[ استفسار ] استفسار بخصوص تدريب ميداني 3 ( الدمام)

[الوحيدة سوسو]

الله يجزاكم خير انا بروح المدرسة الحادية عشر هالاسبوع وان شاء الله يكون سهالات

[مشاعل 22]

بالتوفيق روحي وخبرينا وش يصير معاك

[الوتين.]

اغلب المدارس راح يقولون لك المرشده عندها ضغط ماتقدر بس انتي اصري وقولي كلها 4 ايام وانشبي لهم ههههه موفقه

[اول حلمي علمي]

كل المدارس الي الروح لها تبي خطاب من التوجيه مايعترفون في خطاب الجامعه مع انهم كاتبين كل شي في الخطاب وهو رسمي اهم شي المرشد تكون متفرغه يعني غير مكلفه باعمال اخرى

[عضو محذوف]

تدريبي الاول والثاني كان بمدارس البسام بالدمام طبعا بدون ورقه من التوجيه والتدريب الثالث قالولي بالحرف انا والبنات اللي معي هاتو ورقه من الاشراف ....>>>طيب كملو الجميل !
للأمانه كانو جدا محترمين ومتعاونين بس ع قولتهم النظام نظام ...
انا ماخذت الثالث الترم الجاي ان شاءالله عاد وقتهايصير خير ..
جربو وروحو لهم مو خسرانين شي

[شعب عاصفة الحزم]

اللي راحوا يبشرونا وش صار معاهم ؟!

[اقلام لاتمكث]

انا المستوى الماضي التدريب 3كان بمستشفى الامل ..كلميهم بالمره متعاونين ..
في بنات راحون يومين وانا اكتفت معي بيوم واحد ..طبعاً بالحبر حتى يختمون بنفس اليوم..

[اقلام لاتمكث]

لاتوقفون على مدارس..غالبية المدارس معقدين ..
موفقين

[جاندي]

انا رحت مدرسة 24 في حي عبدالله فؤاد و قلت لهم اني متدربه و ابي اتدرب عندهم كان تمسك ملفي هالي مدري وش شغلتها في المدرسه
و تقولي من دون ما تقرا ولا حرف من الخطاب " لازم تروحين التوجيه و تجيبين خطاب من عندهم "
و رجعتلي ملفيكان تجي المديرة و تقولي هاه حبيبتي وش عندك ؟ كان تروح هالي مدري وش شغلتها تقول متدربه
كان تقول المديرة اي تخصص ؟ كان هالي مدري وش شغلتها تقول مدري عنه
كان اقولها علم اجتماع كان تقول احنا ابتدائي ما عندنا علم إجتماع الي يسمعها يقول اني جايه اتدرب ع التدريس المهم كان اقول شغلي مع المرشدة وينها كان تقول هالي مدري وش شغلتها تقول المرشدة ماهي فيه مأخذه إجازة المهم طريقة كلامها كرش و طرد عسى الله يسلط عليها
و المديرة مع انها مفهيه الله يسعدها


و عقبها اطلع من عندهم و اروح لجارتهم المتوسطه 12
كان تقولي مرشدتهم انو مايمدي تعطيني حاله امسكها قلت انتي معي طيب قالت مايصير لزوم تستأذنين من الطالبه و ولي الأمر و بدال هالزحمه رح اعطيك حل ثاني انو تسوين لي عمل إرشادي يفيد الطالبات و يكون مميز حيث اننا مدرسه متميزة و بعد ما اعطيها هالعمل رح تعطيني ورقه جاهزة فيها وصف الحاله و تقول اغير فيها شوي تقول كذا نتبادل المنفعه تكونين ساعدتني و ساعدتي الطالبات و انا اكون ساعدتك


عاد الحين شلون احط تواريخ المقابلات و الساعات ازورها بعد ؟؟
وش تشورون علي اروح مدرسة ثانيه ولا اكمل معها

[ابوعمر111]

سلام اللي من بريده وعند خبره في التدريب ممكن يساعدني