يوميات الطالبات ....}

[dream girl2]

بنات ماقلتوا لي

السيارات الخاصة دخلت اليوم من البوابة الامامية والا بوابة الكراجات؟

[خريطة حياتي]

هلا دريم
لا دخلو من بوابة الكراجات
خلاص من هناك الدخول على طووول
كشخو البوابة
وحركات
ولونو الممر اصفر وازرق ووردي واخضر
(باقي رسوم متحركة وعليها قبعات تخرج يحطونها هنااك) خخخ

[أميرهـ الـورد~]

هلا بنااااات

انا رحت اليوم بدري
المهم وش الي حصل معي ،

في البداية البوابه الي قدام مقفله
لكن نزلت من ورى السور وجيت امشي
ودخلت عادي لابطاقه ولاااا شي

وبعد قالو التسجيل بالنت
لكن طلعت انا
يوم جو صاحباتي الساعه 9 تقريباً ؛ اخذو جداول من مكتب السكرتيرا اعتقد ،
بدون شي كل وحده تاخذ الي تبي
يقولون الورقة فيها كل السنوات ، ،

أنـآ سنه ثانيه جغرااافيا ،

[a7la bent]

السسلام عليكم

انا طالبه مستجده واليوم حسيت نفسي ضايعه

لقيت اسمي موجود بقسم التاريخ

ورحت قسم التاريخ لقيت القاعات مفتوحه بس ماعليها اسماء الطالبات

الاسماء كانت معلقه

وشسمه رحت اسأل ماطلعت بنتيجه :mh19:

وبكره بروح ياليت اللي لقت اسمها بالتاريخ

تفيدني بشي

جد تعب ع الفاضي اليوم

[لسعة شقآوه]

انا طالبه مستجده طبعا
رحت اليوم وتكسرت تكسسسسسسسسسير
تعب×تعب ع الفاضي ماعطونآ جدآول ولآشي بس شفنآ قاعاتنآ
طيب متى بيعطونآ الجدول احنا يالسنه التحضيريه
انا سألت استآذه قالت بكرره اكيييييد
وبروح بكره والله يستر

[حلآ~]

موضوع رآئع..
اتتمنى التفاعل اكثر يابنــاتـ

بما اني طالبة تخرج (آخر سنة دراسة) انشاء الله
راح اكتفي بالمشاهدة الصامتــهـ

[مهاو]

السلآم عليكم ورحمة الله وبركآته
بداية حبيت اكتب هالموضوع لتعرفوا حجم التعب اللي تعبنآه نحن الطالبات المستجدات بكلية الاداب

بدأت المعاناه من الساعه 8 بحييث لم يدخلو الطالبات الاتي لم يحضرن بطاقة العائله و ورقة البريد الممتاز مع العلم انه لم يتم التنويه لجلب هذه الاوراق مما جلعنا نجلس بالخارج في الحر لمده طويله
دخلنا داخل المبني لتبدء مرحلة الضياع :011: اين نذهب؟ اين نتجه؟ لمن نذهب؟ ....الخ
اسئله كثيره لمن نجد باستقبالنا اي احد بدءنا بالذهاب لشؤؤن الطالبات ولكنهم للاسف مشغولآت بوجبة الافطار مما جلعنا ننتظر لحين انتهائهم دخلنا قلنا نحن طالبات مستجدات ايش نسوي قالو انتظرو لا تستعجلون تو اول يوم واخرجونا لخارج الغرفه
ذهبنا للاستقبال لنسئلهم ولكن لا علم لهم لانهم غير مسؤؤلات بهذا الشئ
انتظرنا وقت طويل نسئل هذه وهذه ونذهب هنا وهناك لحين تبرعت احد الدكتورات وقالت اذهبوا شوفوا بالاقسام وتجدون اسمائكم
درونا دورنا وتكسرت ارجولنا لقينا اماكننا رحنا لهم قلنا عرفنا حنا بأي قاعه الحين وش الخطه الثانيه كالعاده قاموا بالضحك قالو ليش مستعجلين تونا اول يوم
رحنا عند شؤؤن طالبات القسم اللي لقيت اسمي فيه قالت اصبروا يمكن نعطيكم المواد
ساعتين وعطونا ورقه بأسماء المواد بدون اي شرح او اي كلمه غير انه لازم تطبعين ورقة الجدول وتعطينا هالاسبوع مع العلم انه يفتح تسجيلنا يوم الربوع كيف اجيبه لها هالاسبوع سئلتها قالت مدري عنكم
قلت طيب ممكن تفيديني وين القى الرقم الجامعي والرقم السري لنظام البنر قالت ماعندي اي خبر روحي لغرفة الاجتماعات ويمكن يمكن يفيدونك رحنا لهنآك بعد بحث طووويل للغرفه لقينا دكتوره تفطر مشغوله سئلنأهأ قالت ماعندي خبر روحو لتقنية المعلومات رحنا وقامت كل وحده تصرفنا للثانيه :no2: بالاخير قالو مانعرف بعد يوم طويل الى الساعه 1 ما استفدت الا اني اخذت ورقه المواد غير كذا ماعرفت شي

رجعت البيت شفت الموقع قريت عرفت لين لقيت الرقم حقي
والحمدلله دخلت ع البانر بس قلي غيري الرقم السري وغيرته وكل شي
سجلت خروج وجيت اجرب افتحه فتحته بس طلب مني مره ثانيه اغير الرقم هل كل مره بدخل بغير الرقم ولا كيف؟

ثاني شي هل بس اسجل جدولي يوم الاربعاء للسبت الفرصه عندي بحكم اني دفعة 2010
او لازم اسوي جدولي الحين عشان اسلمه لهم هالاسبوع :mh19:
وهل اداوم بكره او لا ؟

روحتي للجامعه من غير فايده البنات كلهم مايعرفون وش يسسون مافيه نظآم ابدا
اعتقد لو جامعه بسيرلانكآ كان عرفو ينظمون ويرتبون وضعهم بس للاسف احنا بالسعوديه يعني قطاع حكومي يعني قهوه وفطور و وجه مقلوب

الحين ابيكم تردون على اسئلتي اللي فوق وابي رائيكم بالحوسه اللي صارت ما كأننآ بدوله متحضره كأننآ من الدول المتدنيه :011:

[حـنـيـن]

من جد تسيييييييييب وما فيه تنظيييم

ع الأقل وجهوونا الله لا يهينهم حتى لو ورق ع الجدران حنا مستجدااااااااااااات وش درانا عن نظاااااااامهم :011:

[ناريمان]

الله يعينكم ويفرجها عليكم..

اهم شي بردوا اعصابكم..

ولاتنقهرون..

لانه ياما وياما بتشوفون من حركات التطنيش والسحبات والتصريف..

[~.. E7sas]

حسبي الله على بليسهم هم ونظـآآمهم ..~

أحنا بنـآآت العربي ماعطونا الا ورقه كيف ندخل على البنر ..

يعني ورقة الجدول هذي مشفناها غير مع البنات اللي في الاقسام الثانيه واذا سألنا السكرتاريه او شؤون الطالبات كلهم جاوبونا الاجابه نفسها ماندري ..

اذا هم مايدرون من يدري جدتي مثلآ <~ منقهره موووت