اعتماد شهادة التعليم عن بعد؟؟

[الاعمال]

وشفيكم ياجماعة الخير مافي شي رسمي مافيه رسمي رسمي
كيف مافيه شيء رسمي ولاهي معتمده ولامعترف فيها من قبل وزارة التعليم العالي
او من قبل اي جهه رقابيه أو حكوميه ؟؟
يكون بعلمكم لولا موافقة وزارة التعليم العالي على وضع الجامعه والانتساب المطور عن بعد
كان ماتحلم الجامعه تسويه ولا تتجرأ أصلا
ولاهو لازم تتطلع الجامعه بيان رسمي ولا شي
ويكفي انكم تدفعون فلوس وتتم الاختبارات في مدارس حكوميه وشتبون بعد !!
وبما ان البطيخ توه نازل وأحمر وحلو كل واحد منكم يتطمن ويحط في بطنه بطيخه صيفي
ويذاكر باقي المواد ويكمل باقي المستويات بجد واجتهاد وعن التشكيك والوسوسه اللي مالها داعي

[نايف المرداني]

اعتقداي الشخصي وهي وجهة نظر

حالها وحال التعليم العادي ( ثانوي ومتوسط وابتدائي ) لان التعليم هذا معتمد

لكن للامئنان ع حقوقنا مثل ما قال ماجد نود بأصدرا بيان رسمي معتمد من الجامعة بذلك او من وزارة التعليم العالي

[Mzaje]

جامعة الملك فيصل تعليم عن بعد جامعة حكومية معترف فيها ومعتمده من التعليم العالي

ولكن بعض الجهات لا تعترف بالانتساب او التعليم عن بعد من أي جامعة كانت

وهذا بيان عن جامعة الملك فيصل بكل تخصصاته وتعليم منتظم عن بعد من التعليم العالي

http://www.mohe.gov.sa/ar/studyinside/Government-Universities/Pages/KFU.aspx

[t3aleel]

معتمده الجامعه ماجاك عندي بس أنت أخذ الشهاده الحين

[أورنس الروقي]

اخي الكريم :

مسئلة الاعتماد من اي ناحيه ..؟

اذا من ناحية ترقيات نعم معتمده وتعطيك 4 نقاط .

اذا من ناحية تمنحك وظيفه هنا في غلط من هذا الناحيه هل توظف او لا ولكن بعد خروج اول دفعه هنا تقيم وزارة التعليم العالي الخطه ومستوئ الخريجين اذا كان عالي يعتمد اذا لا يعدل عليه ويضاف .

هذا ما سمعته باذني من اشخاص متخصين ولكن القبول المبدئي على خطة التدريس موجود ع الترقيات وليس التوظيف ولكن اول دفعه تتخرج راح هنا يحدد بشكل نهائي .

هذا والله اعلم انا اكتب ماسمعت من مختصين يحتمل الخطاء والصح .
-
-
-

[شموع العسيري]

وش سالفه
شدو حيلكم ولا تشيلو هم

[هوآجيس]

الحين كل الدكاتره اللي نشوف والبلاك بورد والتعليم الافتراضي والواجبات والمناقشات والمحاضرات المباشره
ولا كلن يختبر بالمكان اللي يحدده

وبالاخير تبونها مو معتمده ؟؟!

فكروا شوي


عموما نسأل الله التوفيق والسداد لما يحبه ويرضاه..

[البارقة]

هالحين حنا مستوى ثاني ولسا جالسين نسال معتمدع ولا غير معتمده
هذي جامعة حكومية فاكيد معتمده بس الخلاف انه فيه قطاعات ممكن ماتوظف خريجين
التعليم عن بعد
والرزق بيد الله سبحانه وتعالى
وبسسسسسسس

[دحبش]

هي أن شاء الله أنها معتمده بس اللي خايف منه وشايل همه
هل أقدر اتوظف فيها ولا لا ؟؟
يعني هل خريج الانتظام يفضل على المنتسب ولو كان أقل منه معدل ؟؟
وهل إذا نويت اطلع بعثة واكمل الماجستير بتمشي اموري ؟؟!

[ضمير رفع]

الانظمة والقوانين لا تؤخذ بالعقل والمنطق
صحيح جامعة حكومية وعريقة
لكن
وزارة الخدمة المدنية ومكتب العمل لا يعترفون بالواقع ولا بالعقل
ولا زالت الافكار الحجرية تدير انظمتها ،ربما هناك بعض التطور
الا انه لا زالت بعض الانظمة من العصر الحجري

اتفق مع ماجد واقول ان على الجامعة اصدار بيان يشمل اعتراف
جهات التوظيف(الخدمة المدنية، مكتب العمل ) ببرامج الانتساب المطور