المشاكل اللي واجهتك بالاختبار

[Aseel Hamad]

الوقــــــــــــــــــــــــــــــــــــتمرة مرة مايمدي
يابنات اللي تقول كفانا الوقت وطالعين من نص الوقت ماشاءالله هذولي درسوا وحفظوا اسئلة العام وفعلا جت نفسها عشان كذا حلوا وهم مغمضين لكن اللي ماقرت اسئلة العام واعتمدت على حل خطوة بخطوة زيي اكيد الوقت غير كافي وافرضوا ان الاسئلة اختلفت هل بتطلعون بنص الوقت او حتى كامل الوقت؟؟انا عن نفسي تقريبا 15 سؤال ماجيتهم وحليتهم عشوائي
لكن للامانه الاسئلة كانت واضحة ومباشرة بس طوييييلة يعني لو في وقت زيادة كان جبت علامة حلوة

[ساعة الصفر]

حنا مركز 2 بحي الأزدهار
أنواع الفوضى دخلت المدرسة ثلالث وثلث
وتوهم ما حددو اللجان تخيلو
لين جت ونص توهم يعلقون اللجان
رحنا لمكان اللجنة جالسات المراقبات يسحبون بالطاولات
ربع ساعة يرتبونها
دخلنا اللجنة أربع إلا ربع
جلسنا ع أحر من الجمر ننتظر ع الأقل تعبيت البيانات
ماجابوها ألا أربع وزياده
جلسو يوزعزن تعبئة البيانات بكل برود
ماخلصنا من البيانات إلا أربع وثلث تقريبا
كانت حالتنا صعبة إلي فاهم المسآئل طارت من التوتر
وحسبنا الله ونعم الوكيل
ودي أوصل صوتي للأداره
أحد يوصله لي أرجوووكم
والله هالمراقبات تعبولنا نفسياتنا مره زود ماحنا تعبانين من المذاكر وشيلة هم الأختبار

قسم كانت فيني العبره حطو أنفسكم بمكاني ومكان الطالبات الي معي

[RMA]

المراقبات موعجات وما وزعوا الورق الا بعد ساعة من دخول الوقت


من كثر الازعاج اعيد قراءة السؤال اكثر من مرة



الله يوفقنا وييسر امرنا

[الطرف الخجول~]

اول شي المكيف اللي مشغلينه فووق راسي

ثاني شي تاخر اوراق الاختبار الوقت ضيق تجي تستهبلو وماتوزعو الورق بسرعه لييه

والمديره ستايلها مو عاجبني <<براااااااا ههههههههه

[خـالــد]

اثباتك لو سمحت حسيت اني بنقطة تفتيش

مو ناقص الا يقول فين تشتغل

[عسله]

الوقت ما يكفي لا زم نشوف حل .. لازم نكلمهم يخلون مدة الأختبار ثلاث ساعات ... خلص الوقت وانا باقيلي أسئله ما حليتهم ... والله حليت أي كلام .. لضيق الوقت

[مجنونهmeshoo]

لو كان في وقت لو نص ساعه كنت جبت الدرجه الكامله
بس الوقت ضيق جدا وتوترت اعصابي مامداني نطلع من البيت الى وهو. ياذن ولا صليت
ودخلت. القاعه طلعت اذن المغرب المفروض يعطونا وقت لصلاه
الاختبار يبدا 3 ونص والي بيتهم اخرر الدنيا كيف يفطر عندهم مثلا

لابد انهم يشوفون لنا حل في الوقت. يضيع الوقت كله على البيانات

[Assir]

السلام عليكم ورحمة الله وبركاته

بكل تاكيد الجهود طيبة ولكن هناك ملاحظات

اولا : ما جتنا سالفة هالظرف اللي تحط جوالاتك فيه الا بعد حادثة تسريب اسئلة المحاسبة 2

واشوف ان الخلل لم يكن من الطلبة بل كان من الجامعة

سالفة احط جوالي بظرف وتحت الكرسي والله مو حلوة خصوصا وانا كبرنا كثيرا على سوالف الغش ,

ثانيا : وقالها الاغلبية كل شوي جايك ويقاطعك اثباتك .. سلامات

وكمان الطاولات صغيرة كسرت ركبنا والله المستعان

والله يسهل الجاي ماتدري لا يسوون لنا تفتيش شخصي

تحياتي للجميع //

[في امل]

الوووووووووووووووووووووووووووووووووووووووووووووووو وووووووووووووقت

[pop400]

المشاركة الأصلية كتبت بواسطة assir

السلام عليكم ورحمة الله وبركاته

بكل تاكيد الجهود طيبة ولكن هناك ملاحظات

اولا : ما جتنا سالفة هالظرف اللي تحط جوالاتك فيه الا بعد حادثة تسريب اسئلة المحاسبة 2

واشوف ان الخلل لم يكن من الطلبة بل كان من الجامعة

سالفة احط جوالي بظرف وتحت الكرسي والله مو حلوة خصوصا وانا كبرنا كثيرا على سوالف الغش ,

ثانيا : وقالها الاغلبية كل شوي جايك ويقاطعك اثباتك .. سلامات

وكمان الطاولات صغيرة كسرت ركبنا والله المستعان

والله يسهل الجاي ماتدري لا يسوون لنا تفتيش شخصي

تحياتي للجميع //

أولا أحييك لتشجيعك نادي الشباب
ثانيا الأختبار الجاي ابجيب مركى ومدة أريح
أجل أبو عيال وجالس على كرسي واحد من عيالي بالمتوسطه
عسى ما تحرك رجلك الا بحديد الطاولة في ركبتك ولا يخفاك وجع الظهر يزاوية 90
من صغر الكرسي.
نحتاج مكان يليق بنا لتأدية الأختبار وبدون معوقات أو أسلوب أخر لتأدية الأختبار
وتصميم جديد لنوذج حل الأختبار وذلك ممكن بشريط البار كود الذي يعبئ معلومات
المتقدم للأختبار بدلا من صرف الوقت والجهد وكتابة تعهد لا أرى له سبب بتكرارة
سوى مطابقة خط المتقدم إن دعت الحاجة (ربما)

سامحونا لكن الخدمات المساندة والترتيب يبيله شوي ولا يهونون المراقبين الأعزاء
يكثرون مقاطعة ويشتتون التركيز .... آمل الأخذ بالأعتبار ملاحظتي من قبل القائمين
وللجميع دعواتي بالتوفيق ولكم التحية