[ استفسار ] رسالة من الجامعة // مكآفئات المتفوقين

[tulip..❥]

تصرفها وانتا بالف خييير يارب ..

[alzaeem15]

الف مبرووك وعقبال بقيه الاخوااان

[لكَبريآئي روآية]

يعطيك الف عافيه

[.. هيَـا ..]

ماشاء الله تبارك الله
تستاهل معاذ .. وان شاء الله المكافأة والتفوق فالك كل مستوى

[M U A T H]

آمييين وياكم يارب ، عسى ما نسمع منكم إلا كل خير وتفوق
في أمور الدنيآ والآخرة

ممنون جدا لدعواتكم الكريمة

[احلى قهوه]

← مرتين يرسلونها لي شككوني بالبيانات ومابيصرفونها الا اخر الترم معروفه حركاتهم ههههه

[M U A T H]

المشاركة الأصلية كتبت بواسطة احلى قهوه

← مرتين يرسلونها لي شككوني بالبيانات ومابيصرفونها الا اخر الترم معروفه حركاتهم ههههه

نفس الحاله هههههههههههههههه

[فاطمه العتيبي]

السلام عليكم ممكن طلب من معاذ واحلى قهوه كيف طريقه مذاكرتكم ومشاهده المحاضرات انا الحمدلله معدلي زين بس مو تفوق وان ابغى ارفع معدلى ان شاء الله وابغى اعرف اسلوب الدوافير مثلكمما شاء الله عليكم

[M U A T H]

عليكم السلام ورحمة الله وبركاته ، هلا أختي فاطمة ، مدري شقولك صراحه
لكن كانك تبين نصيحة في المذاكرة ، أنا آخر واحد ممكن أقدم لك هذا النوع من النصايح

مو عشان شي ، لكن لأني متأكد بأنك منتظرة مني أقولك إني في الأسبوع أذاكر كم معين ومن هالكلام
لكن مو هذا اللي صاير معي صراحة

أعترف بأني انسان كسول (ناحية المذاكرة) وكل ما أنوي أذاكر يجيني كسل وخمول
ويزيد عندي معدل حُب الطلعات والانشغال بمشاغل الدنيا كلها إلا المذاكرة

غالبا ، أنا أراكم كللل شي إلى آخر الترم ، ما أمسك شي نهائيا إلى ما قبل الاختبارات بثلاث أسابيع

خلال الأسبوع الأول ، أحل الواجبات والمناقشات وأحمل المحاضرات المسجلة والمباشرة لكل المواد بدون ما أشوفها حتى
وخلال الأسبوعين اللي تسبق الاختبارات ، أبدأ بالمذاكرة وأعطي كل مادة من يومين إلى أربعة أيام
حسب صعوبة المادة وحسب الفارق الزمني بين المادة والاختبار اللي يسبقها

أكون خلصت نصف المادة إلى ثلاث أرباعها قبل تبدأ الاختبارات ، وإذا جا موعد اختبار المادة أكمل الباقي وأراجعها وأقرأ اسئلة الاختبارات السابقة

وأنا متأكد بأن طريقتي هذي من أسوء الطرق في المذاكرة ، لكن ظروف عملي المتعبة ما تعطيني الوقت الكافي اليومي للراحة والمذاكرة بنفس الوقت
اضافة إلى إني للأسف مو ذاك الشخص صاحب الهمة العالية اللي تخليني أقاوم تعب العمل من أجل المذاكرة

والمعدل هذا اللي وصلت له وحققته كله فضل من الله سبحانه وتعالى وتوفيق منه ثم دعاء الوالدين لي الله يطول بأعمارهم وأعمار والديكم

[Ms.Solo]

ايه ايه م يبي يقول يخاف نسرق منه مرتبة الشرف هههه امزح

لكن كلامك سليم مدة وطول المذاكره مو مقياس هي قدرات بالنهايه

عندك انا ذابحه روحي من قبل تبدا الدراسه ومع هذا جايبه العيد معدلي رفعته الى 4.18 لكن مو تفوق

واطمح له هالمستوى باذن الله واهم شيئ عندي لو م الله كتب لي التفوق انه م احمل مواد
واتخرج بجيد جدا مع مرتبة الشرف في اسوأ الظروف

لكن باذن الله الله لا يخيب لي تعب واحصل الامتياز