[ موضوع للجميع ] : ماجستير تاريخ انتساب

[طالب من الشمال]

المشاركة الأصلية كتبت بواسطة غيم تايه

حياك الله:

شوف اخوي ما فيه شيء اسمه ماستر انتساب في أي جامعة، لازم حضور ويعود الأمر لمدى تفهم الدكاترة..
يبقى عندك النظام اللي تدرس فيه اما انتظام أو موازي، وجامعة عبدالعزيز تمسيها برامج عامة وبرامج خاصة..
الملك سعوود تسميها موازية وانتظام، الامام نفس الشيء، ام القرى تسمي برامجها صباحية ومسائية..
ونفس الشيء تسميها الاسلامية، لكن معلومة حطها في بالك، احيانا الجامعة جميع برامجها تكون في الفترة
المسائية تبدأ الدراسة من الساعة 3 عصر، سواء كانت انتظام او موازي، فأنت أول شيء تسويه تحدد الجامعة
اللي بتقدم فيها، ثم اسأل في منتدياتها عن مواعيد الدراسة، اذا كان الانتظام والموازي كلها في الفترة المسائية
قدم على برامج الانتظام، اما اذا كانت في الفترة الصباحية ولا يمكن لعملك ان يعطيك تفرغ جزئي بحيث تحضر
محاضرات، فقدم على برامج الموازية، المرحلة الأولى للتقديم على الماستر،
هي الدخول إلى مركز قياس والتسجيل في قدرات الجامعيين، لانها مطلب ضروري في أغلب الجامعات، والخطوة الثانية : متابعة مواقع الجامعات
في الفصل الثاني لأنها تطلق برامجها وتفتح باب التقديم عليها، بإستثناء جامعة سعود وعبدالعزيز بالعادة تكون
فيه تقديم في فترات الحاقية..
اللي تقصده في جامعة ام القرى، هي البرامج الأهلية والتي تقدم في الكليات الأهلية في القصيم، هذه برامج
تكلفة الفصل الواحد 20000 ريال أي ما يقارب ثمانين الف ريال في السنتين، ميزتها وميزة برامج سعود الموازية
هي عدم اشتراط موافقه جهة العمل.

يمكن هذه المعلومات تفيدك، لكن الأكيد انها لن تضرك اعتذر على الإطالة، موفق يارب"""

الله يهديك لقيت بجامعة الملك عبدالعزيز ,,ماستر تعليم عن بعد وانت تقول لي مافيه انتساب

بس للاسف مافيه تاريخ

[غيم تايه]

المشاركة الأصلية كتبت بواسطة طالب من الشمال

الله يهديك لقيت بجامعة الملك عبدالعزيز ,,ماستر تعليم عن بعد وانت تقول لي مافيه انتساب

بس للاسف مافيه تاريخ

اللهم أمين، ويهدي جميع المسلمين، اخوي ركز في كلامي قلت ما فيه انتساب، الانتساب وانا اخوك انك ما تحضر ابد الا وقت الاختبار، وهذا غير موجود، والتعليم عن بعد فيه حضور وفيه غياب، لأنك تدخل حسب الجدول اللي يسلم لك في ايام واوقات محددة، حتى اهل الموازي يدامون في الجامعة في اوقات وايام محددة، وحتى البرامج الموازية في الملك سعود، لها اوقات محددة يمكن في ايام الاجازة، اما الانتساب فلا يوجد حضور اطلاقًا تعود للطالب مسألة حضور الدورات التأهيلية من عدمها.
وفي المملكة العربية السعودية في كافة جامعاتها في المرحلة الماستر لايوجد برامج عن بعد سوى برنامجين بجامعة الملك عبدالعزيز، وهما : الجغرافيا اللي تحدثنا فيه مسبقًا ولا اعلم ان كنت قرأت المشاركات أو لا، وبرنامج الارشاد والتوجيه التربوي النفسي، وهذا يقدم في جامعة الملك عبدالعزيز بمبلغ 42000 ريال، وفي القصيم يمكن بحوالي 6000 ألف، وهذا البرنامج لم يصنف في الخدمة المدنية حتى تاريخه، وان شاء الله يتغير الوضع ويتم تصنيفه، وارجع للكلامي السابق، ما فيه شيء اسمه انتساب، لكن البكالوريوس فيه انتساب ويكتب في الشهادات انتساب لكن الماجستير لايكتب انتساب اطلاقا، لكن يكتب موازي، او برامج خاصة، وحاليا تتناقل الأنباء بأن الجامعة السعودية الالكترونية تعمل على إغلاق جميع برامج التعليم عن بعد والانتساب، ولا اعلم اين وصلت المسائل في هذه الجزئية، واعتذر لك على مداخلاتي وتسببي لك في هذا الارباك،، موفق يارب""

[طالب من الشمال]

شكرا لك اخي الكريم غيم تايه وبارك الله فيك