هنا الاستفسار عن كل مايهم هيئة التخصصات الصحية والتدريب لمسمى " اخصائي اجتماعي "

[حلااا الكوون]

السلام عليكم .. اخباركم يااخصائيين

حبيت افيدكم باللي صار معاي من البدايه ..


طبعا انهيت فترة التدريب اللي هي 3 اشهر كامله بعدها تم تقيمي من قبل المستشفى باني ناجحه الحمدلله اخذت اوارقي وطلعت فيها لمركز الابتعاث سويت المخالصه اللي هي شهادة اتمام التدريب بنجاح ..

بعدها رحت للهيئة السعوديه وهنا الطامة الكبرى اعطوني اوراق استمارة التصنيف وعبيتها
وكل شي للان تمام ..

لما جيت ابغا ادفع رسوم اصدار الرخصه اللى هي 3 سنين او 5 سنين قال الموظف انهم جاهم تعميم ان علم الاجتماع يكون له اختبار تحريري من قبل الهيئه السعوديه نفس تخصص علم النفس قلت له ان علم الاجتماع يكون تقييم فقط قال هذا اول الحين تغير وصار له اختبار برومترك ..


واماكن الاختبار فقط في (جدة والرياض ) طبعا الاختبار فيه عربي وفيه انجلش والاختبار له رسوم لكن باقي ماعندي اي علم عن المبلغ المطوب


كون ان تخصص علم الاجتماع تو جديد بالاختبارات ماله اي مراجع او اختبارات سابقه يعني ب اختصار تقييم المستشفى الان مجرد تقييم لتدريبك بالمستشفى


يعني مايعتمد بصدور الرخصه الا الاختبار التحريري هو اللي يحدد اذا فيه نجاح او اعادة اختبار ..


عموما اختباري بإذن الله بعد اسبوعين واحتمال اني آجله لان ماعندي اي خلفيه عن طبيعة الاختبار وايش مكوناته


وبس حبيت افيدكم اي استفسار انا بالخدمة ..

[فنوُ *]

الاختبار بالتعليمي بالدمام من قال بالرياض وجدة ؟؟

[حلااا الكوون]

المشاركة الأصلية كتبت بواسطة فنوُ *

الاختبار بالتعليمي بالدمام من قال بالرياض وجدة ؟؟

الموظف اللي بالهيئه هو اللي قال لي شخصياً

[mo7d]

^

اوف الله يستر يبغالي اتاكد من الاخصائي اشوف هالكلام صحيح ولا!

[aah556]

يقولون أقرو اختبار تصنيف للأخصائي الاجتماعي قهر مخلص اوراقي من أسبوعين وبسبب إهمالي تأخرت في إكمال التصنيف زملائي تصنفوا وانا في ورطه الان بسبب الاختبار

[احمد مظهر]

انا خلصت تدريبي وبروح للهيئه يوم الاثنين
ولكن صديق لي خلص من يومين وراح للهيئه وقاله موظف الهيئه اللي بالخبر امورك طيبه البطاقه تبيها كم سنه قاله خمس سنوات قال روح ادفع ع رقم الحساب هذا وراح دفع ورجع له واعطاه وصل وقاله باقي عندك مقابله عندنا هنا في الهيئه في الطابق الثاني مقابله عاديه جدا
بس خلال ثلاثه اسابيع راح يتصلوا عليك وتجي تسوي المقابله
اما اختبار جديد هالشي

[aah556]

الاختبار قرروه من يومين

[aah556]

https://mobile.twitter.com/schsorg/s...59052509437952

[الماسي نجد]

ي ليييييييل انا تدريبي يخلص 3-3

الله يعيييييييييييييييييييين




انا دفعت من قبل 3 الالف


ورسوم الاختبار كم ؟


في رسوم غيرررررهااا ؟؟
وكيف اتاكد 3 او 5 سنوات

[غلا الجوري]

كل يوم شاطحين لنا بقرار انا بخلص هالتدريب اللي عليت قلبي فيه وان رحت الهيئة وقالوا اختبار وفي الرياض قسم بالله لا اسحب ع السالفه كلها واقول فلوس التدريب فدوه عن عمري و تعبي الله يعوضني عنه اما رياض وجده يريحون راسهم ويقولون لنا غيرنا راينا مانبي نصدر لكم بطايق لمن نلاقي لكم حجه ومعضله جديده نحطها بوجيهكم