[ جميع التخصصات ] : كل وحده دخلت تخصص ماتبيه تدخل هنا

[..فطووم..]

المشاركة الأصلية كتبت بواسطة silent.

بضيف شي ! الحاسب ماله دخل بالمكتبات
المكتبات ماله متطلب وماده لازم تتنجحين فيها عشان تتخصصينه
على حسب معدلك فقط .

الحل الوحيد للي معدلها نازل وماوصل للتخصص اللي تبيه أنها تكمل ترم بس وتاخذ مواد عامه
والترم الثاني تسوي تحويل

عارفة ان الحاسب مو متطلب بس انا شفت الدليل حق الطالبة وعندهم مواد كثيير بالحاسب واشياء الكترونية وكذا هذا اللي اقصده
وان شاء الله اذا رحت لهم ومانفع بكمل ترم والترم اللي بعده بحول

[Af.1995]

الأغلب مش حاب تخصصه نقول "الخيرة فيما اختاره الله"

*شدي حيلك ارفعي معدلك و بإذن الله تقدرين تحولين السمستر اللي بعده .

أنا ما ابي تخصص علم اجتماع لكن حطيته اول رغبة عشان التخصص اللي ابيه ما فتح لي لان باقي لي الأنقلش حاملته .

شوفو أنا معدلي السمستر الاول كان 2،68 رفعته السمستر هذا اشلون ! اخذت 5 مواد بس شديت حيلي بالفاينل و الميد تيرم حاولت تكون درجاتي اعمال السنة ما تقل عن 40 و لله الحمد توفقت بذي النقطة موادي كلها ما تقل عن 40 الا مادة وحدة بس ! شديت حيلي بالفاينل حاولت قد ما أقدر ما اجيب و لا دي و قدرت ! كل شيء ب الارادة ولله الحمد رفعت معدلي ل 3،18 يمكن شوي ارتفع لكن حاولت ع الأقل و قدرت ..

كوني واثقه كونك شخص عنده ارادة و طموح بتقدرين ترفعين معدلك لو شوي .. شدي حيلك توكلي ع الله و كل شيء بيصير مثل ما تبين .. بالتوفيق لكم ..

[..فطووم..]

الله كريم والحمدلله ع كل حال
بس شي طبيعي ان نتضايق عشان شي صار لنا سنيييين نتمناه وتعبنا وضحينا باشياء كثيرة عشانه ويضيع منا ببساطة كذا
بس ان شاء الله نكون قدها ونمشي
والله يوفق الجميع يارب

[Roony]

مقدره شعور البنات و تذمرهم لكن لي رآي ان اشوف طريقتهم صحيحه بإختيار التخصصات و ان ماكنت احبها
لأن بكل شي بالدنيا , الأولويه للي متميزين و متقدمين
بإختصار وعشان مايكون الموضوع احباطي للي يشوفونه
إذا شدت الوحده حيلها بالتحضيري طبيعي تحصل على معدل حلو
و الطبيعي انها تروح لأول رغبه اختارتها
هذا بكل بساطه .
النظام عادل لان يعتمد ع الجهد
يعني اللي حطوهم اول رغبه كيف انحطوا ؟ هل معقول مصادفه و ضربة حظ ؟؟؟؟
آني وي
الواحد لايفكر بسلبيه صحيح شيء يقهر لكن ماندري وين الخيره فيه
و شوفوا تصنيف التخصصات للخدمه المدنيه يمكن الوحده تحب تخصصها :)

[..فطووم..]

لالا ابداً يا اختي مو عادل شي طبيعي انك تقولين كذا لأنك من جامعة ثانية و ماجربتيه بس والله لو تجربينه ماقلتي كذا الله لايوريك
واذا صرنا نتعب ونعذب انفسنا والدكتورات ظالمات شنسوي ؟
ومثل ماقالت اختي الحبيبة سديم
محد فينا غبي وكلنا نقدر نجيب معدلات عالية بس اسلوب التعامل واسلوب الدراسة والظروف احياناً لهم دور كبيير
وفي النهاية الحمدلله على كل حال واكيد ربي ما اختار لنا هالشي الا فيه خيرة

[bayan_]

لو سمحتوا بنات في وحده منكم معدلها فوق الثلاثه واختارت مكتبات ومانقبلت ؟
ضروري لاني بطلب تحويل وخايفه اختار شي غلط او مايسمح لي معدلي

[قلب حاااااير]

السلام عليكم*انا مأجله الترم الثاني وابي اغير تخصصي هالاسبوع يمديني اني اغير ولا لازم اروح الكليه افك تاجيل مع انه الاداره قالتلي يفك لحاله بس اخاف يجي وقت التغيير تخصص وابتلش الي عندها تجربه من قبل او خبره ترد علي الله يجزاكم خير*وابي اغير علم اجتماع معدلي 3،045وجايبه فيه cاممكن ان شاءالله انقبل فيه

[آنسه مشاكل]

انا تخصصت انجلييزي برغبتي وبجهدي , ومع المستويات استصعبته كثير وشوي واقول اني كرهته حتى اني ودي احول بس اني عديت كثيير معد يمدي احول وابدا من جديد :(

بس مو كل شي تختارينه انتي برغبتك خيره لك ومو كل شي تحبينه يصلح لك ..

يمكن اللي دخلوا جغرافيا لو درسوه من قلب وحبوه تخرجوا دكاترره منه

انا ماقول ذا تحطيم لكم , لكن قبل ما ان الجامعه اختارت التخصص لكم , الله اختاره لكم

ودام الله اختاره ,, كله خيره حبيتيه ولا كرهتيه

لكن كل شي وله حكمته , شدو حيلكم بقوه وذاكروا من قلب , واذا ارتفع معدلكم حول 3.75 اضمن لكم اي تخصص راح يقبلكم اذا حولتوا له ..

اقبلوا وضعكم واستمروا عليه , أأو تحدوه بكل قواكم واثبتوا للجامعه انكم تستاهلون اي تخصص موجود بالكليه ,, وصصدقوني بتحققون المستحيل .. م ينقصكم التشكي وندب الحظ ولوم الاخرين , تنقصكم الاراده فقط .

يارب محد يزعل من كلامي , ولا اكون ضغطت ع حزنكم بلا مبالاه
اعتذر اذا اذاكم كلامي , بس كلمه الحق اللي بوجهه نظري تكون بذمتي ولازم تنقال

[smorh]

أنا اول مافتحت الموضوع كنت متضايقه حيل من التخصص اللي حطوني فيه وقلت يلا افتح الموضوع ونشكي لبعض ظلم جامعتنا تخيلووو انا رحت للجامعه قلت لعله وعسى يفيدوني بشي لاني سألت اكثر من بنت قالت تقدرين تحولين بترم الثاني لو جبتي معدل زين وسألت المجلس الطلابي بالتويتر وجامعه قالوا بعد سنه تحولين صار فكري كلهه مشتت مدري اسمع هنا ولاهنا وانا شايله هم المؤاد اللي باخذهم اقول بنفسي ياربي يعني اخذ مؤاد ادرسهم واضيع علي سنين كله عشان احول وانا اساسا حامله كم ماده من التحضيري صدري ضاق ولا فيه اللي يرشدني ويدلني على الصح ويهدي علي قلت مالك ياسموره الاالجامعه روحي وتاكدي بنفسك وانا اخذت راي اختنا سديم بما انها متخصصه علم اجتماع ورحت لهم واالله وكيلكم من مكتب لمكتب تقول رايحه ادور وظيفه الى ماحصلت المسؤؤله ع التخصصات قلت لها انا تخصصت دراسات وابي احول علم اجتماع نافخت بوجهي وتتكلم من طرف خشمها لو اظمن ان اهلي بيرضون ادرس بجامعه ثانيه كان كسرته لها هههههه المهم وسالتها عن التحويل قلت لها اقدر احول بترم ولا لازم ادرس سنه المجلس ااطلابي يقولون سنه قالت خلاص الكلام الللي قالوا لك لكن الحين رضيت وبكمل مع تخصص دراسات ولا افكر اخذ مؤاد واتعب فيها بس عشان اتخصص واضغط على نفسي ع الفاضي ربي لو كاتب لي شي باخذها غصب عن اللي مايرضى وبكمل فيه وبكل قناعه ولله الحمد واساله التوفيق لي ولكم ويبلغنا شهر الخير

[..فطووم..]

انا بعد كنت متضايقة حييل وبالي مشتت وماني عارفة شسوي ومن طلعت نتيجة التخصصات الى قبل يومين تقريباً وهذا حالي
كل شوي لي قرار مرة تعبت منهم مابكمل دراسة ومرة خلاص ببقى في هالتخصص
ومرة خلاص بشد حيلي واحول ومرة باخذ مادتين تخصص وثلاث عامة عشان منها اجرب التخصص ومنها ارفع معدلي ووووو مليوووون فكرة تروح وتجي براسي

بس قلت لنفسي الى متى بضل كذا ومابستقر ع قرار .. ليش ايأس واحزن وربي مايمنع خير عن عباده لو الشي اللي ابيه فيه خير لي ربي مامنعه عني !
وهالتخصص اللي انا ما ابيه في كثيييير غيري يحلمون فيه وانا يوم ربي يسر لي ودخلته اجلس متحطمة وحالتي حاله لييش ؟!
محد يدري الله وش كاتب له في المستقبل يمكن يكون مستقبلي احلى من اللي اتمناه لو دخلت هالتخصص اللي انا رافضته

وبعد تفكير طويل استقريت ع قرار
اني خلاص بضل ع الجغرافيا وبشد حيلي واحاول ابدع فيه قد ما اقدر ومابفكر بتخصص ثاني ابداً
لأن بأذن الله الجغرافيا بيكون افضل شي لي م دام ربي قدر لي اكون فيه

شكراً لصاحبة الموضوع وشكراً لكل وحدة ساعدتني وحاولت انها تخفف عني وتقنعني ان اللي اسويه غلط وشكراً للجميييع .. الله يوفقكم ويوفقنا وتكون كل امورنا ميسرة ونتخرج كلنا مع بعض بأعلى النسب