[ استفسار ] محتآجه نصيحه منكم 💔💔💔💔

[Ninna]

ماقصروا الاعضاء وانا معهم بكلامهم
اذا انتي لسه مو عارفه وش تبين صعب انك تتخذين قرار مصيري زي كذا
تعوذي من ابليس وصلي لك ركعتين استخارة وادعي ربي يكتب لك الي فيه الخير
وبالنسبة للمعدل حتى انا مو راضيه عن معدلي
لكن كثير قالوا لي انهم كانو بأول مستوى جايبين العيد لكن بباقي المستويات قدروا يرفعون المعدل


بالنهاية محد بيعرف مصلحتك كثرك انتي .. الله يشرح لك صدرك ويكتب الي فيه الخير

[مسس جولي]

المشاركة الأصلية كتبت بواسطة مشعل آل ناجي

يا مسس جولي

الهم ماكلك ولا انتي عارفة وش تسوين الحل عندي افصلي من الجامعة وريحي راسك..


منتي من جدك والله العظيم حرام عليك دام مراح يقبلونك او مو متأكده وان قبلوك ماراح يعادلون المواد وش استفدتي ابي اعرف..؟


شوفي خليك معنا وصدقيني منتي خسرانه وراح تذكرين كلامي..


واذا مره مقفله ماتبينها استخيري واذكري ربك؛؛ وتري ما انتي عجوز والا عليك خمسة بزران توك في ريعان شبابك وصغيره يمديك تبتعثين حتى فاستخيري واستعيني بالله وتوكلي..


والله اني ماودي تتركين هالتخصص لانو جديد وشامل كل تخصصات الاداره توكلي على الله وخليك معنا يا صديقتي..


تقبلي تحياتي والله يريح بالك ويدلك على مافيه خير لك..

شكرآ آخوي م قصرت حتى يعني آهلي يقولون لي استمري فيهآ
شكراااا على كل النصايحح

[مسس جولي]

المشاركة الأصلية كتبت بواسطة جواهر97

حبيبتي انتي قلتيها الهم اكلني يعني كله وسوسه من الشيطان هذا اولا ثانيا انتي كمان قلتيها مو عافة وش تبين لو نفترض قدمتي على الدمام وقبلوك انتطام وانقبلتي مثلا في قسم كيمياء بتكوني اكثر سعادة !!! لا طبعا لانك ما تعرفي ميولك ولو حولتي على الدمام بدون ما تتاكدي من رغبتك وطموحك ممكن تحطي نفسك في المكان الخطأ وهذا الوقت ماراح يكون عندك تعديل وعلى فكرة جامعة الدمام نسبههمم نااار انا وصديقاتي ما انقبلنا فيها مع ان نسبنا عاليه ؟
واذا مره ملزمه على الدمام الله يوفقك بس قدمي واذا ججاء قبولك انسحبي من فيصل واذا ما جاء كملي هنا

اي والله هاذي المشكله لاني متردده لكن شكلي بكمل فيها فيصل
لان مو ضامنه قبولي

[مسس جولي]

المشاركة الأصلية كتبت بواسطة ام شهد..

يسسعد صباحگ يا مسس

ماقصروو الاعضااء

ذكرتيني بوحدده كانت تقول قبل النتائج لو حملت ماده بنسحب.<<
مو بحول ولا بدور غيرها لالا انسحاب ع طووول
ولقت لها جلللد بالحكي وركدت وهذي هيه محدثتك الان..

هيا اركدي وخليك معانا شكلي بشغلك معاي في امور الاشراف تتسلين لين تبدا الدراسه

ههههههههههههه ام شهوداا

[مسس جولي]

المشاركة الأصلية كتبت بواسطة dosha2015

والله شوفي لو قبلوك انتظام روحي لهم افضل اما تتركين الجامعة على شيء مجهول هذا غلط كبير واذا كان على المعدل عادي حتى لو تخرجتي بمقبول اهم شيء معك بكالوريس وفوق هذا كله يمديك ترفعين معدلك انتي في اول الطريق والله يوفق الجميع

صادقه اهم شي تنها شهادة بكالوريس الله يسهل يارب
مشكوره حبيبتي

[مسس جولي]

المشاركة الأصلية كتبت بواسطة IBRAHIM ALEID

أنا رأيي تستمرين في جامعة الملك فيصل (تعليم عن بعد)
لأنه إذا توجهتي لجامعة الدمام بيكون عندك دوام وانتظام في المحاضرات وهذا يحتاج إلى وقت وتفرغ


أما في جامعة فيصل تقدرين تستغلين نصف الوقت اللي بتداومين فيه في الانتظام وتشوفي المحاضرات بدون أي ارتباط بالحضور
وأيضاً تستطيعين رفع المعدل بإذن الله إذا استغليتي الوقت بشكل صحيح

والله ودي ب الانتظام بس الحوف من الي قلتيه يكون ماعندي فكرهه
الله يعين بستمر فيها بالرغم اني موطاايقه الاستمرار فيهاا

[مسس جولي]

المشاركة الأصلية كتبت بواسطة abade1400

من وجهة نظري


خلك بجامعة ( الملك فيصل ) التعلم عن بعد
كلها كم سنه وتتخرجين بإذن الله والسنين تمشي بسرعه نسأل الله السلامة
وبالنسبة للمعدل يمديك تعدلينه وترفعينه بالمستويات القادمة
شدي حيلك وفالك التوفيق والنجاح


فمان الله

ان شاء الله

[مسس جولي]

المشاركة الأصلية كتبت بواسطة Ms.Solo

السلام عليكم اختي ..

من وجهة نظري ورأي محايد ولو مكانك سويته .. لو كلش كلش ماسكة معك تنسحبين ابد ابد ما براسك ماء


سجلي بالجامعة الالكترونية ..
اولا : شهادتها انتظام
ثانيا : معترف فيها على مستوى الدولة والعالم
ثالثا : الدراسة بالانجليزي وراح ترفع مستواك فيه وما راح تحتاجين التوفل او غيرة للماستر الا لو اشترطت الجامعه اللي بتكملي فيها هذا لو احتجتي جامعه غيرها لانها عندها برامج ماستر والاولوية لخريجيها






هذا لو خلاص بتنسحبين وما اقتنعتي بكلام الاخوة الافاضل اللي قبلي
لكن لو ناقشتك بوضعك وبتقتنعي
فانتي عزيزتي باول المستويات ويمديك ترفعي معدلك زي السلاموعليكو << عن تجربة
ثاني شي الدراسة بالعربي
ثالث شي عصفور باليد ولا طعطعش ع الشقرة
رابع شي وهو الاهم ترى كل اللي انتي فيه وسوسة لا اقل ولا اكثر لانه عندك وقت فراغ وبعد ارهاق السمستر الاول والضغط والمخ كان مغبر بدا كذا يحس بانتعاش وانو انا افكر اذا انا مخ وقاعد يستهبل عليك




فكري بالكلام وتعوذي من ابليس واستخيري واشغلي نفسك وصدقيني بتنسين كل هالوسوسة


موفقه

يعطيك العافيهه والله توني ادري ليتني دخلتهااااا


بس مشكلتي ميح ب الانقلش هذا السبب الي م خلاني ادخلهااااا

[نجلاءالعتيبي]

لالالا مو من جدك مس جولي

ويطاوعك قلبك تخلين دفعتنا القميلة دي


ياختي وين تبين تروحين جامعتنا من عجائب الدنيا السبع والله


المفروض تدخل في موسوعة غينيس علشان مميزاتها




ياختي لو اقولك عن الجامعات الثانية وش تقولين كان تعضين بأسنانك هنا وتلزقين نفسك بصمغ بعد


أركدي بس وتوكلي على الله وبالنسبة للمعدل عاد الي يسمعك يقول معدلاتنا ماشاء الله تبيض الوجه


ترى اول مستوى لازم يكون معدلك منخفض شئ طبيعي ومع الوقت سبحان الله تتعودين على النظام


ياختي على قولة ام شهد كانت ناويه تنسحب شوفي الأعضاء عقلوها وركدوها وانتي بيلحقك الدور بنجلدك جلد بالردود نخليك تحرمين توسوسين




يالله ياحلوة شدي حيلك بس وخليك معنا بجامعة فصولي ودفعة ابو العز

[نجلاءالعتيبي]

علي فكرة انا كنت مسجلة بالجامعة السعودية الالكترونية تراك مو تخليك توسوسين وبس قسم ان تحاكين عمرك

وكل المواد بالانجليزي


ويسجلونك بنظام ef نظام على مااعتقد بريطاني مقره بريطانيا وتدخل التيتشر ترطن علينا والدعوى خليطي عيال وبنات ومن مختلف القارات طبعاً زي غرف الدردشة المهم انها تقرقر والطلاب والطالبات يدربون روسهم

وفيها يوم حضور بعد يعني تروحين لمقر الجامعة بمخرج 6 بالرياض بس خارج الرياض مدري





الوكاد انها صعبة