ياجــامعــة فيــصل بنهــدي لك الطــوق ..

[شـــرق]

قريحتي الشعرية هاجت ودقّت سلف وانا مشكلة إذا دقّيت سلف

فوق السما حنّا مايعوقنا عوق = فوق السحاب و فوق كل العوالي


ماللرجى عازه ولكن لها فروق = لا رجيت الله يحقق لي سؤالي


ياهايمن بأفكاره مابعتهم سوق = بالأجل أو كاش يرخى لك ريالي


والطوق طوق العز مايشببهه طوق = والفرح كل الفرح لعيون غالي


فسر أحلامك بالذكا وانت ماتعوق == عندك صعيبه ماقوتها الرجالي

وصلامتكم

[vip_77717]

صح لسانك ... وفالك البيرق ..

[منصور الجليدي]

صح لسانك (كثر من هالنوعيه لعل المصحح يغير الخطأ صح)

[عقدألماس]

صح منطوقك ,,,
خلاص ,,, جميع المستويات الدراسية ببلاش عشان هالأبيات يابطل

[بحر الخواطر]

يعطيكم العافيه وتسلم ايديكم على القصيده وعلى الرد الله يكملها علينا بفرحة النجاح باامتياز ياااااااااااارب

[وفي الاطباع]

صحت بدناتكم جميعا

وصح لسانك ياشرق محاوله جيده وجميله.

وفقكم الله .

[جنتل الملتقى]

اقول ورى ماتخلي هالقصايد عنك وتنتبه لدراستك الله يصلحك << أخس يالشايب



عموما صح لسانك وفالك النجاح ع قولتهم

[وفي الاطباع]

ابشر ياطويل العمر واخر مره << خايف

يسلم لي هالذوق ياجنتل ياقميييييييييل

[مالي حيله]

روووووووووووووووووووووووووعه خطيرين من جد
صح لسانكم

[1من الناس]

المشاركة الأصلية كتبت بواسطة وفي الاطباع

السلام عليكم ورحمة الله وبركاته

اخواني واخواتي
بودي ان نغير في جو الدراسه بجو اخر لعل ان يروق لكم .
واحببت بأن اهديكم ابيات داعبت قريحتي واحببت بأن اطرحها لكم هنا , واتمنى ان تنال استحسانكم واعجابكم .

طلاب علــم وحلمـنا في الســما فوق=يارب وفـق من نـوى للمـعالي
اشوف بعيون الرجـى لــمـعـة بــروق=كنها تقول لفرحتي لي تعالي
اهيــم بــفـكاري وانا اخــيـل واتـــوق=لمعــانقة مستقـبل كنه جالي
ياجامعــة فيـصـل بنهـدي لك الطـوق=لعــل تهــدين الفــرح كل غالي
والحلم في عقل البشر شيء مخلوق=ومن هم شيء ادركه مايبالي

صح لسانك يابعدهم


مجاراااه كيبورديه عالطايررر




ياجامعة فيصل بك الحق مسرووق
........................... من صار همك بس جمع الريالي

صعوبة المنهج ترا تسرق حقوق
............................... ناس سهرت للعلم طول الليالي

منهو ربح بالسوق يمدح لك السوق
............................. واللي خسر بالسوق صابه هبالي

وان شدو التصحيح مااظن مخلوق
.............................. ينجح او يلامس نجوم اللــيــالـــي