 |
|
||||||
| منتدى كلية العلوم بالدمام منتدى كلية العلوم بالدمام ; مساحة للتعاون و تبادل الخبرات بين طالبات كلية العلوم بالدمام و نقل آخر الأخبار و المستجدات . |
 |
|
|
أدوات الموضوع |
2013- 1- 22
|
#21 |
|
أكـاديـمـي
|
رد: نتيجة التخصص
بالنسبه لتثبيت الرقم فمعناته انك خلاص ما تقدرين تغيرين الترتيب وان ترتيب الرغبات تم تثبيته
اما بالنسبه لنتيجه التخصص فبتلقونها في الخدمه الذاتيه > التسجيل > اختاري اي واحد من الخيارات > ايقونه المعلومات الأكاديميه الخاصه بي وشوفوا المربع الازرق بيكون اخر شي فيه اسم التخصص .. اذا بعدكم تحضيري بيطلع general واذا تم اختيار التخصص بيطلع لكم اسمه بالتوفيق 
|
|
|
2013- 1- 22
|
#22 |
|
أكـاديـمـي
|
رد: نتيجة التخصص
للي مو عارفه وش تسوي
اولا يفضل ان كل وحده ترتب لها جدولين من الحين ومن قبل ما تطلع النتيجه لان شكل النتايج بتتأخر رتبي جدول على حسب الرغبه الأولى او الثانيه اذا كان معدلك فوق 3 فبإذن الله بيقبلونك بالرغبه الأولى اما اذا كان اقل من 3 فأحتمال الاولى او الثانيه لكن عموما سووا جدولين احتياط طريقه ترتيب الجدول ( انا بحط المثال مواد تخصص الأحياء .. بالنسبه لباقي التخصصات شوفوا موادكم زي ما هي بالجدول .. واتبعوا نفس الكلام الي بكتبه ) اولا ادخلي هذا الرابط https://www.box.com/s/a6awgaxsgnwthg01wjct بتلقين فيه جميع الجداول .. جداول التخصصات ( وفي حالتكم اختاروا الخطه الجديده ) + جداول المواد العامه + جداول الاختبارات ثانيا ادخلي جداول التخصصات وافتحي عالتخصص الي بترتبين جدوله بتلقين بالجدول موجوده مواد مستوى ثاني + رابع + سادس + سابع وثامن انتي طبعا ما عليك بباقي المستويات عليك بمستوى ثاني فقط بيكون جنب كل يوم جميع المستويات الي قلتها مرتبه ترتيب تصاعدي مواد مستوى ثاني حسب ما كانت السنه الي فاتت هي علم خليه + اساسيات علم بيئه + علم لا فقاريات + انجليزي عام + ثقافه اسلاميه + مبادئ احصاء جيبي ورقه وقلم وسطريلك جدول من السبت للأربعاء حطي اسماء الدكتورات الي تبينهم ( سواء مجربتهم او سائله عنهم ) ثالثا ابدي الحين ابحثي عن اسم كل دكتور او دكتوره تبينها وشوفي مواعيدها بالجدول .. موعد محاضره النظري والعملي وهذا تقسيم كل ماده علم اللافقاريات 3 محاضرات .. محاضره نظري ساعتين .. محاضره نظري ساعه .. محاضره عملي ساعتين علم الخليه محاضرتين .. نظري ساعتين وعملي ساعتين اساسيات علم البيئه محاضرتين .. نظري ساعتين وعملي ساعتين واذا اخترتي المحاضره النظري لازم تتبعين الشعبه نفسها للمحاضره النظري الثانيه او للعملي بالنسبه للعملي فلازم يكون مرتبط بالنظري .. يعني مو تحوسين الدنيا على كيفك وكيف تعرفين اذا مرتبطه او لا ؟ بكل بساطه بيكون جنبها حرف مع رقم .. بيكون نفس الحرف موجود عند النظري ( مثلا ث1 او ج او غيره ) .. او في طريقه ثانيه هي رقم الفصل .. اذا كان رقم فصل محاضره النظري مثلا 7862 بيكون العملي 7863 > اكبر منه بواحد فقط ومو شرط الدكتوره الي مكتوبه عند العملي تكون نفسها عند النظري .. لان دكتوره العملي تكون مشرفه فقط على المعمل الحين ابدي اختاري المواعيد الي تناسبك واكتبيها بالجدول الي على الورقه لكن انتبهي انه ما يكون في تعارض بين المحاضرات .. بمعنى انه ما يكون في محاضرتين بنفس الوقت بتلقون لكل دكتور او دكتوره اكثر من شعبه .. احتمال شعبه او شعبتين او ثلاثه .. بمعنى انه لو ما تناسب الموعد الي اخترتيه مع جدولك ممكن تلقين له موعد ثاني وفي حال ما لقيتي حاولي تغيرين شوي بمواعيد المحاضرات الثانيه واذا ما قدرتي اختاري دكتوره ثانيه اذا كانت زينه وبعد ما تخلصين مواد التخصص روحي لجداول المواد العامه كل ماده عامه لها محاضره نظري وحده مدتها ساعتين .. ما عدا الانجليزي العام له محاضرتين .. وحده ساعتين ووحده ساعه كلهم نظري وايضا نفس مواد التخصص اختاري الدكتورات الي تبينهم وحطيهم بالمواعيد الي تناسبك وايضا ان ما لقيتي حاولي تغيرين .. شوفي اذا في مواعيد ثانيه سواء للمواد العامه او للتخصص .. طبعا خليك فاتحه الجدولين مع بعض رابعا اخيرا بعد ما ترتبين جداولك بهذي الطريقه الي ان شاء الله ما تلاقون مشاكل فيها انتظري على ما تطلع نتيجه تخصصك .. وان شاء الله تطلع قبل ما يفتح التسجيل حتى لو بكم ساعه وعلى طول روحي للبيبل سوفت وادخلي الخدمه الذاتيه > التسجيل > اضافه فصول > بحث > بتلقين تحت كلمه بحث > موافق وبتفتح لك المقررات كامله من سنه اولى الى رابعه دوري عن مواد مستواك واختاري المواعيد الي سجلتيها بجدولك اذا ما لقيتي الموعد بين الثلاث الي بالجدول اضغطي على ( عرض كافه الاقسام) وبتفتح لك كل المحاضرات للماده .. واذا ما لقيتي الموعد بالمره معناته انه تم تغيير الدكتوره وان شاء الله هالشي ما يصير لكم خامسا اذا لقيتي الموعد الي تبينه اضغطي على تبويب تحديد فصل ثم بيطلع لك موعد محاضره العملي الي مرتبطه فيها اختاريها ثم اضغطي العنصر التالي وبتطلع لك المحاضرات الي اخترتيها لهالماده اضغطي العنصر التالي مره ثانيه وبيقولك تم اضافه الماده لعربه التسوق بنجاح سوي نفس الشي مع باقي المواد لحد ما تضيفين موادك كلها سادسا واخيرا وبعد ما يفتح التسجيل ادخلي على عربه التسوق على طول وحطي صح جنب كل المواد واضغطي تسجيل ثم انهاء التسجيل وكذا يكون تم بحمد الله تسجيلك لجميع موادك بنجاح  ملاحظات 1- لا تنسين تشيكين على جدول الاختبارات عشان ما تنصدمين بيوم الاختبار في حال كنتي ماخذه مواد من نفس المستوى فما بيكون عندك مشكله بإذن الله وبتكون كل ماده بيوم منفصل .. اما اذا كان عندك مواد من مستوى مختلف مثلا اذا حامله ماده من مستوى اول وبتاخذينها مره ثانيه فضروووووري تشيكين عالجدول لأنه يمكن يتعارض موعد اختبار الماده مع وحده من موادك .. كثير بنات ما شيكوا وانصدموا بالاخير ان عندهم اختبارين بنفس اليوم او احيانا بنفس الوقت !!! 2- بالنسبه لساعات المحاضرات الي كتبتها فهذي هي الساعات الفعليه الي بتدرسينها .. و ليست عدد الوحدات .. حيث انه بالنظام تحتسب محاضرات العملي بساعه واحده وليس ساعتين .. فمعناته ان الماده الي عدد ساعاتها 5 تحتسب بـ 4 وحدات والي عدد ساعاتها 4 تحتسب بـ 3 وحدات لكن زي ما قلت هالكلام لمحاضرات العملي فقط وليس النظري .. النظري يحتسب بساعاته الفعليه مثل ماهي طبعا بتتسائلون ليه اقولكم هالكلام مع انه ما راح يغير ساعات الدراسه بكل بساطه لأن كلما زاد عدد وحدات الماده كلما زاد تأثيرها على المعدل + لازم ما يقل عدد الوحدات الي بتاخذينها بالترم عن 12 وبالتالي انتي بتجمعين عدد الوحدات وليس عدد ساعات المحاضره + عدد الوحدات هو الي يحدد عدد ساعات الغياب 3- كيف تحسبين عدد ساعات الغياب لكل ماده ؟ تاخذين عدد الوحدات وتضربينه بـ 3 ( طبعا هالطريقه مختصره لطريقه اطول ) بمعنى الماده الي عدد وحداتها 4 فيها 12 ساعه غياب .. وحداتها 3 فيها 9 ساعات غياب .. وحداتها 2 فيها 6 ساعات غياب وزي ما قلتلكم العملي يحتسب بساعه واحده بغيابه .. يعني لما تغيبين محاضره عملي مدتها ساعتين بتصيرين كأنك غايبه ساعه وحده  4- بالنسبه لعلم الخليه فهو يعتبر حاله شاذه بالنسبه لعدد الوحدات .. حيث ان محاضره النظري (الي مدتها ساعتين) تحتسب بوحده وحده .. وايضا محاضره العملي وحده وحده .. وبالتالي عدد وحدات الماده 2 فقط والله اعلم اذا كان في مواد ثانيه بمستويات اعلى تنطبق عليها هذي الحاله .. انا للحين ما مر علي غير علم الخليه 5- في حال لا قدر الله تم تغيير الدكتور او الدكتوره .. فعلى الاغلب ان الدكتوره الجديده بتاخذ نفس مواعيد الدكتوره القديمه .. وبالتالي ما راح يتاثر ترتيب جدولك 6- لا تنسين تاخذين من الجدول موقع المحاضره عشان ما تضيعين لما تبدا الدراسه اتمنى اكون افدتكم بالتوفيق جميعا |
|
التعديل الأخير تم بواسطة MAD SAMA ; 2013- 1- 22 الساعة 04:02 AM |
|
|
|
|
2013- 1- 22
|
#23 |
|
أكـاديـمـي
|
رد: نتيجة التخصص
  يعطيك العافية |
|
|
|
2013- 1- 22
|
#24 |
|
أكـاديـمـي فـعّـال
|
رد: نتيجة التخصص
طلعت نتايج التخصصاات
 
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مستقبل التخصص بالتوظيف | سيف ماجد | ارشيف المستوى 5 تربية خاصة | 19 | 2013- 1- 1 09:20 PM |
| ايش المهم في مادة الاضطرابات السلوكية وتعديل السلوك | هاوي دراسة | ارشيف المستوى 4 تربية خاصة | 1 | 2011- 12- 18 05:30 PM |
| جدولي بالمذاكرة النهائيه استعداد للاختبارات | المسآفرة | ملتقى طلاب التعليم عن بعد جامعة الملك فيصل | 30 | 2011- 12- 4 05:39 PM |
| مطلوب { خيارات م 9 مادة الإستماع والإستيعآب + كلمات مادة الانشاء والتعبير 1} | Reem.AB | E3 | 4 | 2011- 12- 1 11:45 AM |
| مكالمتي مع د.عبدالله النجار بخصوص مادة فقه السيرة | الحفراوية | ملتقى طلاب التعليم عن بعد جامعة الملك فيصل | 36 | 2011- 6- 19 07:10 PM |
