[ استفسار ] الذي هو خريج متوقع والذي ليس له نفس تعال شوف هالكلمة يمكن تنفع معك وتحفزك "حفزني واحفزك" - طموح شايب

[عبدالله الزين]

الله يوفقكم جميعا" تعبنا الى وصلنا الى هااللحظات المميزة وانتم على ابواب ومشارف التخرج فهذه اللحظات تزيدكم قوة وعزيمة وثقة بالله سبحانه وتعالى ثم ثقة بأنفسكم أنتم تستحقون أكثر من ذلك نظير تعبكم وأصراركم على النجاح واكمال دراستكم
شكرا" لكل من ساهم وتعب وسهر في سبيل ايصال المعلومه لاخوانه واخواته في هذا المنتدى ،،،اللسان عاجز عن الشكر لكن الأجر والثواب انشاء الله من رب العالمين ،،،قد يكون تعبيري يخونني في هذه اللحظات مما لمسته في هذا المنتدى من التعاون والحب وروح الفريق وحب لأخيك ماتحب لنفسك في سبيل ايصالنا الى هذة الجملة ( أنت خريج)

[EMAN.89]

من جد هالكلمه محفزززه جدا

يارب سهل علينا باقي مشوارنا الجامعي

يارب ختامها مسك

شكرا لتحفيزك المستمر وربي يوفقنا

[Smo$]

حابه اشكر كل الي ساعدونا ايام الاختبارات بـ كل شي سوه الله يسعدهم وويوفقهم وين ماروح
وسجلت بالمنتدى بس عشان اشكركم من هنادي وام جهاد لك انت بعد طموح شايب للورده ... الخ
( من لم يشكر الناس لايشكره الله ) ❤ وانا معكم من دفعه المتهورين
"
موفقين جميع ��

[طموح شايب]

المشاركة الأصلية كتبت بواسطة عبيرالندى

اخ طمووووح ابغى اواصل معك عشان حفل التخرج ورسلت ع الخاص جاني رد انو ممنوع التواصل بين الجنسين

اختي عبير
الحفل للطلاب الذكور فقط

[لومي الخواجي]

الله يوفقنا جميعاً

[أبو طلال ادارة]

شكراً من القلب للجميع
، من وقف معنا ولو بالكلمات ولو بالقليل ، انتم خير صحبة ، شكراً شكراً شكراً للجميع بدون استثناء

لن انساكم

[Meshooo]

الله يوفقكم جميعاً ,,
المشكلة في النتايج اللي تجلس اكثر من شهر ماطلعت ..

[طموح شايب]

المشاركة الأصلية كتبت بواسطة meshooo

الله يوفقكم جميعاً ,,
المشكلة في النتايج اللي تجلس اكثر من شهر ماطلعت ..

ميشو

ردك قبل ساعة

يعني فيه مجال للتعديل

حفزني واحفزك

مهو

حطمني واحطمك

[وَردْ]

العبارة تجيب السعادة و تخلي القلب يدق كذا


أنا استمد منكم أخواني و أخواتي المتهورين التحفيز بما إني راح اتخرج معكم قبل دفعتي إن شاء الله و ما شاء الله .

[طاش ماطاش]

المشاركة الأصلية كتبت بواسطة mohammed.shamea

السلام عليكم
انا واحد كنت محبط من اول ماخشيت الجامعه
خصوصا اني متخرج من الثنويه من 13 سنه اول ماقدمت ماجاني القبول وبتدت الدراسه
خذت الفلوس ورحت مع المدام الكويت وانا في الكويت اخر يوم جاتني الرساله اني انقبلت
رحت تسلفت وسددت و كملت الاوراق ورسلتهم

وصل خبر للوالد قالي انت يوم كنت بتقدم في التقنيه تبيني ادفع لهم 3000 ريال واذا عديت راح تكون انتظام ويعطوك مكافئه بس عارف مامنك فايده روح شوفلك وظيفه ابرك

قالي انت تمسك الكتاب يجيك النوم تبي تاخذ شهاده جامعيه وقام يضحك
عمتي وزوجتي ماقصرو دعموني وشجعوني
ودرست اول ترم ونجحت حسيت اني فايز بالجنه

كان الوالد اكبر احباط لي في الحياه
وكان يزعل اذا نادوه الناس بي ابو محمد ينادوه بي ابو علي مع اني اكبر اولاده وماعنده ولد اسمه علي

راح اتخرج هذي السنه
و ارسله صوره الشهاده واهاجر امريكا اعيش هناك
واعطي اولاد وزوجتي الجنسيه بما انها عندي

وماراح ارجع
باخليه يعض اصابع الندم

اخي الكريم/ محمد كان ودي ارد عليك واناقشك ---- لكن تقبل مني هذه الأبيات


يومك صغير ♦

.

ابيك بع دنياك لا ترخص ابيك ******** لو يجبرك في شيء نفسك ما تبغاه

قله على خشمي وحاضر ولبيك ******ما دامك انت وكل ما فيك يفداه

لا تقول أنا وانا .. انت وشفيك ********هذا ابيك اللي من الحق ترعاه

هو اللي يتعب لك هو اللي مربيك ******هو اللي يسهر لك ونومه فلا جاه

هو اللي يفخر بك هو اللي مسميك ******هو اللي عدك ذخر من هم دنياه

لا تكبر وعقبه .. تشك بمباديك ********وتغريّك نفس السو باللامبالاه

عليك باللي من محبتك .. يوصيك *******من قبل كان الناس تشري وصاياه

ان سرت في دربك ورجله تباريك******** توخر اليا سار حذرى تعداه

يومك صغير يسابقك لجل يرضيك******* ويشّلك من القاع من فوق يمناه

وان جاك صوته لو على البعد يدعيك****** فز بعجل .. لا تنتظر صوت يثناهّ

يومك صغير ان قلت يابه يلبيك ********والحين جاك الدور .. وترد لباه

وان الزمك في حاجته اجر ويجيك****** رزق من الله من قضى حاجة آباه

يومك صغير ان قلت في خاطري ذيك ******ما رد لك خاطر بشي " تمناه

والى حكى للناس وقف حكاويك******** لا تسولف لغيره ولا تقطع حكاه

يومك صغير تهذري بكل ما فيك ********ويضحك لحكيك لو جهل كل معناه

والى جلس ياكل فلا تمد كفيك******** قبل يمد لمايدة لاكل يمناه

يومك صغير .. تخرب الاكل بيديك *******ولا زعل منك ولو كنت تملاه

والى نهاك فطعه والصبر يعفيك ********من ضيقة الدنيا وهم المعاناه

يومك صغير تجيه تبكي ويرضيك******* في ذمتك منهو يسوي سواياه ؟

وانشد يتيم الاب والرد يغنيك********** لا طاحت دموعه على شان طرياه

ما يبغي الدنيا ولا ذي ولا ذيك *******وده يشوف ابيه ويحب ماطاه

ان قصرت نفسك ترى عاد يمديك *******تغانم اللي جاي والماضي انساه

ابيك بع دنياك لا ترخص ابيك******** لو يجبرك في شيء نفسك ما تبغاه

ان كان تبغي جنة الخلد .. بيديك *******بره ويرضي ربك ان حس برضاه

الشاعر/حمد البريدي