشاالله اجل انت محظوظ الله يوفقك طيب وش رأيك في الطالب اللي يدخل وبادي وما عنده الا أساسيات وش المفروض يسوي عشان يطور نفسه بنفسه انا ابي اعتمد على نفسي وابيك تفيدني في نصائح من واحد خبرة مثلك أبيك تعصر نفسك وتعطيني الزبدة

[فضيل]

المشاركة الأصلية كتبت بواسطة الطموح ماله حد

مشاالله اجل انت محظوظ الله يوفقك طيب وش رأيك في الطالب اللي يدخل وبادي وما عنده الا أساسيات وش المفروض يسوي عشان يطور نفسه بنفسه انا ابي اعتمد على نفسي وابيك تفيدني في نصائح من واحد خبرة مثلك أبيك تعصر نفسك وتعطيني الزبدة

تقدرين تطورين نفسك حتى احسن من اللي درسوا برا

( وهذا يعتمد على تركيبة الشخص ) يعني اللي ما يخجل ويتكلم كثير ( طبعاً اقصد اللي في امريكا ) ولاهو حق دراسة تلقينه في اللغة احسن من الدكاتره السعوديين!

انا عندي الكلمات كثير لكن ما اتكلم مع احد كثير ، كل اللي في العمل فلبينيين لغتهم مكسره

على العموم، فيه ناس هنا يتكلمون وباللهجة بعد وهم ما عمرهم سافروا ، لكن يتابعون افلام ويقلدونها

والدكتور المحبوب يقول في ناس تخرجوا من الجامعة وهم مايعرفون يتكلمون و فشلوا في العمل لأن اللي يسوي مقابلة شخصية معهم مافهم منهم شي خخخخ

المهم الواحد اذا مصمم على شي يناله

انا الحين في قسم اللغة من احسن الطلاب في المعدل لكن، صراحة في الكلام ماني قد كذا لأن مافيه ناس اتكلم معهم في السعودية ، ومن زمان ماسافرت برا.

بالتوفيق

[GLitter Sun]

مدري اعتبر هذا الكلام محفز ولا محبط بس على العموم ان شاالله لوصلت الي المستوى الثامن بنزل تجربتي بكل ما فيها وبقيم نفسي وبعلم اللي قبلي الأخطاء اللي مريت فيها عشان يستفيدون من تجربتي
وبديت من الحين أشوف أفلام الأطفال لتعليم اللغة وان شاالله ربي ما يضيع تعب احد
الله يوفقك كلامك فادني كثير ولك مني جزيل الشكر

[فضيل]

العفو