نحن نطالب وعمادة التعليم عن بعد تستجيب

[shkhamt]

من وجهة نظري

صعب أرضاء الناس كل الاسئلة من المنهج ولا سوال طلع برا واضحه

[شوشو 81]

اتفق معااك اخوي في مسألة المشقه في جمع الماده
بس لو لاحظت الحمد الله بتعاون الجميع صارت اغلب المواد سهله ومتوفره بأكثر من مكتبه
واذا مو بالمكتبات بالملتقى هنا تقريبا صار فيه تغطيه لكل المواد من اسئله ومحتوى وتلخيص حتى كويزات
والحمد الله بدأت الامور تتسهل لنا مقارنه ببداية التحاقنا بالجامعه
وزي ماقال اخوي sad اي دكتور يخرج عن المحتوى مايسلم من الطلاب والطالبات
هذي وجهة نظري وبالتوفيق

[امي اغلى البشر]

وانا اطالب وبقوه

وازيد ايضا صراحتن الواجبات حلوه
بس المناقشات الكتابيه ماتفيدنا بشيء احنا اختـــــــــــــياري

[الجاني]

السلام عليكم ورحمة الله وبركاتة
واضف الى ذلك حوسة الموقع واللخبطة والتعليق ويوم يفتح وعشر ايام معلق واذا اتصلت قال لك كل شي تمام والمشكلة من عندك والمحاضرات المباشرة التي لاتفتح معك من البداية ولا ندري عنها الا بصدفة ونحن ندفع مبلغ للرسائل لاخذ الاخبار اول باول التي ما جنينا منها غير وجع الراس والنفسية .
والسلام عليكم ورحمة الله وبركاتة

[Reem Nasser]

انا معك في كل اللي قلته .. والله ماله داعي نشتري كتب نكتفي بالمحتوى وبس ..
الشهري الله يوفقه اسئلته كانت حلوه في فقه السيره ..

اعتراضي على صابر .. اذكر المحاضرات المباشره دخلت بنت وقالت ياكتور ليش تجيب اسئله من برا المنهج
قال لا مااجيب قالت له حدود العشره قال لا ماحصل وان حصل قبل مايتكرر هالترم
تفاجأت في كل مواد صابر اللي اختبرتها هالترم اسئله لاتقل عن 5 وفيه مواد حدود العشره
ليه طيب ؟؟؟؟

واللي يقول كلم الشعيبي عشان يتناقش معاه كويس اعطاكم وجه ..
انا اتصلت اول تسجيلي كان فيه خطا من الاسم من نفس الجامعه
ومارد الا عبدالله النجار بعد طلعة الروح وياليته افادني بشي
كل اللي قاله >> كملي اجراءات تسجيلك بنفس
الاسم انا عندي 30 الف طالب مو فاضيلك
طيب انا من ضمن الـ 30 الف ومشكلتي مو درجه طارت ولا سؤال برا المنهج ..
مشكلتي اسم خطأ ولازم يتعدل .. وضاعت سنه بسبب هالشي

والله محد افادني لما سجلت مره ثانيه الا الفريدان الله يوفقه مامر 3 ايام الا والاسم متعدل ..

[اسير هواها]

يااحبيلكم والله مدرو عنا يااخي ااول مررة بالنسبة لي ااشوف جامعة تدرس على حسابك وصعبة هههههههههههههههههههههههههههههههههههههههه

[فواااز]

المشاركة الأصلية كتبت بواسطة sad heart

ابو ناصر2

مرحبـاااا ..

ليس من باب الإعتـراض , و لكني لا أؤيد الطلـب ..

اللي ذكرته و طالبت فيه مرجعه الأساسي هو دكتور المقـرّر ,

و الجامعه من الصعب عليها أنها تحدد مسطره واحده لكل الدكاتره و تطالبهم بــ التقيـّد فيها ,

لأن الأسلوب و الطريقة في التقييم تختلف من دكتور إلى دكتور آخر , كلـّن و حسب دراسته و تعليمه و " إنسانيته " ..
بعض الدكاتره يجيب السؤال و يحط عليه 4 إجابات , 3 من الإجابات مالهم أي علاقه في السؤال و لا في المقرّر ,

و يمكن الإخوان و الأخوات اللي درسوا عن الدكتور حسن أبو زيد يعرفون الشيء هذا ,

و فيه دكاتره يحب أسلوب الغموض و اللف و الدوران , و هالأسلوب ما فيه طالب و لا طالبه يحبـّه و يبيـه ,

الأمور كلـّها متروكه لـ دكتور المقـرّر , و لـلأمانه الشيء هذا هو الصحيح و هو المتبـّع ,

و إذا فيه مطالبات لازم تكون مباشره إلى دكتور المقـرّر , و ليس للجامعه ..!!

الدكتور جزاء المصاروه ( حق النحـو ) في أول كورس له جاب لنـا إختبار صعب و معقـّد , و نسبة الرسوب كانت كبيره ,

بعد الإختبار الدكتور ما سلم منـّه أحد , طلبة و طالبات كثيرين إتصلوا عليه و ما قصرّوا فيه ,

في الكورس اللي بعده الدكتور من نفسه قلّل المنهج , و الأسئلة كانت سهله و مفهومه ,

حتى " أبو النكبـات " صابر .. أسلوب أسئلته صاير أهون من بداياته في الجامعه ,

لأن الكثير من الطلبه ينتقده و يوصّل له عدم رضاه من أسلوبه و طريقة أسئلته ..

المطالبات راح تاخذ وقت طويل , و إحتمالية " عدم الإهتمام فيها " كبيره جدا ,

و لهـذا ..
إختصـار الطريق و مواجهة أي دكتور يجيب أسئلة صعبه هو الأفضل و الأنجح ..
بــالتوفيق للجميــــــع ..

هاه يابوناصر يااخواني وخواااااتي كلام اخونا شكله مقنع تبونااااا نقلبهاااا على الديرشوري وصابر ونقلق صحتهم عشان يحرمون الف والدوران ترى ماعندنا مانع انتم بس وجهونا <<<< عربجي سابقاً خخخخخخخ

[ابو ناصر2]

أشكر جميع الأخوة والأخوات اللي شاركوا بالموضوع .. وجميع وجهات نظركم محترمة ..

بالنسبة للموضوع ترا المطلوب ان الدكتور يوفر لنا المعلومات كاملة .. ولو بزيادة عدد المحتويات إن رآها لا تكفي ..

لكن أن يسألنا أسئلة إجابتها تكون في كتاب في مكتبة العبيكان حدده لنا .. أو من مكان آخر غير معلوم .. هذا اللي مانبيه ..

أيضاً الأسئلة لا نريدها بطريقة الألغاز .. ونريدها مباشرة ضمن صلب الموضوع .. يعني ماتكون المادة مثلاً عن الأخلاق ويجيك سؤال

مثلاً يقول لك مدينة كركوك في أي دولة ؟ .. لأن طاريها جا في إحدى المحاضرات .. أو يجيك سؤال كالأتي :

من كرم الأخلاق أن تكون :
1- كريم
2- صاحب كرم
3- فيك كرم
4- ذو كرم

أتمنى أن الجميع فاهم قصدي .. أما بالنسبة للمناقشات .. واجبات .. ماعندنا مشكلة ..

أنتم يا جماعة ترا تساهمون في ميزانية الجامعة .. ولازم تكون لكم كلمة في حدود الإستقامة المهنية ..

أنا أعلم أن كل دكتور على راسه ريشة .. بمعنى لا تتدخل الإدارة في أسلوب تدريسه ..

ولكن الإدارة توجه وتنقل مانطرح للدكتور وتدعم وجهة نظرنا .. إذا احترمتنا ..

ولا يحترم إلا الكبير أو الكثير