بخصوص القرار الجديد .. بعيد عن التأييد والاعتراض .. تعالوا نتفاهم شوي

[تفاصيل صغيرة]

المشاركة الأصلية كتبت بواسطة بلا مجامله

انا صراحه كنت ادرس انتظام بس من زود فلاحتي فصلوني للرسوب المتكرر<<<فالحه
بس ايام الانتظام الفاينل عليه بس 40 وال60 على الكويزات والميجرات والاساي منت
بس البنات اللي كانوا يجتهدون ويجيبون الستين كانوا يدخلون الفاينل مرتاحين ع الاخر
يعني صراحة القرار هذا حلوووو ومافيه شي منها نكسب 30 % بالراحه وياليت يزيدون الدرجات علينا علشان مانحتاج درجات كثير بالفاينل
وسالفة المحاضرات المباشره افتحيها ومو لازم تكونين عند الجهاز شغليها وخلي الدكتور يبربر بلحاله اهم شي مسجل الدخول وبعدين بتلقينها وحمليها لانهم راح يسجلونها وانتهى الموضوع

لااااا هالسنة ان شاء الله تنجحين بمعدل عالي وتكملين وتاخذين الماجستير
ايييه هذا الكلااااااام ..
الدرجات بتساعدنا كثير وليتهم يزيدون الدرجات يكسبون اجر والله << احلفي
30 درجة خير ونعمة الحمدلله
اما عن المحاضرة المباشرة
على قولتك نشغل الجهاز ونخلي الدكتور يبربر براحته بس عساااه النظام يعطينا مجال ندخل


هلابك ياقمر نورتي

[وردة الجوووري]

شوفي هو القرار حلو
بس مشكلتهم وقت صدور القرار يعني لوكان قبل مايبدا الترم والدراسه

هذا اللي صدم الكثيييييير هنا ومادروا وش يسووا بس مع الوقت
صدقيني بيعجبهم القرار وبيرضوا بالامر الواقع

[Abo Mona]

خير الكلام ماقل ودل ..

- سالفة المحاضرة المباشره لاتتفق من اغلب المنتسبين بحكم أنشغالهم وارتباطهم بمشاغلهم

فترتها صباحيه (x)
وقتها محدود ويتوجب عليك الحظور بهذا الوقت دون مراعاه لاي ظرف كان (x)
والا لن يغفر لك .

(أهون علي وربي لو قالوا تعال الجامعه وأحضرها ع الطبيعه)

- سالفة المشاركه بالمنتدى الحوار غير مناسبه ايضا
(لابد من تعديل بعض النقاط بهذا الشرط).



- سالفة التمارين والواجبات انا مع النظام 100 %



وكفى الله المؤمنين شر القتال ,,

[رذاذ المطر ..!!]

القرار صدمه لي ماعرفت عنه الا قبل دقائق

كنت مريضه مادخل النت الا شوي وخرج

وش يقصد بمنتديات هل هي منتديات الحوار الا في بلاك بود والا منتديات النقاش طلاب الجامعه ...؟؟

وبعدين الواجبات كيف ارسلها الدكاتره عن طريق الايميل الخاص في كل دكتور ولا وين ..؟؟

الله يخليكم ساعدوني عن جد تعبانه مالي حيال الله يعين بس

[تفاصيل صغيرة]

المشاركة الأصلية كتبت بواسطة وردة الجوووري

شوفي هو القرار حلو
بس مشكلتهم وقت صدور القرار يعني لوكان قبل مايبدا الترم والدراسه

هذا اللي صدم الكثيييييير هنا ومادروا وش يسووا بس مع الوقت
صدقيني بيعجبهم القرار وبيرضوا بالامر الواقع

صح كلامك .. وهذا اللي قهرني في البداية بصراحة
المفروض يكون كل شي واضح للطالب قبل التسجيل من حقه يقرر يدخل البرنامج بهذا النظام والا لا
بس عاد هذا اللي صار ... مالنا الا نتحمل ونتوقع المزيد من القرارات المفاجئة
ويارب تكون كلها في مصلحتنا
مايطلع الترم الثاني يصير دفع رسوم على الواجبات
الله يستر

يلا الحين ننظر للموضوع من الجانب الايجابي لانه امر واقع مالنا مفر منه
يا اما نقبله ونتجاوب معاه و نتحمله بكل صعوباته
والا نقعد نتحلطم واخر شي ننفذ الاوامر والبوز شبرين :mh01:

انا شخصيا شحنت نفسي بفكرة انه قرار حلو ومفيد و لقيت نفسي مرتاحة له جدا

[تفاصيل صغيرة]

المشاركة الأصلية كتبت بواسطة abo mona

خير الكلام ماقل ودل ..

- سالفة المحاضرة المباشره لاتتفق من اغلب المنتسبين بحكم أنشغالهم وارتباطهم بمشاغلهم

فترتها صباحيه (x)
وقتها محدود ويتوجب عليك الحظور بهذا الوقت دون مراعاه لاي ظرف كان (x)
والا لن يغفر لك .

(أهون علي وربي لو قالوا تعال الجامعه وأحضرها ع الطبيعه)

- سالفة المشاركه بالمنتدى الحوار غير مناسبه ايضا
(لابد من تعديل بعض النقاط بهذا الشرط).



- سالفة التمارين والواجبات انا مع النظام 100 %



وكفى الله المؤمنين شر القتال ,,

لااااا مين قالك ان المحاضرات المباشرة فترتها صباحية؟؟؟
اما لو صباحية من جد مالهم دااااااعي
يقولون مسائية مو صباحية
بس حتى لو مسائية .. مساء عن مساء يفرق بصراحة
يعني مثلا لو انها الساعة 5 .. كثير مابعد يخلص دوامهم بوظايفهم الساعة 5 او 6 ..
لو انها الساعة 9 حلو ويمدي
ولو ان سالفة المحاضرة المباشرة مااااجازت لي
يارب يلغون الدرجات اللي عليها ويوزعونها على الواجبات و الاطلاع على المنتدى


ثاني شي سالفة المشاركة بمنتدى الحوار ترى والله العظيم قالوا المشاركة او الاطلاااع
يعني مووووو لازم نشارك
مجرد الاطلاع يعني مجرد ماتدخل تضغط على منتدى الحوار الخاص بالمادة وتدخله وتتصفح اي موضوع فيه ( مع ان اغلبها اسئلة بايخة ) دخولك بس يسجل في النظام انك دخلت
لاتقرا شي بس افتح المواضيع وقفلها واطلع


والتمارين والواجبات حلوة على الاقل فيه شي يجبرنا على المراجعة اول باول

[@الشمالي@]

يعطيك العافيه اختي تفاصيل صغيره على الموضوع

وانا من بداية القرار قلت انه قرار ممتاز لنا اذا استفدنا منه واستغليناه



موضوع يستحقق التقييم

دمتي بخير

.........

[najlaa]

[align=center]هل هالشيء خاص بادارة الاعمال فقط <<<<<حتى الانجليزي عندهم واجب بس لمين ووين مدري
انا ماعندي مانع من اني احل واجب او غيرة
المهم انه يكون فيه توضيح للوقت والزمان والمطلوب مسبقا
مو ادري اليوم انه فيه واجب واكتشف انه انتهت مدة الحل <<<<والناس قاعدين يناقشون الاجابات

[/align]

[تفاصيل صغيرة]

المشاركة الأصلية كتبت بواسطة رذاذ المطر ..!!

القرار صدمه لي ماعرفت عنه الا قبل دقائق

كنت مريضه مادخل النت الا شوي وخرج

وش يقصد بمنتديات هل هي منتديات الحوار الا في بلاك بود والا منتديات النقاش طلاب الجامعه ...؟؟

وبعدين الواجبات كيف ارسلها الدكاتره عن طريق الايميل الخاص في كل دكتور ولا وين ..؟؟

الله يخليكم ساعدوني عن جد تعبانه مالي حيال الله يعين بس

ياعمري سلامتك ماتشوفين شر

المنتديات المقصودة هي اللي على البلاك بورد
الواجبات ماعندي خبر عن كيفية ارسالها ولا نزلوا شي بقسم التمارين والواجبات
دايما شيّكي وتابعي كل مادة وشوفي الجديد اللي نازل فيها بكل اقسامها
اكيد بنعرف كل شي في القريب العاجل
وتقدرين تسألين الدكتور بمنتدى الحوار او خلينا ننتظر كم يوم لين تتضح الامور كل شي بنعرفه بوقته ان شاء الله ..

[dloo]

..

صحيح والله كلامك ,
في البدايه القرار ماعجبني
بس شفت انو في مصلحتنآ
يعني 30 درجه في جيبك وش اكثر من كذا
واحسها بتساعد على النجآح كثير ,
الله يوفقك يارب =)

..