هل ترفعون معي دعوى تظلم على دكتور مادة مبادئ الاقتصاد ؟؟

[اريج!!]

والله الحمدلله انا مره انبسطت

مو قصدي اني اقهركم , لا وربي بالعكس

بس انو مآبرفع لا دعوى ولا بنزل دعوى

الحمدلله اهم شي حليت في الاختبار وانتهيت منووو

الله يستر عليناآ وعليه

[بشاايرخير]

وبعدين الغلط منا احنا كان عندنا فتره شهرين واسعه
يوم جا اسبوع الاختبار قمنا نحوس وندور

لو انا نظمنا وقتنا صح من الاول كان حلينا ولا شي بيكون صعب علينا
لكن يالله كل دقه بتعليمه وان شاء الله المستوى الثاني نعوض هذا الاهمال
اللي كنا احنا سبب فيه

[أبو ريتاج]

سـوالي لكل شخـص أخذ بخاطره على الدكتور أنه جاب أسئله قديمه بدون تغيير

فرضاً أنك ماعرفت أن الأسئله هيه أسئلة بلغرسـه أو مشابهه لها أو جايبها من أعوام سابقه

هل رأيك بيتغير في أنك بترفع تظلم ..

يعني لو جاب أسئله من عنده وأنت اصلا مو مذاكر .. تتوقع بتحل افضل من كذا ..

بس العيب مو في الدكتور ..
فيه كثير من الطلاب أتصلوا أو أرسلوا رسائل على الدكتور
قال لهم بالحرف الواحد ( الواجبات - المحاضره 14 )
لو ركزت على الي ذكره الدكتور صدقني تجيب درجات طيبه

واذا حاب تذاكر غير الي ذكره شي راجع لك

لاتلـوم الدكتور لو كرر الأسئله إلى 10 سنـوات قادمـه ..!!!!

الي مذاكر مايهمه جابها نسخ ولصق ولا جابها من المحتوى

دمـتم بخير

[شعاع الأمل]

توقعت بدخل المنتدى بلاقي مواضيع شكر للدكتور غسان مو ذم

قبل اي حاجه الدكتور نبه على المحاضرة 14 وعن التطبيقات اللي فيها وتقريبا غالبية التطبيقات جات بالاختبار

وهم عندكم اسئله الواجب للماده لازم تطلعون عليها قبل الاختبار + اسئله الكتاب


بالنسبه لي ذاكرت المحاضرات من ملخص سلمان النزال ومافهمت تقريبا من الماده الا 50%

لكن راجعت اسئلة الواجبات واسئله الكتاب وخصصت لي تقريبا ربع ساعه دخلت المنتدى اشوف نماذج اسئلة السنوات الماضيه حتى اثبت مذاكرتي وبالصدفه شفت النموذج وقرأت بعض محتواه مو كله ولله الحمد مشى الحال

المفروض كل طالب يكون لام بالمنهج مو معتمد على شي معين مذاكرة الماده بدون مراجعه اسئلة وتطبيقات ونماذج ماراح تنفع لأن المعلومات ماراح تثبت بالذهن

وانا اشكر الاستاذ غسان مثل ماشكرت قبله الاستاذ علي الزهراني حتى لو ماحليت كل الاسئله صح اكتفي بدرجه النجاح اللي ماتوقعتها مع صعوبة الماده

[atat]

يا شباب هل معقول 85% من الاسئلة يجيبها من عدد قليل من الصفحات ؟؟؟؟؟؟

المعلم الناجح والغير ظالم هو الذي يضع اسئلة متنوعة منها السهل ومنها الصعب ومنها المتوسط

انا قرأت المحتوى اللي كتبه الدكتور مع شرحه ... ومع ذلك فهمت المادة جيدا ... ولكن ليه يضع اغلب الاسئلة من صفحات قليلة ؟؟؟؟؟؟؟

انا ابغى الدكتور يقدر وضعنا اولا و ثانيا يقدر جهدنا اللي بذلناه

لا تحسب اني منقهر عشان بعض الطلاب حفظ الاسئلة وجاب درجة كاملة !!!!

عدد الطلاب الجدد هالسنة كبير جدا ما شاء الله واللي استفادوا من الاسئلة السابقة ما يتعدون 2% من الطلاب

[صقر الجنوب07]

اخوي انشاء الله تعدي وتتوفق وخيرها في غيرها والي ابي افهم منك انت تبي تشتكي من صعوبة الاسأله ولا تبي تشتكي لا احد يجيب درجه ممتازه (اتمنى ما يكون النفس فيها شي) الرازق في السماء المهم ترى الاسأله ما جت من خارج المنهج كلها قدامك من المحتوى واخر محاضره قالها في المباشر ركزو على المحاضرة 14 والواجبات ولوحدها تكفي

[لولوجده]

/

مهما كان ضغط العمل
نصف ساعه كفيله انها تكفيك تدخل المنتدى وتاخذ لك كم ملخص ونماذج اسئله
يعني اتوقع انك ممكن تضيع ساعه سوالف مع اخوياك او تشوف مباراه؟
او كثير ينامو اربعطش ساعه

وبالنهايه يجي يقول ماعندي وقت

ايام الاختبار ياما سهرنا وواصلنا عشان نذاكر
ومعروف بأي جامعه ان النماذج والملخصات مهمه

/

اذا رفعت تظلم محد بيلتفت لك
لانه هو حر بأسئلته .. يبيعها يحرقها يوزعها..
لكن اذا ودك ترفع شكوى فهو فقط على شرحه اللي ماله داعي

/

اعتذر لك وبشده اذا كلامي زعلك

[mit]

قلب سارآ

وما ربك بضلام للعبيد

[Half Smile]

ياجماعة الخيـر .. الدكتور مسوي فينا خير وجآيب الأسئلة نصا ً من محاضرة 14 والواجبات وأسئلة قبل العام

وانت تقول تظلم ؟ وحنا يوم راحت علينا بإختبار الإدارة ليه ما قلنا كذا ؟

الدنيا حظوظ .. والله يوفق الجميع يارب

[Half Smile]

الظاهر أغلبكم ما يدري إن طلاب قبل العام ثلاث أرباع الأسئلة جاية من برى المقرر

وفوق مستوى الطالب المنتسب .. اشتكوا الدكتور وراح العام نزل أسئلة سهله والي قبل العام نجح كل الي

حاملين مادة الإقتصاد لأن أسئلتهم كانت صعبة .. لكن هالسنة الله يوفقه أسئلته سهلة