سبب حذف المشاركات موجود هنا

[Aisheea]

المشاركة الأصلية كتبت بواسطة يقول إني إمرأة

يا اختي حنا طلبة انتساب يعني ما نقدر نقابل البلاك بورد ونخترع مشاركات
كل شي واضح ولا يوجد اي استفسار .. طيب ماذا افعل؟؟ هل اكتب سؤال اعرف جوابة؟؟

بعدين يقولون المشاركة لازم تكون فعالة من يحكم ؟ المقياس نسبي طبعاً
منتدى الحوار بطئ وغير فعال عكس المنتدى هذا اللي يعلو فيها سقف الحريات

المفروض يكون نصف الدرجات على مشاهدة المحاضرات والنصف الاخر للواجب فقط

اتمنى يلغون منتدى الحوار او يكون الاختبار من 100 درجة ارحم من هم البلاك بورد

تحياتي

المشاركات ما تستحق اختراع

اذا فهمتي المطلوب ممكن تحقيقه

المشكله الان ان الكثيرين اضاعوا على انفسهم الفرصه في استغلالها

والان بدا التذمر على نقصان الدرجات والحذف

و السؤال الذي يفرض نفسه

من المفرط ؟

هذا غير انه خارج نطاق موضوعي

انا اتحدث عن

ان كنتي او كنت راغبا في الحصول على ال10 درجات فما اجمل واعظم و اريح للضمير

و النفس من انها تكون مستحقه بجداره

بكل بساطه

ان تقبلتي نصيحتى فالحمدلله

[Aisheea]

المشاركة الأصلية كتبت بواسطة رووووزي

يالله .. ()

من جدكـ تتكلمين .. !!!

نعم

[Aisheea]

المشاركة الأصلية كتبت بواسطة مزاجي غير

والله انتي تتكلمين الظاهر من فضاوة انا اقارع مين واترك مين

اقارع العمل وحقوقي الضائعة فيه والا اقارع المرة والاولاد والا اقارع نظام ساهر والا اقارع سوق الخضار الطمام مرة فوووووووق ومرة فوووووووووووووووووووووووووق

بالله اجلس اقارع كل ها الناس

والا اعيش حياتي و انسى

فالنسيان نعمة

فين الفضاوه في انك ترسل رساله تكلفك وقت مثل هذا الوقت اللي كتبت فيه الرد هذا

لكن للدكتور المسئول عن القسم او للعميد تشرح فيه وضعك مو بالاخير انت المستفيد الاول

شفت اشلون سهله ؟

ثم انك اخذت كلمه مقارعه وكاني قلت لك احمل سيف ودور فيه الحساء

و ابشرك الطماطم نزل سعرها السوبر ماركت اللي تحتنا يبيع الكيلو باربع ريال :)

ما نحب نشتريها بالكرتون تخرب قبل نستهلكها

[Aisheea]

المشاركة الأصلية كتبت بواسطة جريح الشوق

باالعكس لو البنات او الشباب يكتبون ..سبحان الله او استغفر الله ...راح يحصلو على الاجرا ن شاء الله

بس يمكن لان الموقع زحمه ومايفتح مره ..الواحد صار يكتب اي كلمه او اي شرطه بس تحسب مشاركه

والله يوفقكم يارب...ومشكوره اختي على هيك موضوع

فيها تكتب اللي تبيه على المفكره و اول ما يفتح البلاك

على طول كوبي و باست

ان شاء الله الجميع موفق و جزاك الله خير

[شـــرق]

الموضوع هذا معقول الى حد ما في حالة لو ان البلاك بورد والخدمات المقدمه من الجامعه بالشكل المطلوب لنا كطلاب منتسبين وركزو على كلمة منتسبين ( يعني اللي اعرفه من طلعت على وجه الدنيا مش ملزومين بمشاركات و واجبات )

اما في حالة نظام شبه معطّل ولا يعمل إلا بعد معاناة فمن المؤكد أن المشاركات ستكون صوريّه و واجبات متناقله لكسب الوقت والخوف من تعطل النظام مره اخرى وفاقد الشيء لا يعطيه

( علما بأننا طلاب منتسبين لسنا ملزومين لا بالمشاركات ولا بالواجبات وكررناها اكثر من مره ولكن دون جدوى )

ما أقول إلا الله يعينا و يوفقنا ونعدّي هالأزمه

[Aisheea]

المشاركة الأصلية كتبت بواسطة nashmi

صراحه انا قبل شوى كنت فى منتدى الحوار مادة القانون احاول ادور موضوع ارد عليه لانى اخاف احط موضوع جديد ويطلع مكرر ويحذف مثل غيره ما انحذف وشفت بين المواضيع موضعين تخلى الدكتور يحذف المنتدى بكبره والله انى ضحكت لما شفتها تدرون شنو هالموضوعين الشباب ادخلوا على اخر صفحه فى المنتدى مناقشة الماده راح تلقون العجب

الموضوع الاول :واحد يسأل شنو اسم الكتاب المقرر !!!!

الموضوع الثانى وهو الكارثه يسأل عن نوع الاله الحاسبه ههههه فى مادة القانون

عقبها قفلت المنتدى وقلت اوفر الوقت فى المذاكره

شى غريب

الله يعين الجميع و ان شاء الله ربي يوفقك

[Aisheea]

المشاركة الأصلية كتبت بواسطة لــوســي

أنا من أشد المؤيدين لتقسيم الدرجات بين الواجبات والمحاضرات .. والباقي للأختبار ..

ولكن من أشد المعارضين على منتديات الحوار ..



أولا لصعوبة التصفح .. ثانيا لضياع وقتنا في شي غير مفيد ..




وبصراحه أذا دققنا في حقوقنا وفي الحساب والعقاب راح تطلع بلاوي

لما يجي وقت الحساب يوم القيامه على قولتك لما يأسألوني ليش كتبتي كلام غير مفيد ..

راح أقول أنا لما دفعت لهم فلوسي ماكان فيه اجباري منتديات حوار وغيرو



وانا المظلومه .. أنا الي أنغشيت ..

راجعي شروط البيعه بين المؤمنين .. أبحثي في قوقل ..

لايجوز أنك تنتظر الآخر يعطيك فلوسك وتغير في شروط البيعه ..

راح يكون مكره أنه يكمل بشروطك أو يخسر فلوسه ..

بعدما تم العقد بيني وبينهم ودفعت فلوسي غيروا الشروط ..

فمن المخطئ الآن ؟؟




صحيح المفروض تكون مشاركاتنا فعاله لأننا ناخذ عليها درجات .. بس أحنا مكرهين عليها

حتى لو تكفرين بالأكراه مايحتسب كفر ..

المفروض البيعه بين المؤمنين تكون واضحه ولايتغير فيها شي الا برضا الطرفين ..

هذا رأيي ..

وشكرا جزيلا على تذكيرك لنا وعلى نصيحتك الرائعه ..

جزاك الله ألف خير ووفقك دنيا وآخره ..

رغم اختلاف وجهات النظر

احترم رأيك بشده

و فقك الله

[Aisheea]

المشاركة الأصلية كتبت بواسطة dream.2007

من جد هم اللي خلونا نسوي كذا لو من البداية قبل الدراسه معطينا خبر بيكون في منتدى للمشاركة

طيب ولنفرض انه توه اصدر قرار بخصوص المنتدى طيب والمشاركات ؟؟ مالهم عذر المفروض من البدايه حددوا لنا 14 مشاركه مو خلونا نشارك وبس كان ماصار اللي صار هم السبب

الله يعين الجميع

ماهي الا نصيحه اتمنى انها افادتك

[M7TAR]

[align=center]
انا ما اقول الا يا صبر الارض
العالم الحين منحاسين بالاقتصاد وانتي تدورين وتنبشين على حذف المشاركات والردود في المنتدى
اختي الفاضله روحي اقري لك كم كلمه احسن من هالكلام
واذا انتي فاضيه فكينا وخلينا نعرف نتباحث ونتجاذب اطراف العلم في المنتدى
[/align]

[Aisheea]

المشاركة الأصلية كتبت بواسطة لاشيء يستحق

تواجدي هنا لعشر دقائق بالكثير بس هناك عشان يفتح البلاك يحتاج نص ساعه وعشان يرسل المشاركة يحتاج وقت اكثرخليك واقعية اذا انتي فاضية غيرك ماهو فاضي والله اني اسمع المحاضرات وانا طقاق مع اولادي عاد اقعد انسخ لهم من الكتاب بالنااااقص حلال عليهم العشر درجات

المشاركة الأصلية كتبت بواسطة لاشيء يستحق

ايه ونسيت اقول بعد الاتصال عندي تعبااااان وطول اليوم وانا احمل محاضرات كيف بالله احمل محاضرات وافتح البلاك بنفس الوقت مايفتح نهائيا ....ولا اترك تحميل المحاضرات واقعد انسخ...خيتو اذا حسيتي بمعاناة غيرك راح تعذرينا..

الله يعينك و يصبرك ويجمل حالك

فعلا الاطفال والبيت مسئوليه جمه

لكن انا قلت بساطه ان كنتي ترغبين في المشاركه حللي درجتها

مب ضروري ترابطين على المنتديات

و اذا على الوقت اذا عندك وقت اتسلفيني احك راسي فانتي في نعمه

الله يوفقك و يفرحك باولادك