[ جميع التخصصات ] : #كلية_الاداب #مستقعدلهم

[احلى ياقدع]

الحمد لله على كل حال ابي اركز على نقطة وهي ان قانون المكافااة لكل الجامعات ومستحيل يتغير

والكل درى وعرف ان ميزانية الدولة والله معظمها للدول الثانية

هدا والله مو حسد بس بذمتكم يبنات بترضون على 840 لطالبات جامعيات واغراضنا وكتبنا واكلنا وفطورنا وغدانا ونص يومنا بالجامعه

وبنات حافز الفين ريال وهم بالبيت الله يوفقهم والله مو حسد

بس قهر وثانيا الكل يدري ان الملك الله يطول بعمره نزل قرار بالزياده من سنه 1429

شوفو من قبل كم سنه يعني لية تحرمونا من ابسط حقوقنا انا اتكلم بلساني ولسان بعد الطالبات الي والله حالهم اقل من المتوسط لبسها كتبها واكلها وحاجاتها الخاصة والضروري من هل 840
والله حرام
بس مانقول غير حسبنا الله ونعم الوكيل على الي ياكل في حقوق الناس
وهدا رايي تقبلوه احبتي

[she5ah]

والله مآ أحلل كل شخص مآيعدل في تطبيق النظآم

والله مآ أحلل كل شخص يمشي على الوآسطه

والله مآ أحلل كل مسؤل أكل حق من حقوووقي

والله يمهل ولا يهمل ..

[gammora]

تكفون بنأ....و يامستقعدلهم..شوفووا لنا حل مكافأتنا من3شهور ما انصرفت..ولا يقولون وحده بنزلكم اياها بعد كم يوم والثانيه في القريب العاجلوالثالثه نهاية شهر11مع حقت11

[عواشه]

وش راح نستفيد..!!!
والله لو تكلمنا من اليوم لبكره لامن سمع ولامن حس

[Яќặž]

المشاركة الأصلية كتبت بواسطة البدويه

اذا اردت ان تطاع فطلب المستطاع


..

بنسبه لقانون المعدل وقانون المكافئات هذا بكل الجامعات يعني مستحيل ..

ومع ليه الي ينزل معدلها تحت 2 اتوقع مو شطاره لان حتى الي مهمله ماتقدر تدخل الكليه من الاساس من الثانوي بتوقف

فكثير ماخذين الكليه لعب فهذول يستحملون اما الي ينزلون لظرف او او صدقوني بسرعه يرفعونه مايقبلون تبقى تحت2


....

تعامل الموظفات ( في كثير بنات اسلوبهم مو حلو وطبيعي الموظفه تطلع من طورها خصوصا بعد الضغط وهذا مو بس بجامعتنا بكل الدوائر الحكوميه وحتى الخاصه اذا زاد الضغط يطلع الواحد من طوره )

...

والي الدكتوره تقلل من الاحترام نفس الموظفات ترى الدكتوره مو بس تدرسكم وتطلع يمكن الدكتوره الوحده يكون عندها 20 مهمه غير التدريس

...

ولاتزعلون بس البنات الي جايين يدرسون ويتعبون على نفسهم مايتجاوزون 10 بالميه
والي مفكرين الكليه لعب ووناسه فوق 50 % اما الباقي اما ظروف او مستواهم مو قوي او او او

بنات خذوها مني عيشوا على الي موجود مابيعطونكم اكثر من الي هم ينظرون له

..

وبالاخير انتم احسن من غيركم .. لاتناظرون جامعة الاميرة نورة ذبحتكم

ليه ليه ليه ي بنتي هالتحطيم هذا كله
خلي العالم تشكي وتفضفض حتى لو محد سمعنا يكفي أننا طلعنا اللي بقلوبنا
يعني لا حل مشاكل ولا حتىفضفضه

[Яќặž]

يعطيك العافيه ي مستقعدلهم أنك شلتي مسؤوليه الشكاوي وطلباتنا

المشكله الأساسيه والمزمنه من فصلونا عن جامعة فيصل هي التسجيل

يعني مستحيل يمر ترم بدون ماتصير مشاكل

مافيه تخطيط ولا ضبط للجداول

هالشي يتعبهم قبل لا يتعبنا

ومافيه وسيلة تواصل بيننا وبين أقسامنا وبين الدكاتره مفروض يوفرون هالشي مهم

ويعطيكم العافيه يارب

[لاأله الا الله]

اللي حاطه اسمها بدويه مدري وش اعلق على كلامك صراحه الظاهر انتي في عالم غير عالمنا وكليه غير كليتنا الموظفات بالكليه هممممممممممممج تعرفين وش معنى همج الحمدالله متربيه احلى تربيه وتعاملي مع الكل فوق المحترم والذوق اجي اكلم الموظفه بكل هدوء واحترام تقوم تعطيك من ذيك الاووووووووووووووووووووووف شوي وتطيرك برا الغرفه وترد عليك من غير نفس ولا ياليتها تجاوب بعد مدري مدري هاذي الكلمه المعتاده واللي تقفل الباب بوجهك واللي بس بلع وسوالف وماتدري وين الله قاطها اذا انتي ماااصار لك في الكليه وقت طويل او ماتعاملتي مع الموظفات اللي في شؤون الطالبات في الاداب مالك حق تتكلمين باسم البنات او تلومينهم اذا حتى فضفضوا او تشكو هاالغبيات اللي يسمون نفسهم موظفات لو فيه حد يراقب فوقهم كان مالعبوا واستهتروا وقصروا في خدمه الطالبه بس حسبي الله ونعم الوكيل الله رقيب ويشوف كل شي

[carmella]

انا مستجدة أخذت لي لفة بموضوع المكافات وانسدت نفسي منها

[Najla ALQarni]

بنات هذا رقمي xxxxxxxxxxx وغير كذا منتسبه تعليم عن بعد ولا اعرف شي مستجده بالعربي ابي وحده او واحد ماعندي مشاكل بس تكون النيه تقديم مساعده عن الاستفسارات الا بسال عنه غير كذا لاتكون مستجده وابتلش انا اوكي بليز لااحط يطنش وماعرف اي شي عن المنتدى اول مره اسوي لي حساب انتظركم

[Drop honey]

والله عاجبني الوضع
الناس بدت تصحى وتعي بحقوقها