صعوبة التفلطح والتبلطح .. مع مبادئ الإحصاء

[الجندي المجهول]

فكرة ممتازة وأضم صوتي الى صوتك وياليتكم تبدون الحمله علاشان ندرك الوقت قبل يدركنا ونروح وطي في الاختبار

[الشـمـالي]

الله يعطيك العافيه

والماده شوي صعبه الله يعيين

وتشت مخك بين التفلطح والتبلطح لا وبعد تتمرحج وتتلولح

الله يستر بس

[Rashed]

هو صراحة شرحه واضح شوي بس مشكلته يشرح بطريقة خلنا نقول مانزل لمستونا بالمادة
طبعاً ماقصد انه حنا مانفهم بس هو شرحه كانه يشرح لناس اصلا عندها خلفية و اساسيات المادة
بالنسبة لي سمعت الثلاث محاضرات الولى لحد الحين حسيت انها اوكي تنفهم بس بعد و شفت الواجب ماعرفت احل ولا سؤال
لازم نرجع للمحاضرة عشان نحل اي سؤال

[سحورة]

من جد إحنا وش دخلناا بالماده مرآ ددددسسسمه وزي ماقال الساهر إحنآ أدااب

ياااارب يتغير الدكتوور

[Rashed]

المشاركة الأصلية كتبت بواسطة ختامه مسك

ليه انا احس المادة ما هيب ذاك الصعوبة بس صح تحتاج تركيز بس انها صعبة لا بس دسمه صح وسالفة اننا نسفهها لايام الاختبارات ومانذاكرها الا قبل الامتحان باسبوع ماراح ينفع كذا ذاكروا من هالحين

هذا مثال على الدفرة هنا المادة ماهي صعبة الا اذا صعبتوها

ولا اظن انهم راح يغيرو دكتور

[Dark Chocolate]

المشاركة الأصلية كتبت بواسطة دبلوماسي غير

وينها وين السهوله سهله للناس اللي جالسين بالبيت ما عندهم شغل
بس جالسين ياكلون سنكرس ويشربون بايسن

اما اللي من الساعه 8 إلى 2 يجاهد مديره والعصر عند عياله يا بابه ودنا يا بابه هاتنا

وبعد المغرب جلست شياب وين يلقى وقت يذاكر فيه التفلطح والتبلطح

من الناس اللي ياكلون سنكرز ويشربون بايسن ما اعرفهم


طيب الدوام شي مهم عيالك شي مهم

بس جلست الشياب ماهيب اهم من مستقبلك

تعلموا ادارة الوقت في حياتكم و اجعلوا الاهم قبل المهم

[Dark Chocolate]

المشاركة الأصلية كتبت بواسطة Rash!d

هذا مثال على الدفرة هنا المادة ماهي صعبة الا اذا صعبتوها

ولا اظن انهم راح يغيرو دكتور

قليلٌ مما عندكم دفرة نسخ ولصق للحين ما قمت ابحث عن المناقشات في المحتوى وابحث في قوقل واسوي افلام هنديه


ترى مسويه دافورة لاني قد اخذت المادة في الدبلوم يعني في الاعادة افادة

[مهبوله]

ودكم الدكتور ولا غيره


البلا ماهو في احد البلا في الماده نفسها


>> جايبه لها مدرسه خصوصي


يالله تووفيق ونعدي من هل الماده انا مانزلتها السمستر الي راح نشبت في حلقي هل المستوى



>> وياليل مطولك وكلن على همه سرا وانا على همي سريت


وبتووفيق لنا وعلى الحفه بعد لا اوصيكم

[مهبوله]

المشاركة الأصلية كتبت بواسطة Rash!d

هو صراحة شرحه واضح شوي بس مشكلته يشرح بطريقة خلنا نقول مانزل لمستونا بالمادة
طبعاً ماقصد انه حنا مانفهم بس هو شرحه كانه يشرح لناس اصلا عندها خلفية و اساسيات المادة
بالنسبة لي سمعت الثلاث محاضرات الولى لحد الحين حسيت انها اوكي تنفهم بس بعد و شفت الواجب ماعرفت احل ولا سؤال
لازم نرجع للمحاضرة عشان نحل اي سؤال

مدري وش يحس فيه ذا الدكتور حنا يالله طلعنا من الثنوي وخلصنا من رياضات ولا بعد قله حيا

اوما الواجب مدري كيف اصلن السوال ماغير لطشت الاجابه من المنتدى

الا النكبه وقت الاختبار من وين لمنا وابونا ملزمه ولا محاضرة مير نعصر مخنا عصر عشان تطلع اجابه ولابعد بتجي خطاء

[ابو نواف..*]

اسمحو لي اتفلسف حبتين

أخذت دورة في طرق التدريس وكيفية التواصل لمدة ثلاث اشهر

من الملاحظ ان الدكتور ممتاز من ناحية الالمام الشخصي بمادته ومتمكن لقابلية الاختبار الذاتي (( ايش معنى الكلام هذا )) حسب تعبيره هو في اكثر من مرة يقول هذي العبارة .معناها
قادر ان يقنع نفسه حسب فهمه هو ان الطريقة هذه مناسبة بينما طرق التدريس وخاصة ((الاقناع )) يشمل عدة خصائص منها 1_ الامام التام بالمادة 2_الثقة في الاجابة على التساؤلات 3_كاريزما التدريس ((هيبة المعلم)) 4_ الاريحية في الطرح ((عدم الاجتهاد الزائد )) لانه يظهرك بمظهر المتردد وغير الفاهم ويجعلك تعيد العبارات اكثر من مرة متتالية 5__ معرفة خلفية المتلقي عن المادة (( هل شرحي تذكير ام توضيح ام اضافة ام تأسيس ))
6_ القدرة على الاقناع بالموجود (( عدم جعل المتلقي يجرك الى ماهو ابعد من المشروح الان ))

والى اخره
دكتورنا يجتهد لتوصيل المعلومة وبزيادة عالية وبدى عليه عدم الاريحية مخافة الخطأ في عدم الفهم

الحل
كيف يفهم المتلقي في هذه الحالة
الاقتناع بأن المدرس افهم مني 2 الطريقة الموجودة هي الافضل 3 محاولة الاستنتاج (( جعل موضوع مشابه ومحالة التوصل لنفس الخطوات والحل )) 4 _ المراجعة لاكثر من مرتين 5_ التنبئ (( تخيل الخطوات التالية )) وهذي تنفع في تصحيح الخطأ لانك ستتذكر انه تم تعديل خطأ سابق لديك

دمتم بخير وفالكم النجاح