[ جميع التخصصات ] : استفتاء بشأن الخدمات المقدمة في الكلية // دعوة للمشاركة ..

[Яќặž]

وعليكم السلام ورحمة الله
خطوه حلوه منكم ونتمنى تاخذون ارائنا بشكل جدي
جوري ماقصرت قالت اللي في خاطري
اولا المصلى اللي محد يصلي فيه بسبب صغر مساحته ومكانه بالدور الثاتي
ثانيا والاهم واللي قاطعن قلبي من دخلت هالكليه وانا اقول عنه (الكراسي)
خشب الكراسي خشب ياناس خشب ليه. ،؟ لا جد ليه. .؟
محاضراتنا بالساعتين والثلاث تعذيب كذا نبي كراسي مريحه عشان نركز بالمحاضرة اصواتها مزززززعجه
وشكرا

[jooOori]

+

نبي ترررررم صيفي ..

+
بنات لاتنسون باصات الحكومة اذا احد يبي يعلق عليها ( مكيف ، كراسي ...الخ )

+
شكرا لك ..

[jooOori]

يآليت يكونون الدكاترة والدكتورات سعوديين ..

الصراحة ما احب من الجنسيات الثانية > احس مايفهمونا

[Butterfly1434]

الموضوع متآخر نسبيا
بس مايمنع نرد

%% معاناتي مع الكلية 4 سنوات %%


الآمن < اللي يقهههر من الصباح لما ادخل .. ارفعي العباية وهاتي الشنطة
دورات المياه ( اعزكم الله.. > دايم الريحة واحيان مافيه مويه خاصة الدور الأول الريحة

البردات حقت الشوكليت والشيبسات & المويه ,,الأكل يوقف بالنص وماينزل
برادات الكوفي << بعضها خربانه وسايل الكوفي منها للأرض
كل مره يتكلمون عن البرادات وماشفنا شيء!! للحين خربانة !!خاصة ان الكفتريا زحمة ومايمدي احيان بريك مافيه ياليت تلقون حل للزحمة

التكييف في القاعات << حر بنموووت للحين على حار ..صيفنا آخر يوم انكتمت مع اني لابسة خفيف بس لاتبالغون في البروووووودة ساعات احس اني تجمدت وماركز من البرررررررررررررررررد يعني كافي 3 ساعات محاضرة وبرررررررررررد
** التكييف في المدرجات العكس<< صقيع كم مره تجمدت ومرضت بسببها خاصة 2-5 عربي مآآآررره بآآآآآآآآآآآآآآآآآآآآآآآآآآآآآآآآآآآآآآآآآآآآآرد اخر مره حضرت فيه وتجمدت وهربت من المحاضرة بسببه

بالنسبة للشبكات في المدرجات مع اني ماعندي ولا شبكة هالترم ,, الصوت دايما واطي من نفس هذا مدري وش اسمه الجهاز حق التحكم بالصوت يعني لازم كل محاضرة تصعد بنت تعليه والله خطر علينا

واحيان مره عالي الصوووووووت خاصة 2-2 مدرج دايم الصوت
والمايك احيان خربان ننتقل لمدرج ثاني عشان نكلم الدكتور ..

الكراسي اللي بالمدرجات تعور الظهر

النوافذ في القاعات بعضها خربان ومافيه شبك ياطولها وعرضها ومافيه شببك
** مكتبة تطورنا وصار عندنا انتهت مشاوير العلوم بس احس اني ماحتاجها الكتب مو متوفرة زي اللي بالعلوم .. بس نظيفة اللي بعلوم مغببره
الأمن يعاملونا زي الأطفال الصغار ترى احنا كبار نعرف مصلحتنا صح فيه ناس بس مو الكل ,,دايم ينكدون علينا جو الدراسة ( المدرجات ممنوع نجلس فيها ,, لابتوب معقدين السالفة تصريح ومية توقيع وختم احس اني بجيب قنابل مو لابتوب كلها دقايق وراجعه البيت حتى مايمدي نشغله بالاساس كل شيء صعب بالكلية لازم تواقيع وختم والف اثباااات !!

أمن عربي خفوا علينا بكل مكان ناشبين حتى دورات المياه مححاصرين كآننا في سجن مو كلية
امم مابقى شيء حاز بخاطري ماقلته ..



وخير الأمور أوسطها

[Butterfly1434]

اذا فيه اجازة
ياليت تتعلق على البوابة ورقه كبيرة انه اجازة


يعطيكم العافيه للمضي قدما مع اني بتخرج بالعافيه عليكم :58545:
يؤؤ صح بداوم سنة خامسة

[معاني ورد]

طيب أوكي بحط رد جاد وبنقاط مع قليل من الحلطمه للتوضيح :58545: :

1. كل مكتب لازم يكون عنده أسماء الدكاتره اللي فيه مكتوبه. ( الحلطمه : مو معقوله ندخل 4 مكاتب عشان بس نسأل فلانه موجوده ولا لا )

2. نحتاج لوحه ارشادية + خريطة كروكي محدثة updated يعني للكلية تنحط عند جهة معينة مثل الإستقبال يكون فيها كل الجهات يعني مثلا مكاتب الإدارة الخاصة بالإنتساب وين؟ الدراسات العليا وين ؟ الطبيبة وين؟ مباني 64 أو 63 خاصة بأي قسم؟؟ الدوائر بالذات قااااهرتني مو مكتوب عليها شئ غير أرقام ليش مايضاف لها القسم مثل الممرات. وألحين فيه أقسام جديدة ما أعرف وينها بالضبط ( الحلطمة : أكثر كلية الكل يضيع فيها بغض النظر عن انهم أول سنة أو ثاني سنة )

3. ودي ينحط كل قسم بلون والدوائر تبعه بلون زي مجمع الظهران ترى هذا جد مو حلطمه ( عشان كل وحده تحفظ لون قسمها وتروح تلقائي تتبع الألوان بدون ما تسأل أحد > معاناة وحده دايم مضيعه )

[أحساس مشاعر]

والله كل شي يهون الا اسلوب الموظفات لمن نبي نسأل ولو عن شي تافه المرمطه هذي لازم من غرفه لغرفه وبالأخير ياليت نلقئ جواب بصراحه طاب الخاطر من الكليه والدراسه بكبرها

[miss.R.N]

بسم الله وعلى بركة الله




بالبداية الحق يقال ان كليتنا افضل من غيرها بكثيير ولله الحمد.. بس لاتخلوا من بعض الملاحظات اللي نتمنى انكم تنظرون لها بعين الاعتبار وتتخذون خطوات لمعالجتها..

اهم شي البيبول سوفت
ندري انه نظام جديد وانه قيد التطوير .. بس مدامه مو جاهز لآستقبال طلبات الالاف من الطلبة والطالبات ليش استعجلتوا وفتحتوه..؟!
اقعد طول يوومي علييه وتضيع الاجازه وانا بس همي التسجيل لدرجة اني ماكنت اطلع مع اهلي اخاف يفتح وانا مو حوله... حتى اللاب وربي كان معاي ع السرير افز من نومي واشغله عشان اشيك..
واذا اذا فتح معي علق وطردني برا الصفحه هالنظام الجميل

- اسعار التصوير ليش كذآ .. اقصد الملون غاالي جداا مايسوى علينا
لا والتدبيس بريال

- المكاين خربانه بس تسحب فلوسنا ياليت تتصلح

- اللوكرات ليش بفلووس...هذا شي من حق الطالب انه يتوفر له..بعدين احنا معنا عبايات وكتب الواحد كبر الجدار..وين اوديهم..؟1 مااقدر احطهم باي مكان وارجع ماألاقيهم..

- مكان اللوكرات جدا جدا غبي..معليش يعني.. بس وش استفيد منه وهو عند البوابه الخارجيه..؟! احط عبايتي بس..وكتبي امشي فيهم ..ترا مررآ حالتنا صعبه مع شناطنا والعفش الزايد


هذا بعض مما عندي واعذروني ع الحمااس

[Oopss]

في كم نقطه حابه ازيدها ..
اول شي بتخرج وانا ماشفت العميده ليه ماسكه وزاره ع غفله كل ما بغيت منها شي القى بس السكرتيره وهي الوسيط بينا وبينها ليش فينا جرب مثلا المفروض لها اجتماعات دوريه مع الطالبات لأن الاقسام ماعاد تنفع ابد

قسم التصوير فاشل في معاملته لنا وكأننا نطر منهم الاوراق من دريشتهم و هذا يسبب زحمه والشمس ما تقصر علينا تسوي فينا حفله باربكيو

الكراسي ممكن تكثرونها شوي في انحاء الجامعه طاحت رجولنا من المشي

سؤال اخير ..الخدمات اللي تستفتي عشانها تخص الهيئه التعليميه ولا المرافق العامه ؟؟عشان ما احس كلامي ملخبط و ع الفاضي

[مزيونة نجد]

اول واهم شي اتمنى ان الكلية يسوونة

انهم ياخذوون جميييع ارقااام الطالباات ويرسلون لهم اخر الاخبار فيهاا

مثلا في غبار يرسلون يقولون اليوم اجازة لحد يجي

تجي دكتورة تبي تأجل الاختبار ترسل لفئة طالبات التاريخ انه تأجل

دكتورة تبي تغيب ترسل لنا المحاضرة ملغية

والله قهرر انا اكثر الايام ماعندي الا محاضرة وحدة واجي الكلية عشانها واخرتهاا ملغية

واتوقع الطريقة سهلة للرسايل في الي من النت تنرسل ببلاش وفي زي الي يرسلون دعايات وعروض بجوالاتناا

هم ابخص بيعرفون شلون

ثاااااااااااااااااااااااني اهم شي عندي انهم قبل لا نسجل جداولناا يكونون مرتبين جداول الامتحانات النهائية
عشان اذا جينا نسجل موادنا ما يصير عندنا تعارض مع الاختبارات كذا اريح لنا واريح لهم بعد عشان مايعيدون لنا اختباراتناا وحوووسة


ثااااااااااااااااااااااااالث اهم شي تسوون دورات اخلاقية ونفسية للمشرفات وبعض الدكتورات والموضفااات الي ينزرونا ويصرخون عليناا ويهزئونا اذا جينا نستفسر عن شي ما يعرفونة *( طيب قولي لا وبس ) دايم بعد ما يخلصون صراخ اقول لهم هالجملة . وان ما استفادوا من الدورات

عطووهم غرااامة على كل صرااخ يصرخونة على بنت ولا يفشلونهاا مالهم حق ابدااا واناااا كم مرة ابي ارد بس امسك نفسي لاني افضل منهم

رااااااااابع اهم شي عندي برااا عندنااا مساااحااات كبيييرة ربعهااا زرع وثيل واغلبهااا بر

حطو لناا ثيل وبحيرة صغيرة وممرات حجر ونافورة بالنص والله هالاشياء ما تكلف لو تستفيدون من هالعشرة الي تاخذونها من كل بنت في شهر واحد تقدرون تسوون بهالفلوس جنة في الكلية .


خاااامس شي زي ما قالو البنات نضفوا القبة الزرقاااء من جد شكلهااا يقهر

سااااااادس شي حطو لنااا مصلى كبييييير مع حماماته تحت بالدور الارضي


وشكرااااا اتمنى انكم تستمعون لكلامناااا والله بتجيكم دعاوي من كل مكااان