ينات مستوى ثاني تعاااااالو

[ابوهاجر]

طخ طخ طخ << هذا مشيك بشويش ؟؟!!

اجل لو بتهرول

[aseel.w]

المشاركة الأصلية كتبت بواسطة شموخي خرافي

انا علمي

حلو حلو اجل بتعدين وبتحبين ثلاث ارباع المستوى

أمم عندك المقررات ألعلميه :
الرياضيات تقدرين تقولين مراجعه لدروس المراحل السابقه مع إضافات بسيطه جداً تفهمينها مع شرح الدكتور
ترى دكتوركم ممتاز حبيبي قلبي أسامه حنفي


المحاسبة من اسمها مقرر يهتم بالقسم المحاسبي لأي منظمه تجاريه طبعاً من أرباح ومصروفات .
حلوه ودسمه برضوا دكتوركم رائع جداً بس اهم شئ محاضرة بمحاضرة وتحلين التمارين اول باول والواجبات
واضمن لك 100 ان شاء الله بس نصيحه لاتتهاونين بالمقرر لانه فيه مقررات تعتمد عليه بالمستويات القادمه
حاولي تتاسين صح ودكتور علاء مؤسس ناجح .


الاقتصاد الجزئي أكيد مايخفى عليك مفهوم الاقتصاد يكفي يجي 3 مرات باليوم مع مُحدثكم من ...
الماده مهمه جداً سهله جداً دكتورها سئ جداً للأسف ( حسن بلقاسم غصان ) مااقولك كذا عشان أحطمك
لا بالعكس عشان أنبهك تستعدين لمذاكرتها من بدري وتستعدين تبحثين عن معلومات ومقاطع شرح لدكاتره آخرين
يفيدونك ويدعمونك ويقونك بالاقتصاد بالاضافه لمحاضراته دكتورنا لازم تسمعهينها *ولاتنسين انتي تاسسين نفسك
بنفسك .
للأسف اقل معدل واقل درجات حققتها بالاقتصاد مع أنها من صميم عملي واحبها بس في الدراسه والدرجات غير

المواد النظريه والمعتمدة على الحفظ :
القانون بالبدايه تحسينه صعب ويخوف من اسمه وشكل الدكتور صعب بس بعد مااختبرتها غيرت رأيي
أنا مااحب الحفظ يتعبني لأني بطيئه فيه واللي ساعدني أني أجيب فيها 100 الحمد لله اسئله الدكتور السهله الله يجزاه خير
وان أسئلتنا اختباريه مو مقاليه ، المقرر يتكلم عن القانون بالمملكة والحقوق بتسمعين حاجات غريبه جديده عليك عمرك مااخذتيها ولا راح تاخذينها .

الاداره حلوه جداً فيها كم هائل من المعلومات دكتورها. ممتاز جداً ولو ان أسئلته فيها لف ودوران بس اذا سمعتي المحاضرات بتركيز وكم مره راح تلفين وتدورين اكثر منه ، بطبيعتها تعتمد على الحفظ احيانا الحنكة الذاتيه اذا كنتي
شخصيه إداريه من واقع الحياه فيها معلومات ودروس تفيدك بحياتك العامه .


نصيحه
اكثر شئ ندمت عليه في المستوى الاول أني مابديت بدري سجلت ولما تأكدت من قبول الجامعه سحبت على كل شئ وماكاني طالبه فجاءة اكتشفت ان الاختبارات بعد 3 اسابيع وانا حتى انظمه الجامعه مااعرفها كل شئ جديد تورطت اُصبت بالتهاب بالأذن من كثر ماالسماعه بأذني حتى بالسيارة وتساقط حتى بالشعر
الزبدة خليك اول باول تحيك الامتحانات وانتي واثقه من النجاح ان شاء الله .


ان شاء الله كلامي رد على تساؤلك وتمنياتي لك بالتوفيق

*

[nouf.m]

اللي عجزان يقرا رد أسيل لايك


بالنسبة للملتقى كل شوي معلق ويقول لي باد جيتواي
ينافس البلاك بورد مثلا؟

[*أستغفر الله*]

المواد سهله ,, بالنسبه للرياضيات والاقتصاد والمحاسبه

لازم تحفظين القوانيين اول بأول علشان تقدرين تفهمين المسائل ,,, ولاتتركينها الى وقت الاختبار

لأنك بتتعبين في المذاكره ,,,

والله يوفقك..

[nouf.m]

اسهل مواد بالنسبة لي
رياضيات
قاننون
مبادئ اداره سهل بالمذاكره صعب بالاختبار هو كان اقل درجه جبت فيه b
وامممم محاسبة بس تفهمين المبادئ وخلاص تصير امورك اوكي

[nouf.m]

استغفر الله سؤال جاوبي بصدق :
الاقتصاد دخلتي الاختبار فاهمته والا شايفه أسئلة الترم اللي راح ؟

[aseel.w]

نوف كنت كاتبه رد لك وعلق المنتدى ولا جاء
قهررررر


قريتي ردي انتي ...!

[nouf.m]

لا ويينه ماشفتش حاقه

[aseel.w]

كنت اقول لشموخ اعذريني على الإملاء كله اخطاء بس مو مني من الذكي آيفون

ونوف بتصحح لي الأخطاء أنا متأكده بس ماقريتي ردي

[nouf.m]

ههههههههه الله يسعدك على هالصبحية ياشيخة