[ جميع التخصصات ] بنآت قولولنآ كيف نظآم اللبس بكلية العلومْ

[منآوي]

لبّى قلوبكم أخدمكم بعرسكم إن شَآءْ الله >
فديتكم وربي ماتقصرون وربي إنكم كفوْ ,,,
-
-

[no0ody12]

اذا ما عليكم امر عندي كم سؤال وبدال ما اسوي موضوع وحوسه قلت احطه هنا
انا قبلوني في كلية العلوم وانا من الجبيل ومااعرف ولا شي عن نظامهم

1- هل الكليه توفر مواصلات ولا على الاقل ارقام سواقين ولا لا ؟
2- افصل التنوره سودا ولا كحلي ؟ ماابي جينز مااحبه !
3- الجوال لازم بدون كاميرا ؟ واذا بدون كاميرا وطلعته وقمت العب فيه ياخذونه مني !!؟
وبالنسبه للاجهزه الثانيه اللي هي الايبود واللاب توب, ممنوعه ولا عادي ولا ايش ؟
4- وين مكان الكليه بالضبط ؟
5- اذا وصلت الكليه وين اروح ؟ وش اسوي؟ من وين اخذ الجداول ؟
6- وشلون المبنى بصفه عامه ؟
7- كيف الكافتريا ؟ >> اهم شي
8- هل فيه انظمه تتعلق بشكلك من مكياج ولا لون شعر ؟
9- و من جد اول مااوصل هناك مااعرف وش اسوي خصوصا اني مو من الدمام فابيكم لو سمحتم تساعدوووني واذا فيه شي لازم اعرفه قولوه لي , يعني تذكروا نفسكم اول ما دخلتم الكليه وش كان شعوركم ما تعرفون شي

[مآوفيتكـ]

شكراااااااااا

[ص.ع]

نووودي ي حياااتي .. وربي عورتي قلبي ... -> تذكرت نفسي لما كنت بجامعه فيصل بالحسا

ما علينا بجاوبك ع الي اعرفه من اسئلتك

بسم الله > تشمر يدها خخخخ ...



1- هل الكليه توفر مواصلات ولا على الاقل ارقام سواقين ولا لا ؟
اذا قصدك من و إلى الجبيل فأكيد عندكم انتو المكاتب هاذي توفرها !
لاني اشوف بنات يجون من الجبيل في باصات و كذا !..
ف اتوقع تخلين احد يروح يسأل !..

2- افصل التنوره سودا ولا كحلي ؟ ماابي جينز مااحبه !
هو النظام ( كحلي ) بس حنا أغلبنا نلبس سودا ..
بس هو يعني لا تستغربين انو اذا دخلتي اول يوم ( الأمن ) واقفين لك و يقولون "" التنوووورة السودا ممنوع " ، بس بحكم انكم سنه اولى ف ما اتوقع
لكن احتياط البسي كحلي إذا ما تبين وجع الراس لو اليوم الاول ع الاقل عشان الاحتياط يعني

3- الجوال لازم بدون كاميرا ؟ واذا بدون كاميرا وطلعته وقمت العب فيه ياخذونه مني !!؟
اكيد بدون كاميرا .. و ما راح يآخذونه اذا طلعتيه ولعبتي فيه .. بس يمكن فجأة تجي وحده من الأمن تسألك وش جوالك > ي كرهي لـ هالحركه <يعني هي مسويه تبي تتأكد .. ف وريها جوالك عشان تتفشل


وبالنسبه للاجهزه الثانيه اللي هي الايبود واللاب توب, ممنوعه ولا عادي ولا ايش ؟
الي اعرفه ممنوعه .. ولازم تصريح عشان تقدرين تجيبينها ، ولو ماعندك هالتصريح يآخذونه منك ..

4- وين مكان الكليه بالضبط ؟
اممم الي اعرفه قريب حي الاتصالات بالدمام !
بس وين بالضبط بالضبط ما ادري

5- اذا وصلت الكليه وين اروح ؟ وش اسوي؟ من وين اخذ الجداول ؟
شوفي ي قلبي ، في بوابتين للدخول للكليه ، الاماميه الي هي الرئيسيه ( وهاذي للدكاتره و الموظفات ) اما حنا المساكين ف ندخل من ورا ..
يعني لما توصلين لباب الكليه الرئيسي خليه ع يمينك بتجيك اشارة اتوقع .. بعدين تلفين يمين ، وتصير برضو الكليه على يمينك .. بعدين سييييده .. وبتشوفين السيارات تدخل و تطلع .. هذا الي يسمونه ( بوابة الطالبات هع ) بتلاقين أمن رجال و مكتوب لوحه جامعه الدمام كليه العلوم - كليه الأداب ..
بس بعدين تدخلين ( طبعا كله بالسيارة ) وبتجيك زهور و ورد ( امزح ) خخخ لا بتشوفين مواقف و كذا .. و بعدين بيصير عندك بوابتين وحده يمين وحده يسار ( اليمين ينقال انها للعلوم ) يعني ادخلي منها .. وبث
6- وشلون المبنى بصفه عامه ؟
المبنى يصلحونه و بيصير احسن ان شاء الله > عندها امل
لان قبل ما نعطل كانو يشتغلون فيه ، ف ان شاء الله انهم خلصو .. و يطلع حلوو على جيتك عشان تنفتح نفسك بس لا تنفجعين لا شفتي خرابه

7- كيف الكافتريا ؟ >> اهم شي
حليوة هع .. فيها أكل > احلفي
ههههه معليش بس ما فهمت قصدك بالسؤال بالضبط !

8- هل فيه انظمه تتعلق بشكلك من مكياج ولا لون شعر ؟
والله انا اشوف اشياء عجيبه ..!
ما قد شفت انهم دققو على شعر او مكياج !

9- و من جد اول مااوصل هناك مااعرف وش اسوي خصوصا اني مو من الدمام فابيكم لو سمحتم تساعدوووني واذا فيه شي لازم اعرفه قولوه لي , يعني تذكروا نفسكم اول ما دخلتم الكليه وش كان شعوركم ما تعرفون شي

ترى عورتي قلبي
خلاص دقي علي و اجي افزع لك > احلفي
شوفي اتوقع اول ما تدخلين تروحين لشسموه ذا مبنى علوم 2 ( ع2 ) اتوقع هناك يعلقون الجدوال حق التحضيري وكذا !
طبعا اول ما تدخلين من الباب الي قلت لك عليه تو .. تروحين يمين .. بعدين تمشييين سيييده ( بتتعبين شوي لما تتعودين ) عادي كل ما جمعت كيلو راحوو هع ،
المهم سيييده ، بتشوفين بنات يدخلون ادخلي معهم
بعدين بتصيرين جوا الكليه .. برضو امشي سيييده اخر شي بيصير مبنى علوم2 ( الي هو مبنى الادارة ) على يسارك ، واذا ما عرفتي اسألي البنات ، ترى طيوبات و بيجاوبونك

** انا محوله للكليه هاذي ف ما ادري وش سوو في السنه التحضيريه ، بس اتمنى يفيدونك باقي البنات ان شاء الله

وسامحيني ع الاطاله :) ، بس تذكرت نفسي و تمنيت احد يقولي كل شي بالتفصيل :)

الله يوفقك و حياك الله في جامعتنا الحبيبه

يمكن ادرس معاكم مادة اللياقه > تبي تسولف خخخخ

[no0ody12]

ص.ع مشكووووووره ما قصرتي
انشاللله ما اضيع ماشالله عليك عطيتيني كل شي ابيه تسلمين
قصدي على الكافتريا يعني نظيفه لان في الكليات اللي عندنا يشتكون يقولون فيها صراصير واشياء
خفت لا يكون في الكافتريا صراصير
واهم شي الورد دخلت جوي استانست . وانشالله معاك في اللياقه

[Dala3~]

للي يسألون عن افضل وآقي

انصحكم ب بآيوديرمآ من الصيدليهـ مرآآآ حلووو