[ مشروع التخرج ] : الظلم اللي تعرضت له بمشروع التخرج وابي رأيكم ضروري قبل رفع التظلم

[Against Gravity]

المشاركة الأصلية كتبت بواسطة reaching higher

موضوعك جميل جدا against gravity
ولغتك ممتازة لا يعلى عليها .. حتى الميثود مناسب


واذا تتقبلين مني شغله .. انا اتخيل انه ما نقصك على الميثود نفسة نقصك على كيف طبقتيه.

فيه شغله بس لاحظتها ابيك ترجعين لها.

في الابحاث بشكل عام المفروض نتكلم عن شئ واحد عن فكره وحدة فقط من الخلاصة الى المراجع. وكل فقرة تناقش نفس الفكرة من زاوية مختلفة.

في البحث حقك انا شفت فكرتين.(ان الرواية تعتبر من اول انواع realisim في امريكا والفكرة الثانية تكلمتي عن themes اللي بالقصة)
من اول بحثك الى اخره كنتي تتكلمين عن realism في القصة بينما بالميثود (طريقة البحث) ركزتي على تحليل themes اللي هي الفقر و الديانة وماكتبتي كيف بتحللين/تثبتين انها قصة realisims.
الظاهر الدكتور لما طلب منك تكتبين عن themes اتوقع كان يبيك تناقشينها في كل الفقرات.




الادب مجهد جدا .. انا عدلت الفكرة كثيير وانا اكتب المسودة الاولى لاني انحديت اعتمد على اليوتيوب بسبب ان الدكتور مايعطيني ملاحظات ابدا ومع ذلك نقصت كثير

وعلى فكرة الدكتور مجذوب قال انهم يمشون على عناصر معينة تحت كل فقرة
والدرجات تعتمد على عدد العناصر اللي تغطينها

وبالادب صعب حنى نلتزم بكل العناصر لانه ادب ... عشان كذا صرت اقول لاعاد احد يكتب بالادب

اتشرف بنقدك وهذا اللي ابيه
تهقين لو اني مخلية عنواني عن الثيم احسن كذا :
Themes of Poverty and Gender in Rebecca Harding Davis's novella “Life in the Iron
Mills”.


بس القصة قريتها العام والكاتبة ماعمر مر علي اسمها وأثرت بي انها كتبت عن الواقعية

قبل مارك توين مع ذلك هو اشهر منها ويعتبرونه رائد الواقعية!! وهي أول من كتب عن الطبقة العاملة.


لكن هو طلب مني تحليل الثيم يوم قلت له المنهجية تحليل وثائقي و بحلل القصة كلها
فحطيت كل ثيم ووش يرمز له ويعبر عنه من واقع المهاجرين وعمال المصانع.

على الاقل معطيني نص الدرجة خاصة وانه هو اللي قاللي حللي الثيم.

ماوضح لي زين يوم ارسلت له 4 مرات كل شوي مثيودولوجي غير
قاللي واضح جدآ انك ماانتي فاهمه أي شي عن المثيودولوجي!! وبس هذا الرد
كل شي كتبته يكتب غير مناسب بس ولاوضح لي اي شي او حتى عطاني فكرة

بغيت اقول كل الدفعات مايكتبون الا بمنهجين يامقابلة يااستبيان وكل الدكاترة يقبلون الا انت يعني كلهم غلط بس انت الصح؟؟

يرد علي بسطر والا نص جملة مايعطي ملاحظات وتوضيح ماهو زي بقية الدكاترة
اذكر زملاء قبل مع الزهراء ودكتور غسان ود بسام حتى عدد الكلمات يكتبون لهم نبي كذا كلمة وعدد الصفحات وآخر موعد للتسليم وكل شي
يعني ملاحظات دقيقة ورد بذمة وحرص على الطالب وتوضيح مو رد من غير نفس وجملة والا نص سطر بس.

الادب حلو وسهل لو فيه دكتور يفهم فيه ويقدر زي دكتور بسام تمنيته من كل قلبي للاسف ماطلع مشرفي

[reaching higher]

المشاركة الأصلية كتبت بواسطة against gravity

الله يبارك بعمرك حبيبتي ويسعدك ويوفقك
انا اشوف ماهو من مستواك b+ ظالمك حيل بس اتذكر قلتي انه مايقرا الايميلات زين
شكله بس يمشي كذا

مشروع التخرج الهدف منه معرفة قدرة الطالب على الكتابة بنفسه وقياس مدى تمكنه اللغوي
هذا الهدف الرئيس من مشروع التخرج
لكن وش نقول غير حسبنا الله ونعم الوكيل

بعض ماعندكم يالغاليه
خلاص عدينا هذا الاهم .. صفحة وطويناها

صار وقتنا نطالع قدام.
اتمنى انك تشدين حيلك وتجيبين الماستر .. انتي عندك طاقة وامكانيات واضحة من طريقة كتابتك بالبحث ماشاءالله.


فعليا اتمنى اتمنى اشوف ناس من دفعتنا خريجين ماستر .. خاصة اللي عندهم خلفية بالانجليزي مابيهم يوقفون عند البكالوريس ..

اتمنى يجي اليوم اللي نلجم السنة كل من شكك بشهادتنا وامكانياتنا بنجاحات الناس اللي مثلك وغيرك من المميزين فعلا

[Against Gravity]

المشاركة الأصلية كتبت بواسطة reaching higher

ومع ذلك المفروض يعطيك درجة اكبر لانك تعبتي فيه ..

ارفعي تظلم وانا بعد ترى سبقتك ورفعت

الله يسعدك ويوفقك ويحقق آمالك جبرتي بخاطري
متحطمه حيل ومكسور قلبي الله يستر لايرجعون يخسفون درجاتنا بعد عقب التظلم
البحث كتبته بيوم ومستعجله خفت ينتهي وقت التسليم
بس التعب كان بمراسلة الدكتور والقلق والتعقيد وهالمنهجية

أختي قالت لي اكتبي عن تطوير قراءة الانجليزي عند طلاب الثانوي
تقول اي موضوع له علاقة بالتعليم يعجبهم ويقيمونك زين
قلت اهم شي انا وش يعجبن والحين قعدنا به

[Against Gravity]

المشاركة الأصلية كتبت بواسطة Hotspot

أرفعي تظلم

إذا ما نفعك ما راح يضرك

على رايكم تم الرفع

ربي يوفقك وييسر امورك

[Against Gravity]

المشاركة الأصلية كتبت بواسطة مستجده77

انا لسا مااخذت المشروع الترم هذا ان شاء الله فكرت في موضع عن اكتساب اللغه وبجهزه
وحده من زميلاتي عند الهويشل ورفض لها موضوعين واحد منهم شبيه لموضوعي كلهم في اكتساب اللغه
فكرت اني اجهز موضوع ادبي احتياط وكنت متحمسه اشوف بحوثكم
لكن من شفت معاناتكم حسيت بأحباط هذا وانا مالي علاقه بالبحث متخيله شعوركم
وموضع الادب يشبه موضوعك من ناحية الصيغه .. الظاهر اني بستنا اشوف من المشرف وبعدها احدد المواضيع
والله قهر اللي سووه برا اخذوو درجات ممتازه حتى عند الهويشل حتى بعد مارفض مواضيعه
يحدونا على اسوأ الخيارات

يارب انه مايطلع مشرفك الهويشل
عشان ترتاحين باذن الله
موضوعك حلو لو خصصتيه
مثلا ((اكتساب اللغة عن طريق استخدام التطبيقات لدى طلاب المرحلة المتوسطة في مدينة كذا مدرسة كذا))
وتقولين انك بتعطين الطالبات تطبيق تعليم للغة مثل ميمرايز او دوولينقو وكذا وانهم خلال اشهر اكتسبوا لغة ومن هالكلام
وهل البرامج ساعدتهم بتطوير لغتهم او لا وكم مدة استخدامهم لها.

أما الأدب جميل والله لو بعض الناس يقدر
تتكلمين مثلا عن الرموز بقصة معينة
او الشخصيات برواية كذا أو الثيم .. كلها تعتبر مواضيع حلوه

ربي يوفقك وييسر امرك
واذا رفضه الهويشل أو غيره لاقدر الله قوليلي اروح للحسا بنفسي

[Against Gravity]

المشاركة الأصلية كتبت بواسطة %حوور%

gainst gravity و reaching higher الي عرفتة انكم انتم الي كتبتوا في مجال الادب فقط والله كنت ناوية اكتب فية بس خلاص هونت
ياعمري اقل شي تسوية ترفعي تظلم واذا ماجاك حقك ربي مايضيعة لك
والله شي يقهر عقدها عليك وملاحظات وانتي تعبانة علية واخرتها 80 الله يكفينا شرة
عالعموم مبروك النجاح واستانسي وانبسطي بنجاحك صح تبين درجة على قد تعبك بس الحمد لله ٨٠ زينة مو شينة

الله يجزاك خير حبيبتي ويبارك بعمرك
وباذن الله تعدين هالمشروع بسلام مع مشرف متفهم يارب
أنا دافوره
بالنسبة لي مادة تخصص وعطيتها حقها وآخرتها 80 صدمة
خصوصا وانه ماانتقدني على املاء او اخطاء نحوية ليه كل هالتعقيد ياابن الحلال حنا انتساب لادراسات عليا ولاشي
الحمدلله على كل حال
فيه بحوث لو اوريك اياها تنعجبين مستوى اللغة ضعيف واخطاء فادحة وآخذين a+
كلن وحظه مع هالمشرفين

[Against Gravity]

المشاركة الأصلية كتبت بواسطة reaching higher

فية بنتين من الدفعات القديمة ابحاثهم بالادب و اخذوا امتياز a+ وكلهم كانوا عند الدكتوره فاطمة الزهراء.

لكنها هالترم ماهي موجودة من سوء حظنا .. واتوقع الدكاترة ماعندهم تذوق ادبي

اذا نفسكم بالأدب وطلعت هي اللي ماسكتكم اكتبوه وانتم مبسوطين .. اما عند الهويشل ومجذوب و الجماري لاااااااا

اتفق معك

[Against Gravity]

المشاركة الأصلية كتبت بواسطة *Ashwaq*

السلام عليكم ورحمة الله وبركاته
انا صراحة كنت متحمسة اشوف موضوعك واعرف الطريقة الي اتبعتيها
اذكر معاناتك مع الدكتور في الطريقة
انا موضوع مشروعي أدبي عند الدكتور بسام أبوزيد واخذت فيه ٩٠
ولغتي مو قوية وكتبتها بنفسي
انتظرت انه يعلق على طريقة بحثي لأني ماكنت متأكدة منها
والطريقة الي اتبعتها ما تطرقت لها لأني ماسويتها ممكن لسويتها وكانت نتائجه معاي كنت تكلمة عنها في البحث وتطرقت لها
مع ذلك الدكتور مانبهني عليها مثل بعض المشرفين غيره
و تعليقه على المسودة الاولى كان فقط:
#على العنوان ( نسيت اكتب كلماته بالحرف الكبير وكتبت اسم الكاتب خطأ )
#و عن اخطاء الكتابة ( أراجع البحث كامل واصححها/ كتبت البحث وارسلته بدون اي مراجعه له انهيته في اخر موعد لتسليم المسودة الأولى وارسلته) ولغتي مو قوية فعندي أخطأ واعتقد ان مازال عندي أخطأ حتى بعد التصحيح
كان ودي اعرف دراجات التصحيح في البحث بالتفصيل عشان اعرف وين كان النقص ومن اي الفقرات لكن ما اعتقد يعطونى التفاصيل .

وبالفعل احنا بحاجة لتوضيح طريقة القيام بالابحاث الادبية لان الطريقة الي درسناها تعتمد على المقارنة و الدراسة للعينات ولم يتم التطرق الى منهجية التحليل وخصوصا فيما يتعلق بالمشاريع الادبية

ماشاء الله عليك طلعلك دكتوري المفضل
انسان طيب وفاهم ان مشروع التخرج هو لمعرفة مدى تمكن الطالب من اللغة وبس
الله يسعدك ويوفقك
ماعلينا منهم نبحث بانفسنا ونتعلم مانبي لهم هم ومناهجهم
منهج طرق البحث كان سيء ورؤوس أقلام
غير ان كل البحوث الأدبية اللي سووها الدفعات اللي قبل قليلة
وكلهم اعتمدوا المقابلة وعدوا بممتاز
الهويشل لو ترجعين للتجمعات السابقة كان معقدهم على المثيودولوجي بعد
مدري وش عقدته مع المثيودولوجي مشها يارجل الدنيا مولية

[Against Gravity]

المشاركة الأصلية كتبت بواسطة ليندا13

مفروض يرسلون نسخه من تصحيح الدكتور للبحوث لكل طالب نشوف ايش اغلاطنا ونستفيد حتى نعرف أخطاؤنا..

اي والله هذا اللي اتمناه
هم زين بس صححوا بعد
العام بوقت النتايج حاطين لكثير من الطلاب f شككوهم بالرسوب لين اتضح انهم تأخروا بالتصحيح

[Against Gravity]

المشاركة الأصلية كتبت بواسطة reaching higher

بعض ماعندكم يالغاليه
خلاص عدينا هذا الاهم .. صفحة وطويناها

صار وقتنا نطالع قدام.
اتمنى انك تشدين حيلك وتجيبين الماستر .. انتي عندك طاقة وامكانيات واضحة من طريقة كتابتك بالبحث ماشاءالله.


فعليا اتمنى اتمنى اشوف ناس من دفعتنا خريجين ماستر .. خاصة اللي عندهم خلفية بالانجليزي مابيهم يوقفون عند البكالوريس ..

اتمنى يجي اليوم اللي نلجم السنة كل من شكك بشهادتنا وامكانياتنا بنجاحات الناس اللي مثلك وغيرك من المميزين فعلا

الله يجزاك الفردوس ووالديك
وأتمنى هالشهادة تكون فاتحة خير عليك وباب رزق ورفعة لك بالدنيا والآخرة

حلمي الدراسات العليا لكن للأسف مااحد خريج لغة من الانتساب درس ماستر ماقريت عن هالشي ابد
بس خريجين علم الاجتماع والادارة كتبوا هنا انهم اختبروا قدرات الجامعيين وبعضهم انقبل بجامعة الملك سعود
وواحد بتويتر كمل بأمريكا على حسابه
وأنتي شدي حيلك ونبي كل شي نختبره قدرات وايلتس وكل شي
ولها الشرف الجامعة كونك أنتي وامثالك من خريجيها ناس مثقفه طموحه واعية
الله يوفقك وين ماوجهتي