تعالوا نبكي شوي

[@بوفهد]

هذى بعض النماذج للاسئلة

[@بوفهد]

ربي يخليكم جميعا ومشكورين على هذا التفاعل والاحساس الرائع

للجميع الف شكر على كل شيء

[عيطموسه]

يابو فهد تعوذ من ابليس
وانتم كلكم تعوذوا من ابليس
اولا يابوفهد مجرد انك ماتحتك بالدكاتره وتحضرهم وجها لوجه هذه نعمة عظيمة انت ماقدرتها
انت تعبك نفسيا وانت تشوفه من ورا قزازه اجل لو مقابله وش بتسوي
اللي جرب انتظام يعرف الدكاتره والدكتورات واساليب ظلمهم وتطفيشهم للطلبه
ثاني شي لا تحظر محاضرته حملها وتابع المنتدى اذا فيه اختلاف بينكتب هنا انهم لقوا اختلاف وبكذا تاخذ الدرجه وتحافظ على نفسيتك ممكن المحاضره الاخيره والمحاضرات المباشره تابعها فقط
وثالث شي اقرا المحتوى بتركيز وحاول تطبع كل اسئلة مراجعه او اسألة كتاب للماده وحتى لو الاسئله حاطينها طلاب او طالبات بعد بتكون مفيده اهم شي تتعرف غلى المعلومه وقت الاختبار مهو تحفظها نصا لان الاختبار اختيار من متعدد
اجل لو مقالي ومعطينك دفتر وقايلين تحدث وتكلم وش بتسوي
ومن متى اصلا التعليم عندنا احد يستفيد منه شي هذا اذا تقدر تسميه تعليم افشل مناهج في العالم مناهجنا وكل مالها من جرف لدحديره

لاتعصبون ولا شي ترا امراض الاعصاب منتشره والعياذ بالله

[roqa]

فضفض .. ياناااس بالله خلوه يفضفض مافيها شي ..

أبو فهد ماعاد عندي أي إضافة على يلي قالو الاخوان والاخوات ..

بالتوفيق وان شاءلله يارب ننجح كلنااااااا بهالمادة وعلى راسنا انت .. بس بعدين بدنا الحلوااان ..

[mercy]

المشاركة الأصلية كتبت بواسطة عيطموسه

يابو فهد تعوذ من ابليس
وانتم كلكم تعوذوا من ابليس
اولا يابوفهد مجرد انك ماتحتك بالدكاتره وتحضرهم وجها لوجه هذه نعمة عظيمة انت ماقدرتها
انت تعبك نفسيا وانت تشوفه من ورا قزازه اجل لو مقابله وش بتسوي
اللي جرب انتظام يعرف الدكاتره والدكتورات واساليب ظلمهم وتطفيشهم للطلبه
ثاني شي لا تحظر محاضرته حملها وتابع المنتدى اذا فيه اختلاف بينكتب هنا انهم لقوا اختلاف وبكذا تاخذ الدرجه وتحافظ على نفسيتك ممكن المحاضره الاخيره والمحاضرات المباشره تابعها فقط
وثالث شي اقرا المحتوى بتركيز وحاول تطبع كل اسئلة مراجعه او اسألة كتاب للماده وحتى لو الاسئله حاطينها طلاب او طالبات بعد بتكون مفيده اهم شي تتعرف غلى المعلومه وقت الاختبار مهو تحفظها نصا لان الاختبار اختيار من متعدد
اجل لو مقالي ومعطينك دفتر وقايلين تحدث وتكلم وش بتسوي
ومن متى اصلا التعليم عندنا احد يستفيد منه شي هذا اذا تقدر تسميه تعليم افشل مناهج في العالم مناهجنا وكل مالها من جرف لدحديره

لاتعصبون ولا شي ترا امراض الاعصاب منتشره والعياذ بالله

بردتي تسبدي الله يبرد تسسسبدتس

[عبدالله ال سبيع]

الصبر جميل

[حلمي آتنفسكـ]

ليه ليه الخيـآنه قد بكيت وخلصت يعني م فيني

على قولةة الشآعر (نذير لبـآهـ :p) بكيت لمآ خلصت دموعي >من عندهـآ

.
.
هونهـآ تهون .. صعبوهـآ تصعب .. الله يوفق الجميع ويَ رب نطلع نبكي فرح من كل الأختبـآرآ ت

على قولة الشآعر > أمكسي البـآب

[nadak]

الله يعطيك العافيه شكرا شكرا شكرا احسب انا اللي مو فاهمه

انا كنت من محبين الادارة وكتبها ومواضيعها وكنت احسها مجال رائع ومفيد لاي شخص وكنت محتاره بين الادارة وعلم الاجتماع وفرحت يوم دريت عندنا مادة ادارة واحسها مادة ذكية نحتاج نتعلم كيف ندير حياتنا ومسؤولياتنا ونفهم المجتمع

لكن هالمادة كرهتني بشي اسمه ادارة والله حرام فيه كثير كتب مفيدة جدا ومواضيع مفيدة مو مدارس مالنا فيها اي علاقة احنا نبي نفهم الادراة مو تاريخ الإدارة

عطونا ادارة تفيد تخصصاتنا كيف التنظيم والقيادة والتخطيط ممتاز جدا بس مو مدارسهم وستين الف تعريف ماعاد تعرف وش تحفظ وش تخلي


يا جماعه انا كان عندي خلفيه إدارية طيرها الدكتور جزاه الله خير


مو مسألة نجاح ولا نحفظ الاسئلة مسألة الادراه مهمه وتعبانين وجايبين المادة جيبوا منهج مفيد ودكتور يشرح

[nadak]

باقي فضفوضه بقولها


ملاحظين انه هو تقريبا اقصر اوقات المحاضرات بس سلايدات المحتوى كثيره يعني المحاضره ان طوولت صارت 40 دقيقة تقريبا والسلايدات 25 ؟؟!!!

لانه يسابق الساعه وهو يقرا المقرر اتعب وانا اركز معاه احس نبضي يزيد من التعب من كلامه ونص حكيه ما ادري وش قال ارجع واعيد واسمع لين اتعب ما طلعت بنتيجه

بعدين ودي اقول له تكفى لا تجيب امثله شركات كفرات وسيارات ترا احنا طلاب وطااااالببببات ما ادري وشي هالشركات اللي يقول

[أنثى الطهر]

قبل كم يوم وأنا جالسه احفظ فيها والله لاشعوريًا رميت الملزمه وجلست ابكي بكل قووووتي
لي اسبوعين تقريبًا وانا في نص المحاضره الثالثه
تعبت وربي تعبت كلام يشبه بعضه
درست قبل جامعه انتظام وصحيح تعبت نفسيًا
بس وربي ان ملازم الانتظام الي درست اقل من ملازم الانتساب الي الحين
كانوا ثمان تسع محاضرات لكل ماده
والنحو الامثله من المحتوى بالضبط
والانقلش بعد التمارين نفس المحتوى
الحين لا من المحتوى ولاشيء
وكانوا يحذفون لنا ومتساهلين معنا
والله على ماااقول شهيد
.
.
الله يسهل علينا جميعًا ويوفقنا
وأنت يااخوي بو فهد ذاكر الي تقدر عليه الله يسعدك
والله موضوعك اثار شجوني هههههه >>ضحكه مع دمعه