الفرق الحقيقي و الضمني بين : الانتساب المطور و التعليم عن بعد <<القي نظره قبل حلول موعد التصويت

[✶ جُمان ✶]

المسألة مش واضحة

لو قلنا انتساب مطور وش فايدتها وهو نظام الانتساب ألتغى ( طبعا التقليدي ) فنخاف أنه الألغاء يشمل

التقليدي والمطور ,,,

ذيك الساعة وش فايدة مسمى انتساب مطور يعني لو بتروح ديوان الخدمة بيقولك حنا جانا تعميم

بالغاء قبول شهادات الانتساب كلها مطور وعادي

وبعدين فيه ملاحظة بخصوص الاختبارات للتعليم عن بعد ماعتقد انها بتكون منزلية أكيد نفس الطريقة

مراكز اختبار ,,,,وبعدين فيه لائحة صادرة من وزارة التعليم العالي موجودة بمنتديات النقاش واعتقد هنا بالملتقى موجودة الرسوم الدراسية للتعليم عن بعد محددة مابين 2500-3000

وأخيرا نقول خير ان شاء الله .

[white paper]

لا لاتقولون
اخااف يطبقوون علينا الاختبارات الفصلية واحنا ماعندنا وقت صرااحة شلوون بنروح نختبر
الاختبارات النهائية ويالله قدرنا نتفرغ لهاا
لا صراحة بدينا انتساب وخلونا انتسااب
والا يخلوون القرار الى آخر ترم لنا بالجامعة ونشووف وش التطورات اللي تصير لان حررام يظلموناا معاهم

[حلم&& حياتي]

ola
أكـاديـمـي نــشـط

الصراحه كل ردودش ما اقنعتنى واظاهر انه ردودي انه بعدما اقنعتش فاقترح انه كل واحد يصوت على المسمى الي يريحه لانه لو بنتناقش من اليوم لبكره وانتي عاجبش الانتساب ماراح اغير برايش شي

جوميه عجبني ردش بس الاخت الي فوق ما بتقتنع

كيف تبون الانتساب وهو ماعاد يعترف فيه
الانتساب الغي يعني بالعربي غير معتمد فيه
ايش فيكم ما تفهمون

تعبنا وحنا نقول هالكلام مافي فايده
فيه ناس كذا تخاف من التطور وتظل طول عمرها تمشي جنب الحيط تنتظر الناس تطور وبعدين تصير وراهم اما انهم يصيرون في البدايه لا صعبه عليهم تصدق لو كان الانتساب شي جديد ما كانو تقبلوه وخافو منه بس لانه شي منتهيه صلاحيته متمسكين فيه بس هذى الناس اكيد ماراح تتطور ولا تصيرشي

[different soul]

انتساب مطور الله لا يعوق بشر
لايقصون عليكم بعبارة" التعليم عن بعد"

[ليتني ماعرفتك]

الله يعطيج العافيه على الموضوع الحساس فعلا حنا فكرنا مشوش ماندري وش نختار اضم صوتي للنتساب المطور لأني سألت واحد من الاختصاص وقال نفس كلام اختي اضمن وانسب ومعترف فيه دوليا نعم للأنتساب المطور خلونا نتفق ونصوت علشان مصلحة الجميع وشكرا لكم

[✶ جُمان ✶]

نصيحة للكل اللي حاسين انهم مشوشين مايدرون وش يختارون انتساب مطور او تعليم عن بعد

ارجعوا لمنتديات النقاش وبتلقون لائحة خاصة بالتعليم عن بعد الصادرة من وزارة التعليم العالي

وبلتقون كل الاجابات لاسئلتكم وبتحددون بعدها وش تختارون وباقتناع شخصي منكم


موفقين جميعا

[Иσŋι]

[s.alrashedi]

شاكرين لك على التوضيح

[¦¦ JùLḭἑT•• ®]

وهل يعقل بأن يلغى نظام و يستبدل بآخر أقل منه في الإعتماد و الفاعليه ؟؟
إذا كان التعليم عن بعد مواز للإنتظام ..

فهل يوجد بيان صريح من جامعة الملك فيصل أو من وزارة التعليم العالي يوضح بأن ::

التعليم عن بعد أقل من الانتساب المطور
وانه غير معترف به في المستقبل

إذا كان ذلك فقوموا بعرضه كماهو لنراه واتركوا عنا اجتهاداتكم في بيان انظمه من جامعات أخرى ..

[أسيـر الـروح]