[ استفسار ] ابي انسحب من الدراسة .."

[مهريماه]

مساء النور
كملي الاغلب عنده مشاكل مايعلم فيها الا ربي ..
كملي لايجيء يوم تندمي
وايضا راح من عمرك .. وايضا ماتدري وشو
ظروفك في المستقبل ..يمكن تحتاجي وظيفة
على الاقل راتب حلو غير لما تكون شهادة ثانوية وتخصصنا جميل ..

والله يوفقك يارب

[إنْتِهَاكْة حَرفْ]

_


انا الحين ندمت لاني ما سحبت اوراقي مثل ما كنت ناويه قبل
مو عارفه اذاكر شيء , وكل ما مسكت ماده ما اقدر احفظ او افهم
اصلا انا فاشلة من يومي هه !

[BERHE]

استهدي بالله و انسي كل شي و صلا ركعتين ورحي نامي والله ينور لك طريقك

[إنْتِهَاكْة حَرفْ]

_


طريقي بينور نفسه بنفسه هاه
طلبت من ثلاث اشخاص مساعده عشان اعرف اذاكر وحده طنشت ووحده ما ردت ووحده قالت ما تقدر
اصلا من يوم رسبت بالثانوي كان لازم اعرف اني مستحيل امشي باي دراسه
انا كان لازم يدخلوني مع صعوبات التعلم هه
ويمكن اطلع اسوا منهم بعد
لا مو يمكن الا اكيد

[مهريماه]

^
ليه محطمة نفسك ولا انتي غبية لهذي الدرجة اظن

تقدري تذاكري وملاك الله يجزاها الخير حطة جدول ..

http://www.ckfu.org/vb/t518121.html >> هنا الجدول
هذا اذا ما انتي عارف تحطي جدول ..

والمذاكرة
كيف تذاكري أول شيء اقراي مثل الفقرة الاولى
ثم بداي بالحفظ وكرريها مرة ومرتين ولا ثلاث ولا اكتبيها لين تنرسخ في العقل
وبس مو صعبة المذاكرة
او اي شيء مافهمتية اطلبي يشرحون لك البنات مايقصروا هنا ..

مو عارفة لانك تعودتي كل شيء جاهز لك بس لمتى كل شيء جاهز
انتي الان كبرتي ماعدتي صغيرة اعتمدي على نفسك و
ابذلي جهدك ولا تقولي لنفسك انا ما عرف انا يحتاج لي صعوبة
تعلم انا بطلع اسوا منهم .. قولي اشياء اجابية انا اقدر انا بنجح
خليك بطلة وقولي لانفسك اشياء اجابية وبتقدري با اذن الله
وادعي ربي ان يعينك واطلبي منه اي شيء وان شاء ربي يستجيب لك ..

والله يوفقك

[اهلاوي ملكي]

jay rose بصراحة صدمتيني توقعتك اقوى من كذا بكثير شوفي انا ربعي من جد يسموني قاهر الضروف مافي شي يستاهل يوقف في طريقي سريع التاقلم مع كل وضع والله ماامزح معاك وعندي مقولة دائما ارددها اشتدي ياازمة تنفرجي وعندي بيت شعر امشي عليه يقول ( ضاقت فلما استحكمت حلقاتها ... فرجت وكنت اظنها لاتفرجو )
مافي انسان ماعندة ضروف ومشاكل وبلاوي متلتله والبيوت اسرار كل بيت فيه اللي يكفيه لكن شوتي برجولك هموم الدنيا وطنش تعش تنتعش .. وقولي ( اللهم لاسهل الا ماجعلته سهلا وانت تجعل الحزن اذا شئت سهلا ) 4 مرات كل صباح وفي حاجة مهمة اغلبنا نساها وبالتالي كثرت عليه هموم الدنيا وهي ( الصلاة )
يقول من خلقنا واوجدنا من عدم وهو خير القائلين ( وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ )
اذا اغلب همومنا والعيشة الضنكا هو عقاب الهي بسبب التقصير في الصلاة .. وكلنا مقصرين في هذا الجانب نرجوا من الله ان يعيننا على شكره وذكره وحسن عبادته .. خلي ايمانك وثقتك بالله قوية وتحدي بهم جميع العقبات واقسم بالله بانها ستحل وانا على يقين بذلك لانني اتكلم من واقع تجربة وليس مجرد تنظير .
اتمنى لك ولنا التوفيق والنجاح

[.Lotus]

اذا ع المشاكل مافيه بيت مافيه مشاااكل وضغوط
بس سوي زيي كل ما ضاقت فيني الدنيا حطيت حرتي بالدراسة

وطبعا توكلي على الله سبحانة وتعالى فمن توكل على الله ماخاب

[life melody]

السلام عليكم

لو سمحتو كيف طريقة الانسحاب من الجامعة انا حصلت لي جامعة افضل وابي اسحب

رد عليي لو سمحتو

[ساره الغنام]

^
مين الجامعه الأفضل ؟

..
واللي ناوين ينسحبون ، ترى الشهاده اللي ان شاءالله بتحصلونها والله كل الناس يتمننونها
ودام الله فتحها بوجهنا ويسر لنا وبدينا خطوتنا الأولى ليه م نكمل !
وانتِ م تدرين عن ظروف بكره ف كيف ب ظروف السنه الجايه ولا اللي بعدها
وان شاءالله ربي بيمشيها لك ، واهم م عليك " صلااتك "
ولا تقصرين ب الدعاء بعد كل صلاه ادعي ربي انه يوفقك ويسهل امرك ويفرج همك .
وبكلل م في قلبك ، والله يسعدك ي ررب ويسهل دربك ، و بالأول والاخير هذا قرارك وانتٍ حره فيه
ومن باب ان حنا نعتبرك اختنا انتِ وغيرك من اللي يفكرون مثلك ، ننصحك .

..
واختي انتهاكه
ترى اكببر خطأ تعاملين نفسك كذا
واتوقع انتِ تفكيرك اكبر من كذا
واحمدي ربك على عقلك ، وانتِ لو شايفه مجتمع صعوبات التعلم عرفتي كيف ؟
بس الحمدلله ع النعمه .
واذا انتِ تعاملين روحك كذا طووول عمرك م راح تفلحين ، ولا عيالك .
وفكري ف بكره لما يكون عندك اطفال ويشوفون امهم لهم قدوه ف المسيره الدراسيّه .
والعقل الباطني يتأثر ب الاشارات السلبيه اكثر من الإجابيه ، ف ارحميه ي جميله .
والله يوفق الجميع ي ررب ويّيسر امورهم ويفرج همومهم .

[ساره الغنام]

ايه صح ولا تنسون تستخيرون وربي راح يسهل لكم الطريق اللي فيه الخير .