|
مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
|
أدوات الموضوع |
2010- 10- 20 | #21 |
متميزه في ملتقى التعليم عن بعد - التربيه الخاصه
|
رد: ممـــلـــكــتـــي
|
2010- 10- 20 | #22 |
أكـاديـمـي فـضـي
|
رد: ممـــلـــكــتـــي
احساس القمر
مروركـ هة الرائع بحد ذاته كوني برب دواما الحياه اسلوب حي الله الغاليه ايه شفتي كيف وانا مسوي معه الاخ الحنون والله فرحت يوم شفت ردك حياك كل يوم |
2010- 10- 20 | #23 |
أكـاديـمـي فـضـي
|
رد: ممـــلـــكــتـــي
علوش الحلو
الله يعطيك العافيه حياك ربي |
2010- 10- 20 | #24 |
أكـاديـمـي فـضـي
|
رد: ممـــلـــكــتـــي
هرفي والبنت الحلوووووة اذا كنت ضعيف أمام القصص الرومانسية الخالدة.. فأنصحك بتجهيز عدد 1 علبة مناديل كلنكس بالنعومه المضاعفة، و عدد 1 كاس شاهي مخدّر (يووووه مخدر! يااا قدمي.. من وين طلعت ذي؟! )، و عدد 2 طفاية حريق.. هذا سلمكم الله قصة واحد أعرفه من الشباب.. قال لي هالقصة زمان.. و انا من يومها و انا اعتبرها أسطورة في عالم الحب العذري.. و منحوته جميلة في متاحف الحب من أول نظرة…: القصه لها سنين.. كان خويي عمره 13 سنه .. (ما أدري اذا كان بلغ ولا لأ أيامها ) يقول انه في يوم التاسع عشر من آب اغسطس تشرين و تبيعين كانون سوني السابع من هاك السنه.. كان يوم جميل جدا.. رااايق.. و كان يوم أربعاء.. و تخبرون من اول وشلون كنا نقدر يوم الأربعاء! طلع مع أهله لمطعم (هرفي).. هو و أخوانه و أمه و أبوه.. الجيش كله يعني.. و طبعا كان متشقق من الوناسة.. شكله عشان يلعب بذيك حقت الكور (تراه للأمانه ما قال لي هالمعلومة لكن حنكتي و دهائي قادوني إليها )المهم.. يقول وصلنا و طلبنا الأكل.. و جلسوا اهلي في محلهم ينتظرون.. شوي الا طلبنا خلص.. فقمت انا مسوي زحمه عند أهلي اني الولد القوي (ترى كل العيال يمرون بهالمرحلة.. اسمها العلمي متلازمة أول متوسط جيم) و قال لأهله انا ابشيل الطلب بلحالي! قالوا له: عفيه الشاطر.. يالله رح..! يقول رحت.. و يوم جيت آخذ الطلب.. الا هو واااجد.. بس ولو ما عاد يمدي يتراجع.. ولا يا شماتة أبلة طلال فيا (طلال أخوه اللي أكبر منه) .. يقول والله و اشيله يالله يالله..! المسكين.. توه بيلف يرجع.. الا (يصقع) بذيك البنت اللي تقول للقمر قم اجلس مكانك: .. و شعرها طوووويل (ترى الشعر له مفعول كبير علينا من اول.. و حبذا لو صار مع نفاشي و قبعه ) يقول طبعا واحد من البباسي انكب عليه.. لا والكاتشب و الماسترد كانوا حاطينه في ذيك الأكواب الورق الصغيرة.. فصار ثوبه كنه طقم فريق مدغشقر الوطني في دورة افريقي 14.. استحي طبعا من البنية.. وبعد ما قام و سنع وضعه قال لها آسف.. قالت لا لا .. أنا اللي آسفة! و راحت.. قول يوم راحت كنها خذت روحي معها.. حسيت اني شهقت.. تمطقت.. في وقت واحد و آنن معن! (والله ياهو تسذوب شكله.. أصلا ما تجي ): المهم.. وصّل الاشياء السليمة من الأكل لأهله.. و اخذ منهم فلوس عشان يشري بدل الاشياء اللي طاحت..! يوم وصل عند المحاسب.. الا البنت الحلوه تحتريه!! قلبي صار يقول.. دربق دربق.. كنه صوت مشية غزال نذل و مستعجل.. قالت له.. معليش هذي ريالين عن الببسي : اللي طيحته!! قام خويي عاد و سوى لي فيها الولد الكاش.. قال لها.. لا والله ما آخذ.. لا لا.. قامت ناظرته بعين كذا خنفشارية.. و قالت له.. (عشاني طيب؟!): طبعا أبو الشباب تدوده.. و عينه قامت ترف.. وحس انه ضاااايع… و ركبه ساابت.. و قال.. اييييه! يقول خويي.. صراحة يامحمد حبيتها!! حبيتها من كل قلبي.. هذا هو الحب العذري الطاهر البريء الجميل اللازوردي (يحسب اللازوردي مدحه شكله.. تراه ماش مهنا ثقافة يا ويلي )!! يقول رجعنا البيت وانا بس ماسك ريالاتها و جالس اتمقل فيهم و أقلبهم.. و يوم وصلنا.. بديت اهوجس.. خفت (طلال) يلطشهم.. موب وقته أبد هالحزة! فقام خويي فرغ علبة كبريت.. و حط فيها الريالات.. و رفع العلبة فوق الخزانة!!: و صار كل ما اشتاق لها حط شنطته فوق كتبه فوق كرتون الفش فاش فوق الكرسي عشان يصير فوق الخزانة و يجيب علبة الكبريت.. و يجلس يتفرج على الريالات اللي اعطته!! عمركم شفتوا رومانسية زي كذا بالله عليكم!!.. دقيقه والله جتني الصيحة.. خويي يوم وصل هنا سكت…..! - قلت: طيب؟ - قال: وش طيب؟ - قلت: وش صار بعدين؟ - قال: خلاص! - قلت: الريلات عندك الى اللحين صح؟! - قال: لا والله و حياتك.. بعد شهرين.. كنت مشتهيييييي كت كات.. و جا اخوي طلال يغاورني معه كت كات و عيا يعطني اصبع.. قمت قلت في نفسي.. الحياة تضحية.. و هي أكيد بتتفهم هالشي.. و أخذت الريالين و شريت بهن كت كات! : عموما.. طلع مشفوح الله يرجه في الأخير.. بس ولو تظل ولله قصه مؤثرة! |
2010- 10- 20 | #25 |
أكـاديـمـي مـشـارك
|
رد: ممـــلـــكــتـــي
يسلموووووووووو يعطيك العاااااافيه
|
2010- 10- 21 | #26 |
أكـاديـمـي فـضـي
|
رد: ممـــلـــكــتـــي
اهلابكـ نورتي الحته |
2010- 10- 22 | #27 |
أكـاديـمـي فـضـي
|
رد: ممـــلـــكــتـــي
صباح ( الجرح ) وإجحافه وشمس تشهد ضياعي ياحلووو الصبآح وجو الصبح وقهوهــ الصبح على صوت فيروز .. واشين مافيه زحمته آحب الصبح اكثر مني ... فترة الصبآح الفترهــ الوحيدهـ اللي اكون مروووق فيها بشرط مآيكون فيه ( دوآم ) ولا ارتباطات وآلبيت مدآومين كلهم مآفيه الآ الخدامه اللي ازعجتني بصوت المكنسه من صباح الله وجالس اتفرج على تيمون وبومبا على mbc3 وفجاأهـ وبدون مقدمات دخلت علي بنت جيراننا الصغنونه بدون ماتطق الباب ولا شيء اول مادخلت اهلين محمد <----- واحد من الشباب مو بنت عمرها 6 سنوات وعلى طول احتلت اللاب توب و ريموت التلفزيون وجلست تقول نكت بآيخه + صوت عالي على اناشيد طيور الجنه لا وعيونها تدمع بعد .. على ايش مدري شوي الا تقولي محمد ابي افطر جايعه <---- شسوي يعني ارضعها حسيت اني مخلفها وناسيها :mh01: على حبي للاطفال بس هذي عله ومع ذلك انبسط معها .. اذا جتني تسوي جو واوقات تقول لآمها خلينا نروح لجيراننا .. ابي اجلس مع محمد<---- على ذمه الراوي اللي هي امي المهم وام جيراننا طالعه تقول لبنتها تجين ولا تجلسين هنا حسيت ان اهلها متوهقين فيها وهي تقول ابي اجلس هنا مابي اروح .. عآد انا تجيني حالات واتهور .. قلت خلني ساكت احسسسن علشان مانخسر الجيران ههههههه؟ جلست تسولف .. وقسم سواليفها تفطس من الضحكــ .. تدخل في 600 سالفه في وقت واحد سالتني سؤال توهقت فيه بصراحه تقول انت ليش ماعندك اطافيل <---- تقصد اطفال قلت لها لاني ماتزوجت قالت عادي مو لازم تتزوج اصلاً <---- كذا صار وجهي قلت كيف يعني .. اصلاً لازم الواحد يتزوج علشان يجيب اطافيل حلوين مثلك بعدين سألتني سؤال اعظم !!! قالت طيب شلون يجون الاطافيل؟؟ قلت اللي يحب زوجته يجيب منها اطافيل قالت يعني انا احبكــ يعني اجيب منكــ اطافيل ياليل ماراح ننتهي <--- حسيت اني توهقت مع هالعله قلت لا .. لازم تكبرين وتخلصين المدرسه بعدين تتزوجين وتجيبين اطافيل قالت اهاااااا <---- طلعت من قلب حسيتها فهمت ( انا بيني وبين نفسي انبسطت انها فهمت علشان اغير الموضوع ) شوي الا تسألني طيب اذا كبرت وبغيت اجيب اطافيل احب زوجي مع خده ولا مع فمه ايووووووووووووووهـ هنا بغى يغمى علي .. حسيت اني ماسويت شيء قلت لها بكرا ان شاء الله تكبرين وتجيبين اطااافيل واجد بس الله يرحم والديكــ غيري الموضوع .. انا استحيت باقي خمس دقايق واعترف لها واقول لها شلون يجون الاطافيل ههههههه قالت انا اصلاً اذا كبرت بتزوج واحد مثلك محمد طيب كثير وماتهاوشني ابد وتخليني اجلس على كمبيوتركــ قلت فديتكــ قسسم احرجتني بكلامها ( ياحبي لها بس ) شوي وتدخل امي بفطورها والحمد لله جهز الفطور وجابته لي الوالدهــ علشان يتغير الموضوع بعدها قلت توبه ماعآآآد اغيب عن الدوام ثاني او اني اغير بيتنا وننقل حي ثاني وماراحت الا بالويل مساء الـ..(راح) .. وخلاّني لـ ضيقه مالها داعي |
2010- 10- 22 | #28 |
أكـاديـمـي ألـمـاسـي
|
رد: ممـــلـــكــتـــي
هههههههه
محمد جد الي يصير لك ولا من نسج الخيال ههههههههههه ههههههههههههه<<وسوري أذا كثرت مداخلاتي بهالمملكة ارائعة |
2010- 10- 23 | #29 |
أكـاديـمـي ألـمـاسـي
|
رد: ممـــلـــكــتـــي
تشرفت بتواجدي بهذه المملكه الرائعه والاروع قصة الاطافيل ههههههههههه الحمد لله ان امك جت بالفطور
الله يوفقك بحياتك وتتزوج اللي تسعدك وتجيبلك اطافيل مثل القمر بس من وين تبوسها ههههه |
2010- 10- 23 | #30 | |
أكـاديـمـي مـشـارك
|
رد: ممـــلـــكــتـــي
اقتباس:
هههههههههه والله رهيبه مملكتك تقبل مروري وعقبال ما يجيك اطافيل |
|
مواقع النشر (المفضلة) |
الكلمات الدلالية (Tags) |
ممـــلـــكــتـــي |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|