سوف احمل المادة لا جدال في ذالك

[مدرك]

المشاركة الأصلية كتبت بواسطة عبدالله الالمعي

مشكلتي اكره الرياضيات وعيت تتفاعل مع المخ سويت للمخ تصييخ وعيت تزبط جبت مدرس خصوصي و تلاقطت معه ههههههههههه

ههههههههههه
ليه تلاقطت معه شالسالفه

[حبيب الشمس]

صراحه .. كثير الي يكرهون الرياضيات ويشتكون منها وسبحان الله هي كذا ولاهي على الرياضيات بس لكن هالمادة بالذات ياكثر الي يشتكون منها ، طبيعة البشر ماتتقبل الفرض ولا الاحباط والنقطتين ذي صراحه احسها من اسلوب التعليم والاساتذه الي كنا نتعلم على ايديهم بالمرحلتين الابتدائية والمتوسطة ( يسدون النفس ويكرهونك بالمادة ) وهذا الي لو فعل حصل مالنا الا نعيد ترتيب مشاعرنا تجاه العلوم كلها سواء رياضيات والا غيرها ولا نهمل قدراتنا ورغباتنا .

اخوي اكون معك صريح بهالنفسية والاحباط (الي اتمناه يكون مجرد وهم ان شاء الله ولا هو صحيح )
وش دبرتك بالمحاسبة ، خل المحاسبة المستوى الثاني الرياضيات غير و كل مالها تصعب على من استصعبها

حوّل لاي تخصص ادبي والا شد حزامك .. أمامك طرق زلقة ومنعطفات محرجة وخطرة وغايتك قمة جبل على كتف هضبة .. ولازم تعديها .. وبتفوق هذا اذا كنت تقدر او تبي !
استعن بالله وأذكر الدافع الي درسناه بالادارة .. ترى الرياضيات حلوه بس عطها فرصه وحبها تعطيك لبها .

والسلام سكر

[faction]

اخوي عبدالله
نصيحه وانا اخوك ارجع للمحاضرات الخاصه في الرياضيات وبتدعي لي

المدرس ماشاء الله شرحه ممتاز وانا مثلك ادبي
ارجع لشرح المدرس وطبق معاه على ورقه فاضيه وان شاء الله ان الامور تساهيل
وان شاء الله ما يعقدنا بالاسأله خصوصا ان الاساله اختيارات ان شاء الله تتسهل
شد حيلك وبالتوفيق للجميع ان شاء الله
..

[ابوهاجر]

المشاركة الأصلية كتبت بواسطة عبدالله الالمعي

مشكلتي اكره الرياضيات وعيت تتفاعل مع المخ سويت للمخ تصييخ وعيت تزبط جبت مدرس خصوصي و تلاقطت معه ههههههههههه

ههههههههههههههه

انا بعد تلاقطت مع مدرس مصري ,,,

يبي يدرسني اقتصاد ,, واكتشفت انه كان مدرس رياضيات وجاي مع زوجته دكتوره ,,

ياهو انكرش كرشه يحبها قلبك ,, بس ما يعوق معهم يشتغل اي شي ( القاه في سوق السباكين ) ,,

الموهيم ,, اذا تبي تفهم الماده مضبوط ,,

اولا : لا تكره نفسك بالماده << سو نفسك تحبها !! لا تقولي كيف ,, دبر نفسك

ثانيا : ابدا مع شرح الدكتور ,,, ترى ممتاااز جدا ,, وبتمل من كثر مايعيد المعلومه ,,

ثالثا : اجتنب الضوضاء ,,, وهذا اهم شي ,, بتذاكر في استراحه في مقهى في .. انس تفهم ,

رابعا : خذ اسئلة العام وابدا حل اللي تعرفه ,, يعني كلما خلصت محاضره ارجع حل كم سوال ,, والاسئله اللي بنهاية كل محاضره ترى مهمممممممممممممممممه ,,

وبالتوفيق ,,

[سعوودي ذووق]

يا اخوان تفاؤلوا خير .. مجرد انك تقول اني ماراح افهم وبحمل المادة هذه اول المشكلة

انت شد حيلك ووكل امرك لربك .. وباذن الله تشوف نفسك بديت تفهم وتحل

واذا حسيت انك ميح حيل .. ركز ع كم مسالة في بداية الطرح والجمع والضرب والقسمة

يعني شي احسن من لاشي ..

ويالله السهاله والتوفيق لنا ولكم ,,

[جنون الحياه]

المشاركة الأصلية كتبت بواسطة rem0

هههههههههههههههههههههههههههههههههه

والله اني ضحكت ضحك لما قريت موضوعك

لاني انا مثلك صراحه قلت يعني فيه احد مثلي كويس

لدرجه اني قلت لأهلي اليوم خلاص راح احول لقسم ثاني وش لي بأداره الاعمال

وانا ماني قدها ,,,,,, لما خليت اخوي يشرح لي ولا فهمت قالي حرام عليك هذي حقت

ثالث ابتدائي واللهي صعقت جدااااااااااا .,...... وقالي توك في البدايه اجل في اخر الكتاب ايش

راح تسوي ,,,,كلامه احبطنيييييي جدااااااااا

مخي مقفل مايبي يستوعب ولا شي في الرياضيات وقاعده اقول في نفسي وامهد لي

عادي اشيل ماده وحده وش المشكله هههههههههههه

بس صراحه لما فكرت وقلت يعني غيري اشطر ؟؟؟؟ مو ممعقول مثل ما عندهم مخ يستوعب

وانا ماني ناقصه الحمدالله ... صراحه توني من ساعه بديت اتحمس واجتهد ويارب اطلع بنتيجه

ابي اثبت لنفسي اني قادره ولله الحمد

حاول تركز وترا الرياضيات اهم شي الاساسيات تكون عارفه وان شااءالله راح تمشي

وهالكلا لي ولك هههههههههههههههه ولكل واحد يشوف نفسه عقده من الرياضيات

سوري كثرت كلام بس لاني في نفس موقفك

الله يسهل وتتسهل علينا انشاءالله

وفالك النجاح ان شاء الله اخوي وفال الجميع ولي

لا حبيبتي شدي حيلك وكملي ولا تخلي اي احد يخليك تيأسين ,,

وقدها وقدود,,

بآآلتووفيق ,,

المشاركة الأصلية كتبت بواسطة عبدالله الالمعي

بذاكر محاسبه و بدبر اكبر بروفيسور رياضيات بالرياض و إنشاء الله تمشي الامور ع الاقل ننجح بوحده والثانية نعتبرها زكاه لا انشاء الله بنجح بكل المواد واجيب لكم الشهادة بس جهزوا الهدايا ابي البالونه الصفرا اللي تنطط لها قرنين اتعلق عليها وانطط هههههههههههههههه

ببداء محاسبه
والرياضيات مع نفسه لين الاقي البروفيسور اللي يحل القضيه المتوعكه عندي و سوف ابرم معه اتفاق على الحصول على a+ ((((( مايعرف يمزح على طول a ههههه يالله السهاله والا السلامه ماش مامن سلامه

اخ عبدالله شوف انت اذا قعدت تقول انا بأحمل المآده وانها مستحيل تدخل برآآسي .,,صدقني مستحيل بتفهم شيء حتى لو كان اسهل من السهل,,

انت خل عندك عزيمه ,,وقول انا قدها ورح افهم غصب طيب وشرح الدكتور ترى ممتع امسك معه ورقه وقلم وبعد كل محاضره يعطيك تمارين حاول تحلهآآ..

وشد حيلك صدقني انت بس ركز اشوي ورح تحصل ان كل شيء سهل ,,,وما يحتاج له ,,

وحن موجودين هنا انت تابع المحاضرات والي ما تفهمه تعال واسأل عنه ,,,والكل رح يساعد هنآآ

وانا رح اشيك كل يوم اذا احتجت شيء واشرح لك بالورقه والقلم وش عآآد تبي اكثر,,

انت بس عزم وخلك جآآآد وابدأ تابع المحآضرآآت..

انت الحين ذآآكر وعزم وبنجيب لك البلونه الخضراء والصفرا والحمرا الي تبي,,


بآآلتووووووووفيق ,,

صددددددقني انت عزم من داخلك انك رح تفهم غصب وتابع المحآآضرات وبتشوف انك اشوي اشوي ما عاد الا كم محاضره وتخلص المنهج..

والاله حاسبه يبي لها روقان افتح الشرح وطبقه اشوي اشوي ,,

واي شيء يتسصعب عليك تعآآل اسآلني وانا حآضره اساعدك بالي اقدر,,

[گبرياء أنثے]

اولا يا اخي انا ادبي وماني فاهمه ولاشي بالرياضيات مع شرح الدكتور فهمممت حاول

ولاتقول ما اعرف وتسبب لنفسك احباط لا حفز نفسك مافي احد احسن منك بالعكس يمكن تتفوق علينا



وكمان انت المعي يعني المفروض الاول ع الدفعه<<<<< فرحانه زايدين الامعه فديتهم

[saif88]

الرياضيات تابعتها من أول فيها حاجات تنفهم وحاجات مستحيل افهمها
يالله النجاح

[منـور]

شوف اخوي بارك الله فيك بما أنك تقول بحملها أذاً بتحملها ..

انا ادبي واكره الحساب بصفه عامه لكن اقول بجيب اعلى درجه فيها عشان انجح واعدي
ولاادري ماورى وجهي درجات عاليه لكن العامل النفسي صدقني يؤثر بجهدك ونتيجتك
دائما قول بجيب اعلى درجه بهذي الماده وصدقني بعد توفيق الله بتعدي منها بسلام

على قولة اخوانا المصاريا (الي تخاف منه مايقيش احسن منه)
بالتوفيق ..