 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
2009- 7- 21
|
#31 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
؛
(( ياوجودي )) !! يا وجودي كل ما هب نسنـاس الشمـال وجد من حده زمانه على الـي مـا يبيـه ويا وجدوي كل ما اضحيت ثم مال الظلال لاغفت عينـي ولا ذقـت شـي مشتهيـه وجد من قفى وهو في رجا كلمـه تعـال والتفت من عقب ما اقفى ولا احد لد فيـه وياعذابي لا دنا الليل مـن روس الجبـال وانقضى يوم من العمر ماعـاد ارتجيـه وانتي ابعد من سمى الحلم ووصالك محال يابعد من هل دمعي ضحى الفرقى عليـه ياغناتي لا تحسبيـن دمعـي يـوم سـال ضعف ولا خـوف ولا كـذا ولا كذيـه والله اني من رجـال يضـدون الرجـال لكن الحظ الـردي سـاق دمعـي كلبيـه والله اني كـل مـادار حوليـك الجـدال قمت كن الموت يشر على قبـري بيديـه والله ان قد لي وانا اصد لا جالك مجـال صدت الي لا تضايق تذكـر قبـر اخيـه ومن سألني قلت مدري واذا عاد السـؤال قلت له تكفى سؤالك ترى ماهـو وجيـه وش تبيني اقول عن من ترى ذبحي حلال والخطاء منها علي صرت احبه واهتويـه عذرها لو ماتعذر مثـل واضـرب مثـال واحد ما يعرف الحـر الاشقـر يشتويـه وان رجعنـا للتواصـيـف لله الكـمـال لانتهـى ليـل المزاييـن جاتـك تبتديـه كنها غفل مـع البـدو طاويهـا الحيـال ما يميـز وصفهـا الا نبيـه مـن نبيـه واهني الي وصلهـا وذاق مـن الـزلال رشفه مع غفله النـاس مـن فيهـا بفيـه وعزتي للي سواتي عشق مـا لا يطـال ويوم طاله ضيع الحلم بيـن امـه وابيـه ياول احلام الطفوله علـى حـد الخيـال الرجا بالي حمى البيت من حملـه بريـه حال دونك سيف عنتر وتاسع حول حـال باثر حول حال دونك وانا ادعي هيه هيـه هيه يالي غرك الحسن واطغـاك الجمـال والله ان اموت ما شفت لاوصافك شبيـه لو يسام الحسـن والتيـه بجنيـه وريـال ما بقى في سوق غيرك ريـال ولا جنيـه كيف اهدك للمقاديـر وانتـي راس مـال راس مال ومال والمال ما يعطى السفيـه حافظك حفظي لعيني ورمشي لك جـلال وانتي تشحين بالماء وانـا شفـي مويـه شايف ظلمك وساكت وطال الليـل طـال لاتركتي طعن قلبي وانا مـا قلـت ليـه لو بقى للهيل صبر علـى فـوح الـدلال ما بقى للقلب صبـر علـى شـي يجيـه كنت احسب ان الغلا زال واثره لا يـزال في الحشى ما كنه الا دخيل في الوجيـه ساقني حبك على الموت وسنينـي هـزال والظروف اقسى من الظلم للعرض النزيه وانتي تسوقين عقلي علـى حـد الهبـال تحسبين ان من بغى شي يقـدر يشتريـه ولا انا ياوجد حالـي وجـود مـا يقـال وجد من ضحى بغاليـه لرضـى والديـه ويا وجودي ياول العمر قبل البس عقـال وجد من باع اخر العمر في رغبه ذويـه ويا وجودي كل ماهب صوتك من شمـال وجد من حده زمانه على الـي مـا يبيـه ؛ |
|
|
2009- 7- 21
|
#32 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
؛ (( حنا بدو )) !! يلي على وجهي قريتـي كـل صفحـات الشقـى اقري وأنا باكتب قصيدة واشعـل الساحـة حريـق باقي كثر ما راح واللي راح نصـف اللـي بقـى وان ماوصلت لغايتي باموت في نصـف الطريـق يابنت يوم امطر غـلاك بقلـب ضيـدان وسقـى تدرين وش سبة شقـاه وسبـة الجـرح العميـق ؟ شقاه من يمنـاه واسـم الشيـخ والنفـس امحقـى والجرح منك ياأعذب العذبـات يالمـوت الرقيـق يا بنت ما دام البـدو تخلـف هقـاوي مـن هقـى وانا بدوي مني يشيل مـن الزمـن مـا لا يطيـق ابفتخـر حنـا بـدو نعشـق علـى وضـح النقـا حنـا بـدو فينـا الولـد للقمـة العليـا عشـيـق حنا بدو فينـا الولـد لـو شـاف موتـه ماأتقـى حنا بـدو فينـا الولـد يرقـا ولـو مالـه رفيـق حنـا بـدو فينـا الولـد لا مـن رقـا رقـا رقـا الين يوصل غايتـه لـو كـان فـي قمـة طويـق يابنـت جيتـك والثمـن عمـري ابـي ليلـةٍ لقـا يما كـذا والا بـلاش مـن الصداقـة والصديـق وساعة تبسمتي وشفـت الجمـر والثلـج اصدقـا قلت أشهد أن الموت حق وصحت لك صيحة غريق واعتقت دمعي والزعل والحـزن لرضـاك أعتقـا وأغفت عيوني فـي عيونـك ياعساهـا مـا تفيـق وامنت باللـي سخـرك تقريـن صفحـات الشقـا واشعلت بردي في دفاك وشبـت الساحـة حريـق ؛ |
|
|
|
2009- 7- 21
|
#33 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
×
(( الابراج )) !! الدلو والميـزان والقـوس والحـوت ماغير برج العـاج تغـري وصوفـه وبرج بقلبـي بـرج لولـو وياقـوت لا يـا بعـد بـرج الحمـام ورفوفـه ما يسكنه غيرك من السيـف للكـوت لو ينتحـي راس الولـد عـن كتوفـه علـم وكيـد بالمواثـيـق مثـبـوت ما هـو عـذر اللـي يفـرك كفوفـه والله لا سافر لك لو ارجـع بتابـوت وانا من اللي ما ربـوا فـي مروفـه على الشقا لاع الهوى كـل شفلـوت وانتـي تلوعيـن الحشـا بالطروفـه والوقت للجاحـظ والايـام هـاروت والقلب حاتم وانتـي اغلـى ضيوفـه يا مرحبا ترحيبـة عقـاب يـا نـوت والحـي يلحـق لـو تحـده ظروفـه صوتك يكفيني عن الشـرب والقـوت وشوفـك غناتـي والحيـاه مخلوفـه يااقوى من اللوعات واسخف من التوت وابلغ من البيـت الاخيـر وحروفـه رجـل تنادينـه ولا يسمـع الصـوت خسـارة سمعـه وصوتـه وشـوفـه ورجل يضمك بيـن اياديـه ويمـوت والله مـا يلحـق حيـاتـه حسـوفـه × |
|
|
|
2009- 7- 21
|
#34 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
؛ (( الجمس )) !! راكب اللـي مـا تجيبـه وكالـة بالبيـد ولا يجيبه بهبهانـي ولا وضيحـي قطـر ادهمٍ وسم الجميـح علـى جنبـه جديـد مهبل اللي يـوم عـرض يحسبنـه شفـر جمـس شكمانـيـن ملقبيـنـه بالولـيـد من سرابه ما يغبـط القصيبـي والجبـر كاتبيـنٍ فـي ضمانـه حديـده مـا يبيـد تمـرةٍ قـاري عليهـا حفيـد ابـو بكـر كن وجهه لا نطحته تشعشع صبـح عيـد وان قفيته كنـه السيـل لا سـال وحـدر وان عرضلك في مزاياه من عنق الفريـد وان ركبته تحسبنك علـى سطـح القمـر دقتـه نغمـة عبـادي علـى سلـم فريـد لا عزف الاول وجاوب على عاشر وتـر لا شتغل قالـت شكامينـه اركـد ياحديـد والقـزوز تقـول للقـاع روح يـا فقـر كن في الشكمان الايمن صدى عبد المجيـد وكن في الشكمان الايسر صدى نايف صقر والبلوف تقول للكهربه هـل مـن مزيـد والسيور تقـول للمروحـه ايـن المفـر تحت كبوته مـن الفـن طيـران وعبيـد مـا يغنـون المسافـه ولا طـال السفـر كل اغانيهم على الـدرب واصـل ياعنيـد لين تلفي قصر شيخ علـى العليـا شهـر سايقه من صلب ربعي وله بـاس شديـد ما يخاف البعد والليـل والمـوت الحمـر من صناديد ال عرجاء هل العلـم الوكيـد لابةٍ من جن تمشـي علـى هيئـة بشـر ؛ |
|
|
|
2009- 7- 21
|
#35 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
؛
(( ياصغير )) !! ياصغيـر لاتضيعنـي بنظـرات البـرائـه وانت ماتعرف مدى تاثير نظراتـك بحالـي اه يالبيـه يابشـويـش يـاحـد الاضــاءه للجفون اللي من جفالـه يجفلنـي ضلالـي فز بسم الله عليك مـن المضـره للاسـاءه وارقد امن في عيوني واسهر امن في خيالي ياصغير والذكي مثلـي ليـى خانـه ذكائـه ماله الا يعشقك ويصيـر لعيونـك شمالـي قم فديتك وانت حر من الف بائه ليـن يائـه ماعطاك الا الله اسرف واستبيح ولا تبالـي سو مايرضي غرورك واد ماتهـوى ادائـه الحشاء لك بيت حاتم وانت غالي عند غالي قم تمخطر في الحشاء وانس الكتابه والقراءه وحل واجب شاعر ماحلتـه سـود الليالـي وعلمه وشلون تتعدى علـى خـط استوائـه وعلمه وشلون كيف وهل يضيعون الرجالي وكيف يجني خلف سور الجامعه ذنب الكفاءه ساعه نادى ابليـس وقالـه مالـك ومالـي وانت يشفعلك صغر سنك ونظرات البرائـه بري حالي كل مالديت يمـي بـري حالـي ؛ |
|
|
|
2009- 7- 21
|
#36 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
؛
(( يامرحبا )) !! يامرحبـا ترحيبـتـن كلهـالـش تكسيش من راسش لي حد ماطاش من قلب مهيـوم بحبـه صفالـش يلعب به الغربي لا سمع طريـاش يفرح لامنه قالـش كيـف حالـش ولولا غلاش وحشمتش كان ماجاش وان قلتي انه غايتش شـف بالـش كنه ملك ياعرب من الطاش للطاش الا يابري حالي وين مالي ومالـش لا والله الا لي ولش نعنبا الـلاش من هامتي لمحزمي لـش حلالـش بيتش فديتش واسكني بأوسط الجاش واما بلشتي بي وانا فيـش بالـش غديت مثل اللي شرى علته كـاش انا في وجه امش وابيش وخوالش ماجيت لي حاجه واعود على ماش ؛ |
|
|
|
2009- 7- 21
|
#37 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
؛
ديوان لشاعر المليون وحامل بيرق الشاعر المحبوب/ محمد بن فطيس المري سولفوا تكفون لا عاد تسكتون .. . . قبل لا أهوجس وياتيني بلاي السكات يزود طعوني طعون .. .. وتنكسر لا جا على راسي عصاي سولفوا لو ما بغيتوا اتسولفون .. .. قبل لا اقعد في الحزن رايح .. وجاي واضحكوا لو بالعماله تضحكون .. .. وجاملوني لو يضايقكم حكاي لي وليفٍ راح جعله ما يهون .. .. هو دواي وداي .. أو داي ودواي راح لكن طيف زوله في العيون .. . . مرةٍ قدامي ومرة وراي وإن سكتوا جا وهو طيفه يمون .. . . رحت أهوجس له وأبين له ولاي مكسب عيوني من الفرقا مزووون .. . . تمطر لطاريه .. والبرق ؟ أصدقاي كل ما طروه لو هم يمزحون .. .. احرموني من غداي ومن عشاي أدري إنه ما تناسى الود كون .. .. تسمع إذنه في قفاي اللسن عداي وكانهم قالوا نسيته يكذبون .. . . وإلا أنا فيه أمتلك نظرة وراي كان حبه لي على خبري مصون .. . . والله ان كني بقدري .. وبغلاي ذي بقايا الحب وأطلال الجنون .. . . والله أعلم في ضميره وش بقاي غير طيعوني ولا عاد تسكتون .. . . ولا والله إن أسمعكم بكاااي ---------------------------------- ،؛، شــــطـــر حفـــــظتــــــه ،؛، ماني بمن ياتي ولا يدري به .. .. شطرٍ حفظته ما أعرف كتابه شطرٍ يناسبني لمثل الليله .. .. وآشوفني في ذا المكان أولى به أبا أتكل بالله ونعمٍ بالله .. .. اللي ما يوصد دون خلقه بابه باقول واللجنه تقيم قولي .. .. ومن كثرة الشعار ماني آبه الحمد لله واثقٍ من روحي .. .. وإن كنت ذيب فالرجال ذيابه ما أقول أنا أشعر واحدٍ في العالم.. .. لكن قصيدي كفو وأنا أدرى به الشعر جمعنا لو تفرقنا .. .. حدودنا وظروفنا الغلابة الله يبيض وجه راعي الفكرة .. .. عز الله انها تنحسب لحسابه والله يبيض وجه من يرعاها .. .. محمد الله يحفظه لأحبابه محمد ولد زايد عريب المجنى .. .. ولي عهد الديرة الخلابة الشعر تاريخ لنا من مبطي .. .. وإعلامنا يوم السنين نهابه الشعر بيت والوزن عمدانه .. .. معناه طنب وقافيته حجابه الشعر وادٍ فيه صيد واجد .. .. وكلٍ على الوادي يهج ركابه والأفكار صيد وكل شاعر قانص .. .. وكلٍ يدسم شاربه مخلابه أحد خياله حر .. وأحد وكري .. .. وأحدٍ خياله كوبجٍ بقطابه وأنا خيالي كل ما هديته .. .. حول على الوادي وصاد عقابه شاركت أمثل ديرتي وربوعي .. .. وكل يمثل ديرته وأقرابه والله إلى الله راد والله قاله .. .. إني لا أسلمها الفخر وكتابه داري قطر .. وأنا هنا أمثلها .. .. المجد مطلوبي وأنا طلابه عهدٍ علي إني لا أشرف داري .. .. ترك صبي ما يعز ترابه شوفوا دمي من حبها عنابي .. .. وحماستي من ضوها شبابه شاعر خليجي والعروبة بيتي .. .. والبيت ما ياقف بدون أطنابه وإن عودت بين القبايل فزعه .. .. أنا أشهد إني في اللوازم لابه لي في القبايل ربع .. وأقدرهم .. .. ماني بمن يجهل مقام أصحابه وإن عودت لأصلي .. فأنا أصلي مري .. .. من صلب يام أهد القنا وخضابه قومٍ لنا فوق المعالي بيرق .. .. والسيف قوة سلته بنصابه الشعر طوقني وأنا طوقته .. .. قمت آتمشى به وأفك أبوابه يا بنت ياللي تفرقين بعودج .. .. ما ألومهم لو كثروا الخطابه لامر بج دربج على خلق الله .. .. قالوا كذا بالأصبع السبابه زينج يزينه فعل أبيج وجدج .. .. وإنتي بدورج للنقى كسابه قومي تباهي بي .. وفلي راسج .. .. عليج من ستر الشرف جلبابه وإن ما سترتج بالفعول وباسمي .. .. فعقبني الفنجال يا صبابه ----------------------------------------- ،؛، .. يا قـــو قلــــبـــك .. ،؛، ياقو قلبك على الصّـده ويـا صُــــــبـرك وياوسع صدري على صدك ويا صُبري وياطول عمـرك بذاكـــــــرتـي وياكُبـرك وياشيب عيني بشيّب عــــاد ذا كــــُبـري والله لون حمل صبري فوقـك..ان تبرك والله ولو تعتذر منـت بعلـى خــــــــبـري ان ما جبرك الغلا ما اقدر على جـــبـرك ياللي على ارض الوفـا ما شبرك بشبري تـــزعل وترجع وتـلقانـي عــــلـى خبـرك وانا انكسر لك واجـــــيـك ادوّر لــجبـري طـــيفك وذكــــراك طـيلـة غيبتـــك سبـرك وشـــــوقي لشوفتك طيلة غيبتـك سبـري امـــــحق وليف ومحبه والا اقــول ابـرك حسبي عليك اعشقك وانت اتحفر قــبري ------------------------------------------------ ،؛، .. في شاعر المليون .. ،؛، في شاعر المليون للشعر مضمار .. .. والسابقة في الشوط تظهر بيدها امضمرين أبكار الأفكار شعّار .. .. وكلن يحضّربكرته في وعدها واللي تردت لا يدور لها أعذار .. .. معذورة ما دام قد ذا جهدها واللي تعوص وتضرب الحاجز يسار .. .. تشلّ ف الدنة وترجع بلدها وأنا ذلولي بنت صوغان الأشعار .. .. من حبها عندي تفحم وحدها إن جاره الله من تصاريف الأقدار .. .. جاتك وجاك الجيش كله بعدها الله عليها من مقاريد الأنظار .. .. وصلت تحست ما غشاها زبدها وتلقوفها بالعلم رمز وإشعار .. .. وصفق لها منهو بعينه شهدها ومن روبها أول ما تنصخ تمطار .. .. ياللي تزعفرها من الطاس زدها شبهت بالهجن الأصيلات الأشعار .. .. وقصيدتي تراث أهلنا مددها أعتزبه وأقبله إجلال وإكبار .. .. واحة شرف يا سعد منهو وردها أغلبنا في موجب الضيف والجار .. .. يحلب لبنها قبل يذبح ولدها وتراثنا من دونه نبيع الأعمار .. .. وبأفعالنا روس المعالي صعدها واليوم ضاق الجو من كثر الأقمار .. .. تبث حقد لي لحقده رفدها غزا الشعر قبل أمس غازين الأفكار .. .. قومن على الساحة دفعها حقدها تلفقوا ثم جاؤوا من كل الأقطار .. .. هذا يصبحها والآخر هجدها هذا يحرف في الأسف سر وإجهار .. .. وهذاك يذبح موهبة في مهدها وقفوا علم للشعر في وقت الأسحار .. .. غاروا على الساحة وعروا جسدها وصاحت بعد ما شافت سترها طار .. .. ووقّف ولد زايد محمد ساعدها قال أبشري بالستر وبردة الثار .. .. وأضفى عليها سترها ما نشدها واستل سيف في المواجيب بتار .. .. واطلب وردن في العلا من فقدها على خطى زايد خطاويه ما بار .. .. والحاجة اللي في خياله وجدها أغنى العرب من شوف أكاديمي ستار .. .. ومن شوف أمر من السخافات وأدهى شفت الشعر بستان وأبوابه أزهار .. .. وقطفت ما يسقي المشاعر شهدها قطفتها من ديرة تنبت أحرار .. .. من دار بو مشعل ذراي وسندها -------------------------------------- ،؛، .. يـــوم المزايـيـــن .. ،؛، من لابتي مّره الى جـدي افطيـس .. .. ربعي مطوّعة الصعـب بالصمايـل ناموس ياللـي تكسبـون النواميـس .. .. ياهـل العلـوم الغانمـه والجمايـل اهل السموت وفي الملاقا فواعيـس .. .. يقطعـك يـاهـرجٍ بلـيـا دلايــل انتو خيارينٍ علـى الخيـل فريّـس .. .. اسـمٍ ينومـس بيـن كـل القبايـل يامقلّطينٍ شـذرة السيـف والكيـس .. .. قد قالها ابن حميـد ضمـن المثايـل منصا الرجال اللي على ضمّر العيس .. .. وفالحرب نطّاحة شبـا كـل عايـل هواجـرٍ لاجـات قدهـي مقاويـس .. .. ركب الضيوف امن السرا والقوايـل تنصـا ربـاع امتعّبيـن المحاميـس .. .. مروين حـد المرهفـات الصقايـل يردون غصباً والعـزاوي متاريـس .. .. لاجـا نهـارٍ فيـه عـدلٍ ومـايـل وامسيّسين اسياسة الفـوز تسيّيـس .. .. باللبل وبالهجـن السبـاق الاصايـل تفوز في يـوم المزايـن وفالريـس .. .. من كـل منعوتـه تسمـى وحايـل ولو حصل للبل من النـاس تفليـس .. .. يكفيكم انك فالعـرب مـن لاوايـل تلبس من العنّـاب زيـن الملابيـس .. .. يوم المزاين مـع ارجـال الحمايـل يزها بها لـون العلـم تتبـع افنيـس .. .. ابـلٍ لهـا عـادات كسـب النفايـل ومدحي لبو زايد محمد بـلا قيـس .. .. مدحٍ لـو يقـارن بفعلـه .. قلايـل الله يمهّـل بـه ويخـزي لاباليـس .. .. وايدوم ذكره فـوق كـل الطوايـل ------------------------------------------ ،؛، .. لا ضاقت الدنيـــا .. ،؛، لا ضاقت الدنيا عليك وتشاويت .. .. خلق الله اللي فالرخا كان واجد ومن العرب والصوت والثوب مليت .. .. وقامت عليك هموم بأقعا تراجد فارفع يديك لخالقك لا توضيت .. .. وادعو تراك أقرب إليا صرت ساجد ووقت من أوقاتك للأوقات توقيت .. .. وسجل لنفسك في المساجد تواجد وأبشر بفزعة حامي الدين والبيت .. .. إليا هجدك من الهواجيس هاجد اللي يميت الحي ثم يحيي الميت .. .. لرضاه شف كثر البشر بالمساجد ---------------------------------------- ،؛،.. الــبـارحـــة ..،؛، البارحة ربي كتب لي ومريت .. ..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت وضحكت ماأبغي الناس تدري يبالفيت .. .. لكنها غصبٍ على العين ساحت حارت دموعي في عيوني وصديت .. .. وأرمشت مابيها تبين .. وطاحت وعقبه برق في العين براق .. واسقيت .. .. خدي ووناتي بصدري تلاحت وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت عرفت كيف الحي يفرق عن الميت .. .. وعرفت قيمة نعمتي يوم راحت قولوله اني عقب بعده تدانيت .. .. ورجلي عن دروب المعافين شاحت البعد نار وطاعة العذل كبريت .. .. يقصر على بعده .. ترى الكبد فاحت ------------------------------------------ ،؛،.. أنا جـــيت كـــلي ..،؛، ماهو بكيفك عقب شيٍ حصلي .. .. من ذوّق المحتاج يصبر الى احرجْه خليتني من حلو حاليك احلي .. .. واصبحت مدمن حب والقلب روّجْه بين العروق وصار مافيه " ملي " .. .. الا وله جُرّه تمرّه وتسهَجْه وذود الغلا في عشب قلبي تفلي .. .. وتراب صدري للمطر منـْك ما احوجْه يمحل الى صدّيت ويموت يا اللي .. .. صديت عنـّه والله احياه واخرجْه ولي خاطر ٍ يسألـْك من لي ياخلي؟ .. .. غيبتـْك تلعب به وشوفتـْك تبهجْه ولي عين حالي دمعها لك يهلي .. .. وانْ رحْت راحت مالح الدمع تزعجْه غالي ولا يحتاج بسّك تغلي .. .. غلاك اخذ قلبي وروّضـْه واسرجْه ولو قلت ياعيني بصدره تملي .. .. شافت خفوق ٍ حبك الذرْب توّجْه وماهو على كيفك عقب ما حصلي .. .. من ذوّق المحتاج يصبر الى ازعجْه (عطيتني وجهك وانا جيت كلي .. .. محروم والمحروم ما ينعطا وجْه) ----------------------------------------- ،؛،.. في كــــفـــها خــــاتــــــم ..،؛، في كفها خاتم وفي خدها خال .. .. وفي عينها غيم وعمارات وبيوت الخال شفته واضحٍ من ورى الشال .. .. والخاتم الماس مرصع بياقوت والعمر في العشرين كني مانيب زال .. .. والجسم كنه من جبل ثلج منحوت جبل ولكن لا طرقه الهوى مال .. .. وخطواتها ماهي بالأمتار بالفوت ماهي تشوف الشمس من ظل الاظلال .. .. ومصيافها ما بين لندن وبيروت الشمس لو تشرق على جسمها سال .. .. كنها مجسم محلبيه وبسكوت ومن صغر مبسمها شقى حالها الحال .. .. ما تاكل الا اللوز والخوخ والتوت ماهي تشوف الناس تمشي وتختال .. .. ومرٍ على جاكور ومرٍ على حوت وخدامتين وهي بلا زوج وعيال .. .. وسمعتها تدعي الدريول يياقوت وثلاث جوالات ماهو جوال .. .. ومن يوم خلقت كل شيٍ بريموت لكن قلبي مالها فيه مثقال .. .. وش قرب البشت الحساوي من الكوت ياجعلها للي خذت قلبي نعال .. .. اللي غلاها عندي الشرب والقوت حوريةٍ من فوقها الليل شلال .. .. كنها صبحٍ فوقها الليل مكتوت قلبي لها من كثرة الشوق مشخال .. .. وللسر عن كل المخاليق تابوت تنحت لي من الحب في القلب تمثال .. .. وحبي لها ينحت على الساحه بيوت في عينها ماكل رجال رجال .. .. وأقصى حدود الوصل في سلمها الصوت زودٍ على القلب وعلى الحسن من آل .. .. روسٍ لهم روسٍ على متونها بشووت الى رضت موتوا يا أهل روس الأموال .. .. وإلى زعلت جربت وش سكرة الموت من دونها رجلي وراكب وخيال .. .. والسيف والأمواج والبحر والحوت ------------------------------------------- ،؛،.. دكـــــتور العـــيون ..،؛، (يامؤمن الريفي )انا جيتك زبون.. .. جيتك على مدح اكثر الناس وعنيت جيت وتعالى الله عمّا يشركون.. .. لولاه (يامؤمن) لطبك ما اهتديت راضي بحكم الله علي مهما يكون.. .. عالج عيوني لو بعد طبك عميت ودي اخاشر فالبصر من يبصرون.. .. واشوف دربي لا سرحت ولا ضويت والى قنصت اثبت مع اللي يثبتون.. .. واشوف طيري كل ما اوميت ودعيت ياااكثر ما يضرب خويي (الطابلون).. .. من كثر ما اكلّته مطباات وكليت وودي اشوف اللي علي يعرضون.. .. وبعض الليالي ودي اسري دون ليت وااشوف ناس ٍ فالقفا ما يرحمون.. .. اما وقفت لصاحبي والا مشيت من دون نظاره ولا هم يحزنون.. .. يااا كثر ما كسّرت كشمات وشريت لكنٌ يا دكتور جعلك ما تهون.. .. ابغيك كلمت راس دامك ما بديت اسمع......ولا ابغي اللي وزانك يسمعون.. .. ربي كتب يكشف لك اسراري وجيت صورة عديل الروح عندك فالعيون.. .. واخاف تقطعها بموسك ما وعيت ولا عليك امر..اطوها تحت الجفون.. .. وعقبه لو تقطع عيوني ما شكيت هي راس مالي والعرب ما يدركون.. .. اني على باب الممات و ما حكيت ياقو قلبي يوم قفن الضعون.. .. اللي على ذاك الموادع ما بكيت ويا صبر صبري والعواذل يحسبون.. .. اني دلهت من الهوى والا سليت اسكت عساهم من سكاتي يسكتون.. .. وانا عن اللي في ضميري ما انتهيت وادور الفرحه مع اللي يسهرون.. .. وان ذكروني خذت فنجال وسريت اخذت من وقتك يا دكتور العيون.. .. عالج عيوني لو بعد طبك عميت واستر علي واللي معك لا يفطنون.. .. انت الوحيد اللي بعد ربي دريت --------------------------------------------------- ،؛، ..أقول لها .. رد على ابن الفجاءة ..،؛، اقول لها وقد طارت شعاعا .. .. من الشعار ويحكي لا تراعي ترى اللي كاتبه ربي بياتي .. .. ولو ما أسعى للحظي جاش ساعي عليك الصبر والباقي على الله .. .. وعلى التصويت ما للخوف داعي تحزمت بقصيدي والقبايل .. .. وجا شعري على الدفع الرباعي أنا في مركب الشعر الحقيقي .. .. وجمهور الشعر حسبة شراعي امامي لجنه كفو باهلها .. .. وعلى الشاشات لي جمهور واعي وما دام ان ديرتي دار التميمي .. .. فأنا ما ظنتي يحجب شعاعي تربينا على حب الطليعة .. .. وندعس للوطن روس الأفاعي نعيش لرفعته ونعيش لأجله .. .. ونموت لعزته موت جماعي قطر داري ودار ابن الفجاءة .. .. بلاد نبتها سيف ويراعي ظهر ابن الفجاءة في زمانه .. .. وأنا ابن فطيس تظهرني ذراعي -------------------------------------------------------------- ،؛،.. تالي عصير ..،؛، الضيقة اللي دايمٍ تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قمسة خير لا تبتليني وعقارب الساعة توقف عن السير .. .. ولاكن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحدٍ أبي قربه ولا أحدٍ يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني ويطري علي صدقان كثر الدنانير .. .. اللي اتعاديني إلا كثر ديني وراعي الهروج اللي سوات المناشير .. .. أصد عنه وأدري انه يعنيني الله حسيبه يوم عرض القواوير .. .. والله حسبي من صواب مكيني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني ------------------------------------ ،؛،.. يالله عفوك ..،؛، يالله عفوك يوم تصفية الحساب .. .. يوم حصاد لما زرعنا في السنين يوم الحشر قرب ولا معنا زهاب .. .. اليوم في الدنيا وبكرة راحلين نجني ذنوب ونرتجي عفو وثواب .. .. وعلى نصر ربي لنا مستعجلين تدرون ليه آمالنا كنها سراب .. .. تدرون ليه النصر سيف الأوليين الأوليين أعمالهم وفق الكتاب .. .. قاموا عليه وباعوا الدنيا بدين وحنا غفلنا بين مالذ وطاب .. .. والنصر سيف ما يسله غافلين نصبح على شوف انتهاكات وخراب .. .. ونمسي على دمع وتنهات وونين بصدورنا شي تذوب اله الهضاب .. .. وأفعالنا والواقع رياح .. وطحين وعلى العيون من الفتن مثل الضباب .. .. معد درينا من يسار ومن يمين ما للضيف الا الدعا لو ما يجاب .. .. ما غيره الا الشوف مكتوف اليدين يالله زلزل تحت الأعداء التراب .. .. والطف بنا واحقن دماء المسلمين ندعوك يا قادر على جعل السحاب .. .. جيش لنصرة قلة مستضعفين أغرقهم بنوع من أنواع العقاب .. .. غرق الغلام اللي يحسب انه فطين لوما عصى نوح نجا به في رحاب .. .. سفينته وأمضى معه في العمر حين لكنه اختار الخساره والذهاب .. .. اصنع بهم صنعك به وانت المتين والا اخذهم يا مجري سود الحقاب .. .. أخذ العجوز اللي بقت في الغابرين ذوقهم اللهم أنواع العذاب .. .. اللي عثوا في أرضك أمن المفسدين وألطف بمن لبسوا من التقوى ثياب .. .. عبادك المستهدفين المتقين تكالبت عليهم أنياب الذئاب .. .. ولا غير عونك يا معين الصابرين من بينهم شيبه يعجزون الشباب .. .. من وقفته من طولها في الركعتين ومن بينهم بنت تون بلا حجاب .. .. أحجابها لفوا به الجرح المكين وطفل عن عيون أمه الثنتين غاب .. .. تبكيه عين وتلتفت لأخيه عين من هول ما يجري لهم شاب الغراب .. .. يا وسع حلمك وانت ما فوقك مدين أدعيك وانت ادرى بحال أهل المصاب .. .. وأمد كفي لك يا أكرم الأكرمين ؛ |
|
|
|
2009- 7- 21
|
#38 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
؛؛
ديوان الشاعر فالح بن قشعم الهاجري (( ... الابرقه ... )) وين انت لك يوم غايب يامصبّ الوريـد ماتدري انك لاغبت أزعل وأعصب علي أضيق لاغبت يامطلـق ولا عـاد أجيـد أرتب أصفوف ضيق الصدر والليّ يلي ! محبتّـك كـل يـوم وكـل ليلـه تزيـد وغلاك ماله وصيف ولا شبيـه وحلـي صحيح مجنون وتعايي وراسـك عنيـد لاقلت ماذا بلك !! بتقـول لا ذاه لـي ! لكنّ لاكبرت الدعـوى وقـرب البعيـد عينت لك فرجـةٍ يدلـه بهـا المبتلـي أثقل من طويق وأقسى من صليب الحديد وأحلم من الحلم وأسمك مجـد ماينجلـي يعني بعيني لحالك بيـد والنـاس بيـد الناس شلقة اجيوب وحضرتـك بنتلـي أيجابي أغياب ابوفالـح جديـد القصيـد وسلبي غيابه مواجع قلب ماهـو خلـي وانا بعد غيبتـك مانـي علـى ماتريـد أعدل العـوج وأكعـم ضربـة العايلـي من كثر ماأجحد صواديف الزمان الزهيد من غير لا أعلم لقيت الها معي فايلـي تنقضّت من جديد وجيتهـا مـن جديـد وهي من اخر لفت .. وأنا بديت أولـي مامنّهـا الاّ الجـروح وسجـةٍ ماتفيـد ترعى كدر مرتعٍ ضيقه ماهـو ممحلـي امضحيّه فالصدر وامعشيّـه .. والاكيـد انها تربّ الضلوع اللـي لهـا منزلـي وانا يامطلق على ظنّك وعزمـي شديـد شفني على الأبرقه شامخ وانا اخو علي الله خلقني كذا وأسمي لشخصي رصيـد ولا أعترف بالتبوع اللي ماتسوى طلـي ابلشتهم من بعيد .. بفكرتيـن ونشيـد وشلون لوني قريب .. ومحتزم يالشلـي عقلي بعيني كبيـر وراي مثلـي سديـد وأعرف متى مطلعي وأعرف متى مدخلي امخاطبة ناقصين العقـل ماهـي بجيـد اكبر خطـى يرتكبـه العقـل فالجاهلـي اسمى تحياتي وشكـري واردد وأعيـد امتوّجـه يانجـوم الرابعـه وأعتـلـي عرفت منتس مالا كنت اعرفه من جديد وعرفت باني كبير .. وعالمـي ممتلـي (( .. ياسود الليال .. )) وش بقى مـن غيـب الأيـام ياسـود الليـال يالله أجعـل مادهانـي ؟ يكفّـر لـي ذنــوب جفّت أقلام الأمانـي .؟ علـى صعـب المنـال ماتحقق مابغيته .؟؟ ومنّـه كيـف .؟ أتـوب كـلّ ماسلمّـت نفسـي .؟ لذعـذاع الشمـال تعترض لي شرهت اسهيل .؟؟ وادفعها جنوب بري حالي .؟؟ مابقـى للمغربـل وسـع بـال كـلّ ماحصّـل لـه ادروب .؟ تقفيبـه ادروب يالله إنّـك لاتخلـيّ وجــودي راس مــال غير ميزني على الغير .؟؟ في حلـوّ السلـوب شرهـة الأيـام .؟ تزعـل عذييـن المجـال خصّ لا ساوت صـدوق الحقيقـه والكـذوب كم بهتني .؟؟ حضرت الحظ .؟؟ مكسور الأمال واتحفه من برد عمري .؟ وأخاف إنّه يـذوب لأن عمر الحـظ .؟؟ مالـه ثبـوت ولا عـدال يا ؟ يميّز صاحب الذوق .؟ يا ؟ يقعـد بثـوب بـس .؟ غنـيّ للمقابيـل .؟ يأيـام الـزوال ماعلى الله باب ضايـق .؟ ولا درب محجـوب التجارب .؟ تعطيّ الرجل مـن جيـز الرجـال وعارفة رجّـال .؟؟ تسـوى رجـالٍ ماتنـوب كتلة أفكاري .؟؟ تجزء علـى ميـل الضـلال خصّ لا أغفت بسمة الشمس .وأغواها الغروب كنّها .؟؟ تندب على أحـزان وتصـوّت بحـال افزعي يانكبـة الحـظ .؟؟ للصـدر الجـذوب والله إنّ ؟ واقـع صداهـا بصـدري لايـازال مثل واقع صوتك العذب .؟؟ فينـي يامحبـوب اقدر اقزّر شقا الوقت ؟ مـع ضحـك العيـال بس كيف أقـزر العمـر ؟ يانبـض القلـوب يـا مذوقنـي مـن الـمـرّ ؟؟ وورودك أزلال لاتحملنيّ ؟؟ ترى الصبر طوب ونـوب عـوب ترسل أشواقك رسايـل ؟ وأجاوبـك أتصـال ترقص اسماعي لصوتك .؟؟ وحكيك ياللعـوب كل نبره .؟؟ تعطيّ الصوت .؟ وصفٍ مايقـال بـس يالبيـه ؟؟ فيهـا شفافـيّـة عــذوب يا مخلصني من افكاري .. الشحب .. الجـدال ومعتق .؟؟ أمالٍ تغنيّ طرب من كـل صـوب مّرنـي عصريـةٍ .؟؟ مارعـاهـا الأنفـعـال ووزع اكواب الغلا .؟؟ للهبايب كـوب كـوب وحطني بعيونـك .؟؟ اشعـور يحييـه الـدلال وأجمع شتاتي .؟؟ وعرضني أنسـام الهبـوب وفكنيّ من حسبـة أفكـار .؟ ناتجهـا خيـال وعدنيّ من مرحلة .؟؟ درس تاليتـه رسـوب وحط مـن بينـي وبينـك ذعاذيـع الشمـال بس أنا وجهي شماليك ؟ وأنتي مـن جنـوب (( ... لاتجرح اشعوري ... )) تشبعّت نفسي مـن الصكّـات والوقـت أمتحـان والحمـد للّـي بأمـره المسلـم يظـلّ ويهتـدي ياكثر مانـي بأتعـزز وأجحـد أطعـون الزمـان اللي بعضها ينقـض جروحـي ويحداهـا حـدي ماالله خلقنـي للظنـون اللـي مسامرهـا هـوان بأموت ياخـدي ماعنزتـك علـى راحـة يـدي لو كان حزني في زوايا القلب ماخـذ لـه مكـان والدمـع يحرمنـي ملـذّة مايـحـل لمـرقـدي لا بارك الله فالهبـوب اللـي تغانمنـي عشـان؟ أبيح شيٍ لـو عرضتـه للعـرب طـاح أجهـدي لكن هبيّ دام راسي له مـع أهـل الشـان شـان 0أعصير توّه منتهـي ! والليـل تـوّه مبتـدي أبكرب أحزامي وأعصب الراس وأعن الحصـان وبهد ليلٍ شـرّد أطعونـه علـى البيـد أتعـدي أنا سمحت ومملكـة الأحـلام ماتعطـي ضمـان لاصار شفـي سرمـدي والحلـم ليـلٍ سرمـدي وشلون أصدق فلسفة الأحلام وأعطيهـا الأمـان والوقت بالصوت إيحدي وأنا على الصوت أحدي غنـى يمـوت المـرءُ فـي عـزٍ ولا ذلُ يُهـان وغنيت له حسبي علـى الأيـام والحـظ الـردي أنا بشر وأحس وأحساسي شعـوره شـي ثـان وأحب وأكره وأبـذل ليومـي ولا أهتـم لغـدي وأعشق هوى الغربي وذبّ الصوت في علوّ البيان والذود والمربـاع والمرقـاب والسيـر أوحـدي وأهيم فالروض الخضر والمـاء والعـود الليـان وأرسم طموحي وأبني أمالي على سطـح الجـدي شاعر وتفسير الخيال أمـر مـن مـسّ البطـان وأخـاف يجرفنـي شعـورٍ مايفسّـر وأغـدي!َ ياصاحبي لاعاد تقصاني ترى اللـي كـان كـان 00لاتجرح اشعوري وانا من جور الأيام أمحـدي بذلت مجهودي وبار الحظ فـي جهـدي وخـان ولا كل من يجهد يصيب ولا على المجهـد فـدي هانت وأنا مانـي بلـوم النفـس لافـات الأوان 0أمّا وصلت لمقصدي ! لابدّ ما أوصل مقصـدي والا انت يغلبك الشعور ورقّة أحسـاس الحنـان وأقصى طموحك وردةٍ حمراء وتي شيرت وبدي! غاوي وتلعبّك هبـوب النـود لعـب الخيـزران 0وأمنين ماهبّ الهوى ميلّـت يالغصـن النـدي (( ... رنج روفر ...)) راكب اللي حجـم ماطـوره .. يغيـض سيـوره ماتهـنـدس فـيـه يابـانـي ولا الألـمـانـي صمموه الليّ .. خـذو لا أجلـه دروس .. ودوره ليـن صـار أستايلـه .. ثانـي وعالـم ثانـي كـنّ حـسّ محركاتـه .. لا أشتغـل مـاطـوره جـادلٍ يهمـس بصـوتٍ .. يقصـره بالعـانـي ويش أوصف فيه .. مـن بديّـه ومـن ديكـوره لا أعترض لي .. قلت بسم الله .. ماشاء الله كاني إنّ نطحتّه .. شفـت نـورٍ ينبعـث مـن نـوره وأنّ قفيته .. يعطـيّ أسطبّـه .. ثـلاث الوانـي لا نتهض .. مقدم جنابـه قلـت : قايـد ثـوره ولاخذى عزمه .. طمـوحٍ مـن هلـه زعلانـي وإنّ ركبته قلت كنيّ .. عضـوّ مجلـس شـوره أو خـوّي مـقـربٍ للفيصـلـي .. سلطـانـي هيبتـه حتّـى بتسميتّـه .. تقـول أسـطـوره تـوّ كبوتّـه .. شعـار .. وبـابـه الـورانـي رنج روفر .. فور ويـل .. وهندسـه مغمـوره هيدروليـك .. وبرمجـة شاشـه .. وماجلانـي كاسـحٍ لونـه بيـاض .. وشعشعـت بـلـوّره وداخليّـه بيـج .. حتّـى .. قبضّـة السكّـانـي لا أشتغل ومسجلّه يطـرب .. علـى أبـو نـوره كـلّ ماغنـىّ بصـوت ( أبعـاد ) زاد أجنـانـي منوّة اللـيّ مستضيـق .. وطالـعٍ مـن طـوره لا طرالـه غالـيٍ .. فـي ضاحيّـة بـن ثانـي دقّ سلفه .. وأنجلـى همّـه .. وزان أشعـوره عقب غلاقّة ضحـى .. وأعصيـر .. ومسيّانـي الله اكبـر .. كـلّ ماأشتقتـه .. وجيـت أزوره صار قاصـي راهـي الطرقـه .. بعينـي دانـي يوم أجيه وماضي الذكـرى .. يعيـد أحضـوره يلتهب شـوق الضلـوع .. وينحنـي شريانـي أطرقٍ .. جامع خصال الزين .. صوت وصـوره ذرب طبـع .. وقبلتـه قبلـه .. وشانـه شانـي كلّ مـا يغضـي بسـودٍ .. عكشّهـا مخطـوره شفت بأحوّرهـا أسيـوف .. وملحمـة فرسانـي يبعـد أعماسـي .. بسجّـاتٍ علـيّ محـظـوره يابعـد ليـلٍ مسـاريّـه .. يـزيـد أحـزانـي والله إنـيّ يـوم أجيـك وغايـتـي مـسـروره كنـيّ مرشّـح لحكـم .. وفــارق أستبيـانـي دام حبّـك يالغـلا دولـه .. وأنــا دسـتـوره رح تسيّد فـي حشـاي .. ومجلسـك وجدانـي ودامك أوّل من نـزل قلبـيّ .. وسيّـس سـوره ليـه .. ماأعيّـد وقربـك فـي حمـى حـدانـيّ ياشـعـورٍ لاكتبـتـه .. مـاخـذل جمـهـوره يـوم أغيّـب فيـه .. وأفكـاري وقـار الحانـي لين أصوّر كـلّ بيـتٍ .. فـي جمالـك صـوره وعقبها مانـي بشانـي منـك .. صـح السانـي (( ... قريت صفحات الكتـاب ...)) يامعرضٍ قلبي على شـيٍ وصولـه مستحيـل عزيت قلبي من هـواك .. وشيّعـت مراسمـه ماكنت أظن إنّ الفـراق يغيّـر العقـل الثقيـل حتـى عرفـت إنّ الربيـع أتغيّـره مواسمـه حطيت لك بأقصى الحنايا شيّ ؟ ماحطّـه نزيـل وبنيت لك قصرٍ قوامك ؟ فـي علـوّه راسمـه واكبر دليل إنّك مغيّبني !! وأخـذ منـيّ دليـل حبّك لحال ؟ ومن جنابك حبّ غيرك ( قاسمه ) عرضتني صبحٍ غثاه ايبيـن فالصبـر الطويـل تبدلّـت صلـف الريـاح وضيّقـت مناسـمـه طاوعت طيشـك بأنفعالاتـك وسوابـي جميـل قريت صفحـات الكتـاب .. وبيّنـت طلاسمـه مافيه داعي تعتذر ؟ لأنك مثـل عـذر البخيـل ماهو بلا داسم ؟ ولانفسـه بعـذره .؟ داسمـه نفسي منزحها من الهيّن .؟ ومن كسب القليـل ولا أرتخي لاشفت للدعـوى مواقـف حاسمـه عبرة زمن وأنا أعتبره درس ؟؟ والشكر الجزيل للبسمه اللي فصلت لـي .. بسمتـك ياباسمـه عزلت من حبّك .؟؟ لأنه من ملف المستحيـل! تلحق على قلبٍ غرامـه .؟؟ شيّعـت مراسمـه (( ... ياوجودي ... )) ياوجودي ؟ كل ما أطروك ؟ يالعقـل الرزيـن وجد من فارق محبّه ؟ وقلبه .. مـا أنتحـى لا غوى بي ؟ راعي الذوق.. وضّاح الجبيـن صارت الدنيـا بعينـي ؟ كبـر حبّـة رحـى دالهٍ منّـك مـن العـام .؟ ياملـح السنيـن أحسبٍ حبّك محى ؟ وأثر حبّك .. ما أنمحـى ماسمحتك .؟ ياقبـالٍ .مـن الفرقـا حزيـن ولا فراقٍ سمّ حالي .؟ سوى فرقـا الضحـى واحدٍ .؟ لاشفت زوله .؟ دريت إنّ لي خديـن كلّ ما لديت .؟ لشفاه .. دنّـق .. وأستحـى لوّ بوصّف محتوى .. الوصف من عقلٍ وزين يمكن .؟ أقصـر ماتبقّـى .. بشـيٍ ماوحـى مايدلهنـيّ مـن فـراقـك ؟ الا حاجتـيـن سجّة أقدامي .؟ ومجلـس كريميـن اللحـى والا أنا قلبيّ لذكرك .؟ مسـوي لـه كميـن إنّ رقد ماقام ؟ وإن صح صحوله .. ماصحى! ماذبحني غيـر حبّـك . وطبعـك ياضنيـن وأحترامك لي . وعطفك . ولطفك . والسحى (( ... لاتخاطبني ... )) ودي أجهـل شـيّ ماكنـت أظنّـه ينجـهـل - - وأثر من لا يعـرف الشـيّ غصـبٍ يجهلـه ياعذابـي مابقـى شـيّ فعيـونـي سـهـل - -- دام شـيٍ مانسيتـه ؟ ربـيـت بمدهـلـه لاتخاطبني ؟ بماذا ؟ وكيف ؟ ومـن ؟ وهـل - -- وأنت ؟ لا هذا ؟ ولا ذا ؟ ولا منه ؟ وهلـه أنت من قـومٍ علـى الضـد مافيهـم مهـل - -- لابةٍ عاشت على الصعب من قبـل أسهلـه من حلم في قمّة طويق ؟ ما أغـراه السهـل - -- السهل له ربـع ؟ وطويـق ربعـه تزهلـه كيف أشوفك علم يكسـر متاهـات الجهـل -- - وأنت لا تاريخ باقـي ؟؟ ولا شفـت أجهلـه غيـر قصّـة راويٍ يحكـي أفعـال الكهـل -- - كيـف أصدقهـا ؟؟ وعـذر الليالـي ممهلـه لاتقول إني معك ؟ وأنت في حسبـة الأهـل -- - ما أنت بهلٍ لي ؟ وأنا منـك ماجبـت بهلـه ولا تعـذّر والعـذر مـن تضاريسـك ذهـل - -- لاهوى غربي ؟ ولا الديـم نوضـك ياهلّـه عقب مانـت بخايـع القلـب ديـمٍ يستهـل -- - ربعّت به بهجـة العمـر ؟ وأضحـت مبهلـه صرت من بينك ؟ ومن بين ذكـرٍ يستهـل -- - كـلّ مـا مريـت صوبـه ؟ خيالـك يذهلـه بيّض الله وجه ؟ ماذا ؟ وكيف ؟ ومن ؟ وهل -- - علمتني شـيّ خافـي ؟ وأنـا كنـت أجهلـه (( ... يامورّدني ... )) يامورّدني على أقصاي لاتبحث خفـاي " " كل شيٍ يلحـق النفـس مافيـه بركـه مستقلٍ حبّك اللي تربّـع فـي حشـاي " " لين سبب في محاني ظلوعـي معركـه همت فيك ولاتسمّعت في حكيّ أقربـاي " " والدليل إنّك زرعت الغلا قبـل أدركـه فاطمٍ قلبيّ من الغيـد يانشـوّة رجـاي " " لاسمعت أسمك غدى فالمعاليق ...أحركه ماخذك طيش الليّانه ..وثقلٍ هاي هـاي " " وأنطباعي من سلوك الديـار المشركـه ماتنام الاّ على صوت تقسيمه .؟ ونـاي " " الدلـع متلبسّـك مـن علـوّه لأدركـه شيب عيني من سواياك ياسلوّة هـواي " " مابقى للقلـب عـرقٍ جديـدٍ تشركـه والله إنيّ عارفٍ مستواك .. ومستواي " " غير أدلّه قلبيّ الليّ حفى الوجد أفركـه لاتذّكرت المواجـه ومعرفتـك وجـاي " " قلت جعل أبرك لياليك ..ليلٍ مـا أبركـه بس عذروب الصغيّر ..حراكاته معـاي " " لانهيته ؟ قال طبعي : وأنا كيف أتركـه قلت بالله يأطرق العود لاتبحـث خفـاي " " كلّ شيٍ يلحـق النفـس مافيـه بركـه (( ... لاتعتبر كبوّة خطاك ... )) لاتعتبر كبوّة خطاك .. ؟ اتقـل مـن قـدرك شبـر وانت اعتزازك فوق مايطـريّ علـيّ ومـا عليـك ياعزميّ الليّ مـن صغـر ؟ يطمـح لعقليّـة كبـر ماهوب حيّ الله ؟ جنابٍ ؟ لازعـل يرضيـه شيـك اي والله انّك .؟ من ولات الأمر . بعيـون الصبـر وبعيوني اغلى مـن هـذاك وذا وذاك وذي وذيـك ياملقنٍ قلبيّ دروس العمـر .؟ واصـدوف العبـر حتى وصل ؟ واستأصل أكمـل مايليـه ؟ ومايليـك حتى عرفـت انّ العمـر ؟ تالـي مشاويـره قبـر وانّ القبر ؟ يحضن فقير ؟ ومغنيّ ؟ وشيخ ؟ ومليك لكنّ علـى الله ؟ يابديـه الفكـر ؟ يـأول معتبـر ياملهم أفكار القصيـد ؟ وجامـع أشتـات الدريـك لكّ منزلٍ في عين جمهورك .. ولك عنـدي خبـر وحقّك عليّ ؟ أعطيك من فيض المشاعر ؟ وأهتويك ماهـو بحـبٍ فيـك ؟ والاّ لهـوّة أوراق وحـبـر أكتبك مره ؟ وأمسحك ؟ وأروح ؟وأعوّد ؟ وأجيـك لاوالله الاّ نبض قلـبٍ .؟ يسبـر ضلوعـي سبـر حتى دريت انّ كلّ نبضه ؟ فالخفوق اتقول ؟ أبيـك لبيك .. ياجابـر خفـوقٍ ؟ فـي غيابـك ماجبـر مستوطنٍ حبـك بعطـف ؟ وكـلّ مايملـك بيديـك من كثر ماني ؟ بأعشقك ..وأموت بك ؟ يأسمر عبر أحب أخوك ؟ وما يحب أخـوك ؟ وأغلـي والديـك ياخيـر حـظٍ لاقبـل يقبـل ؟ والـى دبّـر دبـر أكذب عليك ؟ أن قلت لك مابيك ؟ وأنا ..أموت فيك شفني على شطّك ؟ غريب أحساس ؟ ياشطّ الخبـر لا تبحث أعماقي ؟ قبل ما أنهيـك ؟ وأنـا مبتديـك إنّ كنت ناويني ؟ بقطع أوصال ؟ وأسمـك مختبـر يمم مظاهيرك ؟ وأنا شبعان مـن هـذي وذيـك :) (( ... يقول الحزين ... )) يقول الحزين اللي مع الحزن صال وجال 0وبدى مرقبٍ عـدّاه قبـل المسيّانـي انا كنت اعذل الليّ يقول الرجم غربـال خرافات بـدوٍ مالهـا قاصـي ودانـي رقيته بعد مامال فـيّ العصيـر وطـال ولقيت وجهي للهوى غيـر ماامدانـي تهاوت مراميس المواجع عليّ بالحـال ولا أحتلت فالأول ولا أحتلـت فالثانـي اكن المواجع وأنقل الحمل لامـن مـال ويحس بوجعهـا واحـدٍ جـاه ماجانـي وجودي ليا لديت فـي باقـي الأطـلال وعرض لي من الماضي تشاكيل والواني تغيّبت من واقـع حياتـي وأنـا لازال على قيدها واظـروف وقتـي تحدّانـي تشقويت فـي قلـبٍ خوافيـه ماتنقـال وتذريت من عينٍ تبي بـوح وجدانـي وشكوىّ لغير الله عيبٍ علـى الرجـال خصوصٍ ليا من صار طيّب وله شانـي يحـلّ العقـود اللـيّ مايلقالهـا حـلال ولايتقـي لاصـار للعـلـم نيشـانـي هاذي والله الليّ عللّت بي وانا ماأحتـال اغيّر فسَلـم ابـوي واسلـوم جدانـي ربينا على قوّ العزايـم وطيـب الفـال ويلين الحديد وقاسي الـراس مالانـي لوّ ان الزمان ايحدنا والظـروف اثقـال تبسـم حدينـا كـنّ ماكاينـن كـانـي تلاميذ مجلس طيب من عادنـا جهّـال ولاغيرتـنـا العولـمـه والتمـدانـي ولانقول في هذا ولا في هـذاك اجـدال بسّامنا مطلوب فـي بعـض الأحيانـي والى صد من بعض المواقف رديّ الخال نبيّـن ولافينـا جبـانـن وخـوّانـي تعديبنا الشيمات مـن مجلـس الانـذال ولانتبـع المقفـي ولانزعـل العـانـي نعشق المراجل عشق وايل لبـن هـذال وانحب الظفر حب الهواجـر لقحطانـي جميع الخصال الطيبّه جات بأسترسـال 0على مرقبٍ مبـداه ماهـو بيخفانـي بديته حزين وكل مافيـه ضيقـة بـال وحوّلـت منّـه كـنّ ماكاينـن كانـي ؛ |
|
|
|
2009- 8- 24
|
#39 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
مانـى مخاصمهـا علشـان بوسـه للشاعر فالح الدهمان
مانـى مخاصمهـا علشـان بوسـه بكره تروق وتشتهى منـى البـوس رقيقة احساس وزعـول وعبوسـه وتسيح من نظره بها حـب ملمـوس همسه تذوب وترتخى لـى عروسـه كن الحيـا بخديدهـا ورد ممسـوس تقـول لبيـه وتصيـر معفـوسـه تنسا متى كان الزعل والهوا كـوس يثيرنى"كوكو شانيـل" فـى لبوسـه عطرن شذاها منه او فيـه مغمـوس سكران خلانـى ومحيـوس حوسـه فديت مالا مست بيدى وانا احوس؟! الين من القرطـاس وانعـم لموسـه ماعمرها حفّت ولا جـرّت المـوس الا علـى قلبـى وياحـد مـوسـه ان قالت اصبر ياولد حولى حروس؟! تخفى مفاتنها وهـى فـى خروسـه محاجرن كم تذبـح قلـوب ونفـوس ياعنـك ماشالـت همـوم العنوسـه كم راس خاطبها بنامـوس وفلـوس ومــدلله ومدلـعـه ومحـروسـه فى بيت ابوها والذهب دوم محروس والحـب مـادق بحشاهـا هجوسـه الا معى واهدتنى اقمـار وشمـوس مانـى مخاصمهـا علشـان بوسـه لما تروق بتشتهـى منـى البـوس! |
|
|
|
2009- 8- 24
|
#40 |
|
أكـاديـمـي مـشـارك
|
رد: ..}.. قصائد عديدهـ ..}.. لنجوم الشعر الشعبي ..}..
موضوع متكامل ومتعووب عليه ومرجع لـ شعارنا جميعاً
مجهوود تشكرين عليه بجد يسلموو عسووولنتا وحبوبتنا خجوولهـ الله لايحرمنا منك ومن مواضيعك الحلووه بحلاتك حبيبتي |
|
|
|
| مواقع النشر (المفضلة) |
| الكلمات الدلالية (Tags) |
| لنجوم, الشعبي, الشعر, عديدهـ, قصائد |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تساقط الشعر | ام بدر | ملتقى المواضيع العامة | 3 | 2009- 7- 24 02:36 PM |
| ماهو الشعر النبطـــي | عبدالله بن مسفر | ملتقى الفنون الأدبية | 4 | 2009- 5- 12 12:36 AM |
