[ جميع الاقسام ] : طالبات وموظفات مبنى العلوم الجديد مجموعة شكاوى

[خواطر انسآن]

الافضل اتكم تحطون ورقة التوقيع بالكافتيريا
او تمررون الورقة بالقاعات
احنآ قبل كم شهر عملنا خطاب وكذا بخصوص شي ثاني لاكن محد عطانا وجهه
بالتوفيق يارب

[K.14]

المشاركة الأصلية كتبت بواسطة وميض شمعة

انا وحدة مني بكتب خطاب طول بعرض بكل مشاكلنا وبحطها تحت باب الوكيلةةة
لأني تعبت

آمل جدا إن تعبج ما يضيع ،، بالتوفيق

[عباس الاحمد]

المشاركة الأصلية كتبت بواسطة وميض شمعة

كلامك صحيح و مية مية

القهر حتى لو كتبنا خطاب محد بيلتفت لنا


انا من بداية الترم ورا هالوكيلة والقبول وللحين مشكلتي م انحلت مع ان الخطااا منهم

لاتتعبون انفسكم م من هالجامعة الا الشيب و عوار الراس

هذا مو عذر اختي وميض
المطالبة مرة ومرتين والالحاح يجيب نتيجة لكن السكوت والتحبيط
وعدم الثقة بالنفس هو من يجعل الآخرين لا يهتمون
إذا لم تنفع الوكيلة وعميد الكلية هناك من هو اعلى
وكيل الجامعة ومعالي مدير الجامعة عندما يصل الصوت إلى الأعلى
لا بد ان يتم التغيير ولو الشيء البسيط

المشاركة الأصلية كتبت بواسطة حنين بسكات

تتكفل وحدة مننا تكتبه
وبعدها نجمع التواقيع
وامممم نسلمه لوكيلة الكلية اقرب من العميد

صحيح اختي حنين ممكن البدء من الوكيلة وتسليمه للسكرتيرة
وهي راح توصله لها والمحاولة بأكثر من مرة وليس شرطا ان يكون الخطاب
من خمسين او مية لو تتجمعن بشكل مجموعات خمس او عشر طالبات
في خطاب وكثرة الخطابات والاعداد تجعل الاستجابة بإذن الله جيدة

المشاركة الأصلية كتبت بواسطة كوثر الشداد

اجل انا اقول ماراح يصير شي

هنا ما عندنا اللي يطالب بالحق ياخذه ابدا

بس بدعو لكم بالتوفيق

لماذا اليأس والاحباط أختي كوثر ما ضاع حق وراه مطالب
الحركة والتجربة افضل من السكوت والجمود لو تمت الكتابة
ولم يحصل شيء اقلها مستقبلاً لو حصل نقاش في هالموضوع
انتم كتبتوا ما حد يلومكم

المشاركة الأصلية كتبت بواسطة وميض شمعة

انا وحدة مني بكتب خطاب طول بعرض بكل مشاكلنا وبحطها تحت باب الوكيلةةة
لأني تعبت

ممتاز اختي وميض نعم من حقك تكتبين كل شيء يحتاج إلى تصحيح
وهذا يساعد ادارة الكلية على تحديد المشاكل والعقبات التي تعيق العملية التعليمية
ولا تنسون ان تلبية المطالب والاستجابة تحتاج بعض الوقت حيث الاجراءات الروتينية والرسمية
تأخذ وقتاً لكن يصل صوتكم للمسؤولين ومطالبكم
وما يحتاج تحت باب الوكيلة سلميه بيد السكرتيرة وهي راح توصله لها ولن يضركم شيئاً
هذه امور عادية وواقعية.

والله يوفقكم جميعاً

[ديار]

أنا وحدة فاقدة الأمل في هالجامعة

ياما طالبت بأقل حقوقي وهي إضافة المواد وما حصلت إلا العذاب :(

صرت أفضل السكوت

قود لك

إن شاء الله تقدرون توصلونها للعميدة ( فقط هذا اللي راح يصير )

ومن العميدة للزباله ( أكركم الله )

[حنين بسكات]

مو مضبوط كلامكم كذا
اذا نبي نرتاح لازم نضل وراهم
ياما زنييييت على روسهم لين ضافوا لي موادي وصار لي كل اللي ابيه الحمدلله
من جهتي انا ماراح اسكت وبنبدا بيني وبين صديقاتي
لاني جد اليوم تعبت خصوصا من قصة شيلة الاغراض لاب توب وملازم ولاب كوت غير شنطتي وعبايتي واغراضي
وننزل ونرقى من الدور الارضي للثالث
والله حالة صعبة :/

[K.14]

أ/عباس

انا ماقلت اللي قلته الا عن تجربه

ويمكن حظ البنات يكون احسن

ياما تجمعنا وتكلمنا بس ما حصلنا شي غير هالعباره ( من جهة النساء ماراح نقدر نفيدكم روحوا جهة الرجال اهم لهم الامر )
لدرجة ان احس ليش يحطون اداره نسائيه جهتنا !

يلا الله المستعان

اخت حنين انا معاج باللي قلتيه وحيل تكسرت اكتافنا بس لصارت هالاوامر صادره من الوكيله شتترجين بيصير

.........

ان شاء الله حركتكم تكون سبب في تعديل الانظمه اللي مالها داعي

بالتوفيق

[maryam_h_ a]

اصلن العميده على طول مشغوله (اتكلم من واقع تجربه ياعندها اجتماع اوغيرره)

[أم العنود]

والله مأساتكم مو بسيطه الله يعينكم وييسر لكم

[Fatimah1990]

والله حرام عليهم البنات يحطون عباياتهم برا ممكن تضيع ممكن يدخل فيها شي
واللي يكون عندها بريك طويل وما معها احد وتبي تدخل دورة المياة تدخل كل شي معها لان ماراح تثق تخلي اغراضها عند احد
هم عندهم مكاتبهم مرتاحين والطالبات مو لازم ترا حنا بشر مو جمال

[الهنوف .]

من ناحية السرقة انا انسرقت عبايتي :(
جد الوضع متأزم وصعب
انا اقول خلونا نكتب الخطاب ونجمع تواقيع من البنات والخطاب تكتبه اكثر من بنت
خلونا نعطيهم اكثر من خطاب
ع الاقل الفصل الثاني نلاقي شي سنع لان وقتها بنات اولى بيكونون معنا زود عن الزحمه بنتزاحم اكثر وكذا الوضع بيدوش :(