استفسار : ايهم افضل جامعه الملك فيصل آم الامام ؟

[بنت اللغبي]

[بنت اللغبي]

[العسجديه]

المشاركة الأصلية كتبت بواسطة أسومآ

-

السلام عليكم ورحمه الله

وعليكم السلام ورحمة الله وبركاته

اووه واخيرا مابغت تفعل العضويه

ياهلابك بينا

داخله ع الله ثم عليكم جاوبوني وريحوني

افضل جامعه الملك فيصل او جامعه الامام )عن بعد(؟؟؟

شوفي ياحبي لتس

كل جامعه لها سلبيات ولها ايجابيات
انا اختي تدرس بجامعة الأمام وانا ادرس بجامعة الملك فيصل
جامعة الملك فيصل فيها 30 درجه تفيدك وان شاء الله تضمنينها وانتي حاطه رجل على رجل بالبيت واختبارهم النهائي من 70 درجه
جامعة الامام ماعندهم واختبارهم النهائي من 100 درجه
جامعة الامام فيها ترم صيفي / جامعة الملك فيصل ماظنتي بيفتحون لان مافيه اعضاء تدريس متواجدين بالعطله الصيفيه ولافيه مراكز اختبار متوفره بعد بالعطله
جامعة الامام تقدرين تحولين من انتساب الى انتظام / جامعة الملك فيصل لا مافيه تحويل
جامعة الامام اسهل بكثيير وموادهم اقل من جامعة الملك فيصل
وحتى لو مواد الدين بجامعة الامام كثيره بس سهله خصوصا اجزاء حفظ القران
جامعة الامام اسهل بنظري
جامعة الملك فيصل أصعب ويبي لها واحد متفرغ كلياً لدراسه < من وجهة نظري وتجربتي

وبعد افضل قسم اداره اعمال او انجليزي مع ان خاطري باداره اعمال ؟
كلهم حلوين بس انتي اللي تحددين وتقررين وش تدخلين على حىسب ميولتس وشطارتس

واذا اخذت البكالريوس اقدر اكمل ماجستير او لا ؟
ايه تقدرين

وهل يتطلب سنه تحظيريه للقسمين اعلاه ؟
جامعة الاملك فيصل لا على طول تتخصصين / جامعة الامام دوره تأهيليه بعدها تتخصصين

ومتى يبدا التسجيل للترم الثاني ؟
والله مدري بس اتوقع بشهر 1 او 12 تابعي المنتدى مايقصرون الاعضاء الله يجزاهم خير

وجامعه الملك فيصل فيها ترم صيفي او لا ؟
لا مافيها ونقول يارب يفتحون ترم صيفي :cry111:

اقدر احدد مركز الاختبار في الدوادمي او شقرا والا لا ؟
جامعة الاملك فيصل والامام كلهم تقدرين بس انا صديقتي من القصيم وتدرس بجامعة الملك فيصل وتختبر بمركز الاختبارات اللي بالرس وهي مو من الرس

عندهم 3 مراكز بالرس وببريده وبعنيزه

الامام لهم مركز بالقصيم بس وين بالضبط مدري اسأل لك اختي وارجع ارد عليك

اممممم مدري اذا باقي اسئله في بالي والا لا بس برجع اسدح اسئلتي لاذكرت شي

ترى للي يجاوبني دعوه في صلاه الوتر واللي ماعنده خبر ويرفع لي الموضوع بعد مانساه من دعوتي

وشكرا

وبالنهايه ترى كل الجامعتين مضمونات ان شاء الله
ومثل ماقلت لك كل وحده لها سلبيات وايجابيات

والله يوفقك يارب ويكتب لك الي فيه خير لك

[CEN
TER]..[/CENTER]

الهي يسعدك ياقمر ويرزقك ماتتمنين

[العسجديه]

المشاركة الأصلية كتبت بواسطة أسومآ

بالعكس ليش مايمدحونها

طيب انا وحده اعرفها كانت معي الترم اللي راح بجامعة الملك فيصل وانسحبت من هنا وبتقدم على جامعة الامام
انا بالنسبه لي كل الجامعتين حلوات اهم شي ادرس
وارتحت هنا رغم ان الجامعه فيها عيوب
وحتى جامعة الأمام فيها عيوب
وارجع واقول لتس المكان اللي ترتاحين فيه سجلي وادرسي فيه
لان كل جامعة لها سلبيات وايجابيات

احس دخلتي براسي حامعه الامام وعاجبتني فكره الترم الصيفي ودي اخلص بسرعه
بس انا ماحولك احد بمواد الدين واخاف مااجتاز الدوره التأهيليه
الله يعافيك ويوفقك ياروحي

[العسجديه]

بنت اللغبي الله يرفع مقدارك حبيبتي

[العسجديه]

المشاركة الأصلية كتبت بواسطة العسجديه

.
.

:cry111:
اللحين انا ادفع فلوس وولا راح امر على الجامعه في الاحساء ولا شايفه خشتها ولا لي مقعد ودوام انتظام منطقه في بيتي ولا ثقلت عليهم اخر شي يحددون نسبه والا مايقبلوني ؟
لو عندي نسبه زي الناس مافكرت في عن بعد ابد

ياقماعه صحيح ان قسم اداره اعمال محددين له نسبه 82 واللي في ال70 زي حالاتي مالهم امل يدخلون هالقسم ؟
احد يطمني قسم اني ببتسي إلآ شي بسيط

[أسومآ]

المشاركة الأصلية كتبت بواسطة العسجديه

احس دخلتي براسي حامعه الامام وعاجبتني فكره الترم الصيفي ودي اخلص بسرعه

المشاركة الأصلية كتبت بواسطة العسجديه

بس انا ماحولك احد بمواد الدين واخاف مااجتاز الدوره التأهيليه
الله يعافيك ويوفقك ياروحي

اي اذا بتخلصين بدري ادخلي جامعة الأمام
لان جامعة الملك فيصل مافيها ترم صيفي وموادهم كثيره
وماعليك اختي اهمل منها مافيه تشد حيلها قبل الاختبارات باسبوع وتنجح
وانا من اول السنه احضر واخر شي بالاختبارات نص ونص
لانهم دقيقين بالاسأله

[العسجديه]

طيب ماكأن الدرجه ع ورقه الاختبار صعب اجيبها ؟ 100 درجه احس صعبه
وش هي مواد اداره الاعمال بالامام ؟
معليش ازعجتك بالاسئله

[منتهىى]

جامعة الامام فيها دبلوم اداره؟؟

اذا ممكن الدراسه عن بعد كم الرسوم للجامعتين لاهنتو؟؟

[white paper]

شهادة جامعة الامام اقوى من شهادة جامعة الملك فيصل